وصلتني هذه الأبيات من الشاعر المبدع

ناصر الشريف...

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا شاعرة نجد نزف الحرف حس وشعور=ماهو كلامٍ تماريبـه ضعـاف النفـوس
الشعر مثل السفينـه والقوافـي بحـور=منها وفيها البنادم ياخذ اغلى الـدروس
واذا لقيت العقول مـن التفاهـه دهـور=اشوم عنهـا وادور للعـواري لبـوس
[/poem]

قلت...

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا يالشريف اللي حضورك حضور=يالشاعر اللي شموخ الشعر فيك امْغَروس
رسمت لوحه جميله من ثلاثـة سطـور=مابين حسّ الشعور وبين شرْد الهجوس
والشعر يحمل رساله لو تضيق الصـدور=فيه أختلاف المعاني ك..اخْتلاف الطقوس [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتحسب أعذارك تْسوّي معي شيّ=لا والله الا زادت الطـيـن بـلّـه
وأنا شموخي فووق لو قَصْرَت ايدَيّ=هامة شموخ النفس فينـي اجْبلّـه [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا لو بَطْلق عْنان القلم يكتـب علـى ليـلاه=حرام أن يشتكي ركني على القاري من حْروفي
حرام أن أطرب السامع بشعرٍ يعجبـه لاجـاه=واسجّل في سماا الابداع مما يخلج بْجوفـي
واقول امن القصيد العذب مايشفي جْرووح الآه=واهيّض من جماهير الشعر مئـات وولوفـي
ولكن ماقدرت أطيع شعري وامْتثـل لرضـاه=قسم بالله من باب الحياا ماهوب مـن خوفـي
[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا مَن حزنها عيّا يخلي قلبهـا ويْـرووح=تمكّن فـالخفوق وزان له فـالصدر منزاله
ترجيته يْسافر لو شهر عن خاطري مسموح=ولكن أعتذر حضرة جنابـه قـال ماجالـه
[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لي من جزيل القاف ياليل مدّه=والجو راايق والسهر جااز ليّه
ياليل ودّ الصوت ياليل ودّه=ياليل ودّه لايْعوود عليّه
ودّه لمن لاجاه صوتي يرده=بشعرٍجزيلٍ عذب له قابليه
أبيع واشري بين مزحه وجده=وخزْنات جوفي بالقصايد مليه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في دائره مغلقه,مابيـن قطـر ومحيـط=ضيّعت رووحي وأنا, ماشفت نقطة عبور
تاهت مسارات فكري,والهواء مستشيـط=عكّر سماا خاطري,لوكان قلبـي صبـور [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليته إلـى منـي دعيتـه ليتـه=يسمـع ندايـه كـل ماناديـتـه
وان ضاق صدري واشتهيت أغني=يزول همـي كـل مـا جاريتـه
شعـرٍ يجمّـل شاعـره لاغنّـى=يطرب خفوقي وانتعش لااوحيتـه
وحْروفه الجزله تْوسّـع صـدري=ليته يواسـي خاطـري ياليتـه [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هجوسي لامتى تسري بقلبي=معك في ذا المتاهاات المخيفه
أخااف الدرب يقصر ماوصل بي=أمانه خل معلووقي بْكيفه[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله أنه علي النوم ليلي حرام=ماغفى جفن عيني لاثلاث الصباح
صال فكري وجال وراح نصفه حطام=كل ماجيت ألملم ماشرد منه صاح
بين طبع البراءه,بين روح السلام=يسرقه سلسبيلٍ أغدقه لين طاح
بلل عْروقي اللي قد طواها الهيام=واسعد أوقات عمري من قصيد ومزاح
لين فل الشريط وقال بعض الكلام=هالني يشهد الله يوم فضفض وباح[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نويت أتمشى مع حْروفٍ طرت ياسعود=على خاطري واخشى الظمأ في اللواهيبي
تهيضت لحروفٍ سرت مع طريق الجود=تسابق معه قيفـان شعـري وتسريبـي
وأنا كل خوفي كان مانيب انا المقصـود=واخاف أصْخَر القيفان واخطي بتصويبي
أبعثر حْروفي وانظم البيـت عقـد ورود=واغني على المـوال واروي مشاريبـي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كتبت امن الخواطر والقصيد وفاضت أورااقـي=ولازالت عْرووقي من ضمى الوجداان عطشانه
عزفت امن الحروف وماوصلت لْصادق أشواقي=ولازالت ضْلـوع الصدربالمخـزوون ملياانـه [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكثر ما أسهر على الصفحه واحاكيها=ويا كثر ما اكتب من أشعاري على فالي
وياكثر ما اسجل حْروفي وما امحيها=وياشيب عيني لو أكتب ماطرى بالي
وياكثر ماهلّت عْيوني عباريها=حاجه غريبه ثعت فـــ..الرووح من تالي
وياكثر ما أحرص على نفسي واقاويها=وأحذر من الناس لايقرون فنجالي
من فضل ربي أسرار الخلق مخفيها=هيهات وعْلووم لولى حكمة الوالي[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرسلت مرسولـي ولاعـاد عـوّد=يابردها ياناس بعـض المراسيـل
طـال أنتظـاري واحتمالـي وزوّد=ماشفت من بعض الرسايل محاصيل
يمكن علـى طبـع الليـال أتعـوّد=ويمكن تزين وتعتدل في المقابيـل [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابوي لو مرّن جديدات الأيام=ماعاش من يسلى بدونك وينساك
عقب الدلال أصبحت من عدّ الايتام=ياكثر دمع العين من عقب فرقاك
حول الثمان اشهور وأنا والاحلام=أقابلك فيها واقبّل محياك
أحلام تنعش خاطري كل ماانام=وان قمت! ما ألقااا غير حزنك وذكراك[/poem] :(

