[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما يذبح الرجل ويخلي حياته متاه =لو يسلك الدرب ما يلقى بدربه سنع
الا ليا حب واخلص في حياته وباه = بين الوصال الحقيقي والزعل والدلع
هاذا يخليه دايم يلفت الانتباه = اما يغني مع اهل الحب واهل الولع
ولا يصير انعزالي يا حياة الشقاه = وليا سمع صوتٍ يناديه يرخ السمع
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مانيب في بدع التماثيل محدود = لا تنشد اخوانك ولا تنشد امك
مابيني وبينك مسافات واحدود =صدري مكانك والحنايا تضمك
احفظك وارقى بك ورى كل منقود = ان كان هذا اللي تبيه ويهمك
والا الغلا من زود في زود في زود = حتى تساوى ضخ دمي بدمك[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلوبنا غرقت مهو سيل جده =الا مطر حب الرجال المناعير
اللي وفاق افعالهم لو تعده =غطت على جبال السرات وشمنصير
[/poem]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رحبوا سبّاحة البحر المجمد = بالهوى لكن مافيهم مغني
وانت معهم في القضية يا محمد = قلتها والعلم رد العلم عني
شاعر تكتب قصيدٍ ما يغمّد = وسابحٍ تقطع بحر وانت متهني
من لقى لجروح مغلينه مضمّد =ما عليه من البشر صاحي وجني [/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
توثقّت فيك الأمور الجزيلآت = ورعاك قلبي لين بيّح كنينه
ياللي سكنت الروح والقلب بالذات = واعطاك من حبه وعطفه ولينه
علاقتك ماهيب مثل العلاقات = موثقه بكتاب ربي ودينه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اتعبتني يا صمت في نطق الاحساس = اخذت مني شي ما اعطيت شيّه
اللي بغيته منك راحوا به الناس= واللي طلبته مدةٍ من يديّه
اخذتها وارخصتها قدر وانفاس = يا حيلة الله كيف تقوى عليّه
لا باس يا ترف المزايين لا باس = حتيش لا اغرتك الحياة الدنيّه
بكره تجي من رحلتك مرخي الراس = محتاج شيّه بس مافيه شيّه
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ستار القلب اشبه بالجدار= يطارحه الغرام ولا يذوبا
كرهت الحب حتى ان قلبي = تكهن في معانقه الذنوبا
كرهت الود حتى صار قلبي = يتوب من الغرام ولا يتوبا [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا ضاقت اغلب فجوج الأرض وابعدت =عني من الشوق شبت بي حريقه
اوعدتني بالوصل واخلفت ما اوعدت =شف لك طريقة وصل باية طريقه [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي ليا جو للوصايف والكلام =وتناولوا باب المديح أهل المديح
وقفت قدام الزحام مع الزحام =وسويت لي نتقا من الجزل الصريح
ووصفت لي عنقا مواردها هيام =ما هيب للهافي ولا الكف الشحيح
عنود بدوا مشيها مشي الحمام =وباقي حلاياها يداون الجريح
واللي ذبحني غير هذا والسلام =شيء يخلي جامد المويه يسيح
أردافها اللي لا حلال ولا حرام =تقول بحني من جهه وانته تبيح
ولو ترادفها عليها فالظلام =وأنت متجود والله انك ماتطيح
هذا الكلام اللي عليه أسم الكلام =وأنا ليا عديت عديت الصحيح[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرعاك يا همٍ حنيت المعاليق = وأسرفت لين أن المعاليق باحن
عرضتني للموت مع فكة الريق = ووديتني للحرب والحرب طاحن
اخر حزام من الضلوع المغاليق = شديتهن للعزم واوفن وطاحن
لو انهن شالن ثقل هضبة طويق = لكنهن من جور الايام ساحن
ارعاك لو ما وثقتك المواثيق = وانعاك لامن الحمايم تلاحن
وأجيب لك ما تحتويه المعاليق = يجن لامن جيت وان رحت راحن


[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما عاد فيها طريف .. يا دمعة الطرف =من عانق الهم الكبير االمحاني
سواد حد العين .. حجّر من السرف = لا ضاق صدر مجملين العواني
هاذي ثمان سنين يا راعي الشرف = سود البكار محددات الأذاني
ما غيرت نظرتك في راعي الحرف = الا القهر في عاشقين الطماني
تغايدوها جهل وابعدتهم عرف = وافي ودايم يا سهيل اليماني
مكانك الاصلي من الطرف للطرف = غالي ويفداك الصدر والمحاني
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سوالف العام غير الصبح واليوم = هاذي قضيه وهاذيه قضية
الأوله مالها في خاطري سوم = حتى ما ارد السلام ولا التحيه
والثانيه جعلها ما تنطفي دوم = لا صار ما للخوي الا خويّه
رديفة المجد بنت بشوت واختوم = عظيمة اخلاق من روسٍ شليّه
احيان اجيها وانا مانيب معزوم = واقلط على فراش عز ومقدريه
واحيان اجيها وانا فالوقت مظلوم= واروح منصور والذمه بريّه
واحيان اجيها وانا ضايق ومهموم= واجي بشيّه واعود بدون شيّه


