[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مخطين يوم انّا نحلّق لحانا = ولاحدٍ يخالفني لياقلت مخطين واللي خطاه اكبر وقع من خطانا = من طوّل اللحيه ولامقصده دين يبغى يوهمّنا ويكسب رضانا = ورضى الله اولى والاوادم مساكين[/poem] . |
[ [ ()()()() .... " ســلـــــــطـــنـــــه " ....()()()() ] ]
بسم الله الرحمن الرحيم
هنا ( سلطنه ) .. رئه جديده للتنفس .. وهي امتداد لركني , قد تكون بقالب آخر .. وقد لاتكون . اتمنى ان اوفق لمايرضيكم بعد رضا الله.. وان اتلافى ماحصل من قصور في مواضيعي السابقه .. |
ماعليش .. انتي بيّاعة كلام .. امتهنتهي الكذب مهنه واستغليتي الغرام.. ماعليش .. ماعليش / قصتي ويّاك كانت .. واحد ٍ غافي وقام واللذي يشفع لك انك.. ماعلى مثلك ملام.. ماعليش ماعليش / لاتحسبينك ذكيه .. والبشر مايفهمون.. كلهم يدرون عنّك.. بس مايتكلمون .. ماعليش ..ماعليش / الذكي اللي من عيوبه.. يستنير ويستفيد.. ولالقا له شخص مثلك.. يبعده عنّه بعيد.. ماعليش ..ماعليش ماعليش.. ماعليش |
انت كاس ٍ قاع سطحه فيه (سكّـر) كل رشفه منه تـزداد (الحـلاوه) وانت وانت اللي بخلقتـك يتفكّـر ياصـل لحـد البلاهـه والفهـاوه وانت حبك خمـر لكـن مايسكّـر شوفتك سجه وصداتـك صحـاوه قـدّ ماحسيـت بعيونـك تمـكّـر قد .. (مااحبك) تجي منك بهـداوه ماورى حسنك سوى الباب المسكّر ولاجعل حسنك مهـم ّ الا النقـاوه كم لي اتبع نادر اوصافـك وافكّـر كيف جمعّـت الحضـاره بالبـداوه مابغيت الا (انـي بعرفـك مبكّـر) ولاكرهـت الا محبيـن الـعـداوه حاولـوا لكـنّ جـوي ماتعـكّـر في سبيل رضاك حبيـت الشقـاوه وجربـوّا تهكيـر قلبـن مايهكّـر كـل ماوطيّتهـم زدتـك عــلاوه (جمع) ماهو (سالم) (مأنث) (مذّكر) احسدونا .. بس زادونـا رسـاوه ظلمهـم لاحساسـي اعـدّه تنكّـر وظلمهم لاوصافـك اعـدّه غبـاوه ان مدحك ايـات واحـد لاتشكّـر ومن بخس من زينك يزيده رهاوه افتح عيونك علـى حبـي وسكّـر وكل جرح ٍ في حبيبـك منـك داوه ايه سميتـك (حبيبـي) ماتذكّـر ؟ بس لين اليوم ماجبـت السمـاوه |
يامل قلبٍ عروقه.. ماتبي الا انتي وانتي على الحب.. عزمّتي وهوّنتي . / مدري شعرتي بتقصيرك مع احساسه ..!! . / والا قسيتي علينا .. عقب مالنتي : . |
ياسرع [ماجيتي] .. وياسرع [مارحتي] كأن كانت براسك حاجه و[طاحت] : : / لو انك بمارغبتي قبل [لمحتي ] كان الحواجز قبل لاازيحك .. [انزاحت] : : : / وارتحتي من العنا هذا ..و[ريحّتي] والفرصه اللي بيدّك معْك [ماراحت] . |
تم الانتقال الى سلطنتي ..
على هذا الرابط : http://www.montada.mergab.com/showthread.php?t=45832 لاصحاب المفضله .. :) :) |
[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]
فلـ (نفرض) ان الجفا ماهو مخطّط له = ماهو بـمن حقي ادري عن مشاويرك؟!! مسافره وين؟ عني باّول العطله ؟؟ = الله يسمّح دروبك..والله يجيرك تدرين فرقا الحبيب بعلمه ابسط له !! = يقنع بظرفك .. ولايبحث على غيرك [/poem] . |
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كان .. (المهايط) شي يدفعك للـ (طيب) =لاوالله الا شد حيلك ..و(هايط) خله يقال: (سنافي) .. وبه (عذاريب) = ولايقال : (ضعيّف) ولا (يهايط)[/poem] |
هناك من هو مميّز بين المميّزين..