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نويت أقطع الأرسال,وابعد عن الأرسال=ولكن غلب حلمي,على ثورة أعصابي
حليمه وأحب الصبر,لودمع عيني سال=وأحب التأني,لو تعجّل بـي اركابـي
نهيت القوافي لاتمادَى ف..الاسترسال=عساها تطاوعني ولاتكشف احجابـي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للورد في نفسي مكانه وتعبير=تعبير يدهشني من الروح للروح
تنثار له كل الاحاسيس وتغير=لاقام من حس الهواء عطره يْفوح
وأخاف لاهبّت عليه المعاصير=يفقد شذاه ويذبل الورد ويروح[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عسى خير ياحلم(ن) حلمته وطار النوم=وأنا نوم عيني لاتكـدّر علـى الريحـه
سعيده ومبسوطه ولكن قبـل كـم يـوم=حصل مااتحلّم به ولـو تـم توضيحـه
عجزت أفهم الموضوع لو قلت له مفهوم=عساي أدرسه وافهم سرايـر مفاتيحـه [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خذني على القارب ولاتسبق الموج=لاصار هادىء,رووعة الجو تغريك
خذني على قارب من الود مسروج=وأنا بغنـّي من قصيدي واسلّيك
خذ قاف(ن)أحلى من سواليف واهروج=واحلى من السكر,عن الزاد يغنيك
خذ عذب شعري واسمع الصوت ممزوج=بنغمة غلا,من صادق الروح تدعيك
خذني وسافر بي عن ظْروفي العوج=بعثر هْموومي,وازرَع الورد واهديك [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لبى القصيد الجديـد اللـي يسلينـي=لاضاق صدري وجاني زاالت هْمومي
يسير حرفي على كيفـي يحاكينـي=واعطيه روحي ويااخذ زبدة عْلومـي
ويترجم أحداث نفسي ليـن يروينـي=عزف المشاعر عليها الحسّ مختومي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل طبع الوفاا لاتقطعه تكفى=لاجيت بَسْهر معك بالله سامرني
أفرح الى أقبل ظلامك والنهار أقفى=نسيمك العذب مدري كيف يسحرني
واسرار قلبي على شرواك ماتخفى=ياما شكيت الْك همي وانت خابرني
ياليل مااظن جرحٍ في الحشى يشفى=خل انتسلّى عسى ربي يصبرني[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسحابه لانويتي تمطرين أبغى هزيم رْعـودك=يصْحِي النايم عشان أصحى وأجي وقت الهطول
يستثير الخافق المكتوم في حضـرة وجـودك=ليت وقتك ياسحابه في سمـاا جـوي يطـول [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نامت عْيون الناس والعين عيّـت=حسبي على ذا العين مكثر سهرها
لا أقبل ظلام الليل هلّـت وحيّـت=واستبشرت به واستهلّت مطرهـا
على السكون وكل فرصه تهيّـت=تشكي المواجع قبل يظهر سفرها [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البوح لامن جا من الروح مسموح=حتى ولو يكشف خفايـا سـدودي
لاشك مالي بعض الاحيان مصلوح=واخاف لا اطلع عن مراسم حدودي
أجحد مناوي خاطري واتعب الروح=وابصم بْعشري مامن البوح زودي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا اللي لابغيت أهجـر حروفـي=نسيـم الليـل حركهـا هبوبـه
تناغم حسّها في وسـط جوفـي=على الرنّه تسابق فـي عذوبـه
وأنا اللي هاضني شوف القنوفي=إلى مـن لاح بارقهـا اعجوبـه
أناظرهـا ولـو طـوّل وقوفـي=تلاعـج مـن شمالـه لاجنوبـه
وأنا اللي طبعها بالعهـد توفـي=وأخاف السيل واحْذر من جذوبه
وأنا اللي ضاعت بْحرفي وصوفي=يْعاندني عسـى ماهـي عقوبـه
وأنا اللي من هموم الوقت أسوفي=ولبّسنـي عنـا التفكيـر ثوبـه
وسرى حرفي على طق الدفوفـي=طرب..مدري هواجيسي سروبـه [/poem]