[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الضيقة اللي عليها مفردات الغياب = ما عاد ندري نتاج احساس والا زعل
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مد لي حبل الوصال ولا تعكّر = صاحبك هذا مدى حيله وفكره
ما تنكر عنك عمره ما تنكر = صايرٍ يكتب على لاماك حكره
مغلق جينات حبه لين سكّر = كل ما يطرا على سمعه وذكره
خايف تنكر غلاه ولا تشكر = وانت اخذت اجلال تقديره وشكره

[/poem]

احب هذا المكان

واحب ان اتردد اليه دائم

دامك فكرك وابداعك ياسلطان

8
منور يالامير

لاعدمتك

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حنا بخير ونحتري راعي الخير = الله وجآبه للوطن بالسلامه
مليكنا الغالي زبون المخاسير = معطي الكرامه من يدين الكرامه
يستاهل اللي يدهلن المحاجير = وبل الدموع اللي تنزل غمامه
ونستاهل الفرحه ونستاهل الخير = ما دام ربي رجعه بالسلامه [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا كل ما لديت بالعين للوافين = ابا اعبر اعن احساس قلبي ومرضاته
لقيت الغرابه في وجيه الرجال تبين = مهوب انكسار الا الزمان وغياباته
يقولون ما يعشق مقابل غراب البين = سوى واحد يحمل صفه من علاماته
وانا اقول لا مريتوا اصحابنا السالين = على شط بحر موجته دون غباته
فقولوا لهم حكم القدر عذب المسكين = اهمومٍ غدت باقرب سبب من ملذاته
ولا عاد يعرف زين ولا يعرف الشين = تخاطف اظروف الوقت حيله وقواته
عساهم ليا مرت عليهم عنود الزين = يردون عنه اللي طلع من ملفاته
عساها تعرف اللي حصل له كذا وتلين = وترجع وتغتال الفراق ومسافاته
[/poem]

http://stdserv.org/home/images/stories/homaidan.jpg


[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرفع يديك وقول يا عالي الشان = ياللي بيدك أمر الضعيف ومصيره
نصرك على اعيال اليهود المريكآن = عبّادة النار الزنوج الحقيره
واما نصرك بقدرته يا حميدان = مافيه من هو يجلي الظلم غيره
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عمر الاماني ما تعمر بيت = هذا الكلآم اللي تعلمته
من يوم صغري قبل اعرف الصيت = والواقع الباهت ولملمته
كم طحت لكني ما اقول ازريت = وكم درب ضاق ورحت ما لمته
لو مت ما رددت كلمة ليت = ولا فيه دربٍ صعب ما رمته
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تعاتب نظرة الرجل الموقر = خلها تمشي وكل في سبيله
انا يوم اطل ما غير اتفكر = كيف حملك يا بعد حيي تشيله
آخذً منك المقدم والموخر = وقاطعن كبدي ولا لي فيك حيله
ادعي الله لا يشوفك شخص اقشر = ثم تعود سكة اظروفك طويله
[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رحنا ورى درب الترف والحضاره = بين المهايط والغنا والقناوات
اشياء توجد في النفوس الحراره = واشياء ترث في القلوب الغيابات
عن واجب الرب الكريم وعماره = وعن وقفة الحق ورتب خمس الأوقات
ما يرخص الرجل ويقلل وقاره = قدام ربه غير ترك الصلوات
[/poem]

عبيد الغامدي
جعل ايامك مدد
يشرفني حضورك يالامير

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المحبه من الله وانت مكروه = مير ربي بلاني بك وجابك
لو ما يتبع الزلات مشروه =كان يمدي حرمتك من ثيابك
مير روح وطالع زين لا توه = ثم ما تلقى بشر يدّل بابك
يوم ما انته عن الزلات منزوه = بأسألك ويش تبغى في شبابك
كل ما قالوا العقال مدروه = ما يجي في خيالي غير نابك
عشت مكروه واليا مت مكروه = ما نحاسب حضورك من غيابك
[/poem]