[بعدم تميّزه بأي شيء ].. انا شخصيا اعتبره (تميّز) .. بغض النظر عن كونه سلبي او ايجابي.. لانه وضع نفسه بطريقه او باخرى من ضمن المميزين واحرج نفسه واحرج شعره .. : / [poem=font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] دوّرت لك ميزه تميّزك عن غيرك= لقيت ميزتك : (ماعندك ولاميزه) من شعرك العادي .. لحكيك لتفكيرك = مااشوف مايجذب اعجابي وتركيزه[/poem] . |
http://www.up-00.com/mqfiles/zsk96229.png
الاخ الصديق الشاعر / مطلق المطيري في احدى مقانيصه [poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] هونك على الغزلان .. يابو اسامه = ذلي عليهن من حبيبي حلايا مجوّدٍ ثنتين عقب الجهامه = وانا غزال وفاعل ٍ بي سوايا تقنص وتاكلهن وليلك تنامه = وانا عجزت اقضب حسين السجايا[/poem] |
يابنت مابين الحبايب كلافه .. [ياتتصل والا بلاش اتصل ..فيك] مايوم فكرّت .. اعمل بهالسخافه.. اروح (غصب) .. ولاانتهى شغلي اجيك . |
ياضعفنا ضعفاه .. قــدام الاقــدار
فعلاً .. يحس ابن آدم انه .. ولاشي مايضمن انه يرجع ان راح مشوار ويمسي .. ولايضمن صباحه وهو حيّ . |
اعذروني على (دفاشة المفرده) فيما سيأتي بالاسفل
فبعض المواقف توجب الجلافه او اتخاذ القرار ان صح التعبير : : : ،/ [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ماانتي بحاجة ..غلاي وصادق اشواقي = انتي بحاجه الى جلسات نفسيه [ تناقضك ] شي .. ماتحتمله اخلاقي = ولادخل في "مزاجي" يا "مزاجيه" و[تذبذبك في البعض] .. عيّفني الباقي = ونسيت حتى المشاعر والرومانسيه مرات احس ان حكيك ..(ليّن وراقي) = ومرات احس انك .. (اخلاقك تجاريه) اخترت عشقك / تكهّن / .. بين عشّاقي = وظنيتي انك لحالك .. بالسعوديه بروح وادوّر احسن منك ..والاقي = والا بخلي دروب الحب ..موليّه[/poem] |
قمت اجاملك بخطاياك .. ياعذب الوصوف بس مالاحظت .. بانك معي فليتها؟؟! مشكله لاصرت مظلوم.. وعيونك تشوف وكم سنح فرصة عداله لك..وخليتها بس لامن ظنوّا الناس ..طول الصمت [خوف] بألعن ظنون العواذل ..وابا اخرب بيتها . |
لو ان لك (زيّ) دوّرنا على زيــّكـ ولاحملنا حمل .. (فرقاك) و (وصالك) [المشكله ] مالقينا لعنبو حيّك اخذت نص الجمال ..ورحت في فالك ياللي (كثير) البشر مانقّص (شويّـك) وين انت يعني ماعد جينا على بالك؟!! . |
لۈْ كنت عآدي .. كآ’ن لآ’جيت عآ’دي .//. ۈْآ’ن رحت عآ’دي كًَـلهآ’ مآ’بها فرق بس آ’لبلآ’ آنكًَـہ كًَـنت شمعة فؤآدي.//. تبغآني آسرق شۈْفتكًَـہ بآ’لـ(مسن) سرق؟ مآ’كًَـآ’ن ذآ’ شفي ۈْلآ’هۈْ مرآدي.//. آ’لله يبيحكًَـہ ..رۈْح يآسيّد آ’لطرق . |
ماجد .. الحمد لله على سلامتك يا (بوبندر)
: / [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] جعل الحديد بحريقه دام راسك سلم= والحمد لله يوم انه بحالك لطف والآدمي لو عن الغيب المخبى علم= ماكان مرّيت اساسا من هكالمنعطف[/poem] |
[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
تبغى تعلمنا علوم الرياجيل !! = وانته علومك كلها ..( قالت : امي) امك لها قدر ومكانه وتبجيل = وتعقّ فيها كان ماقلت : سمّي بس المره عن دربنا لازم تميل = تفرق بهم ٍ غير همّك وهمي همومها باللبس .. والقال والقيل = ويضيع من في راي حرمه يومّي الرجل يقدح من دماغه مفاتيل = دامه باسم جده وابوه امتسمّي يحسن ولايرجي لفعله محاصيل = الا النعم من فمّ غيري وفمّي والا الردي مالي وماله مواصيل = حتى لو يكون اقرب عيال عمي[/poem] . |
[ماسنجريه / m s n ]
. اقول : ( بطلع ) عشان تقول لي : ( بدري ) وتقول : ( خذ راحتك ) .. واطلع وانا ضايق . مدري انت تدري وانا عن حيلتك مدري والا ماتدري وانا ادري وشهو العايق . ياقو ّ قلبك عليّ .. وياوسع صدري وياقوّ قلبي .. ِصبَر لو ماهو بطايق . |
[ تسوّل ]
: / اليوم ذا بالذات " نقطة تحوّل" راح اتذكّرها دقيقه .. دقيقه اعلنت حول القلب ( حظر التجوّل ) ولقيت خلوة روحي ..افضل طريقه ( ياهمّ ) جاملتك .. وشكلك مطوّل وش رايك بــ [ كل ٍ يروح بطريقه ؟؟ ] الدافع اللي للمشاعر ممّول قطعت شريانه ..ونشّفت ريقه ماعاد احد ..للي بقلبي مخوّل غير اهلِي واصحابي من الخليقه كم لي على .. طيبة نواياي ..[اعوّل] وحمّلت قلبي حمل .. (ماكنت اطيقه ) لكن كذا " الانسان " .. نفسه تسوّل [اشياء ] ماتوجد ..على ارض الحقيقه هو من متى كان الشعور .. , يتحوّل ؟؟ هو من متى والورد .., يرمي رحيقه ماعاد عندي للمشاعر ..[ تسوّل ] مابغاك [محبوبه] ولاابغى .. [صديقه] (قرار) مفروض ..اتخذته [ من اوّل ] وريّحت قلبي من همومه وضيقه . |
[ اميرة ٍ ] ذات حسن .. وذات حكي ٍ حلو لكن لها [ سرّ ] عندي ماني بـ (كاتمه) . . / بالرغم من كل هالميزات فيها.. [ ولو ] مايمنع اقول عنها.. [blink]( مالها خاتمه )[/blink] . |
[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
( وجهة نظر ) لكن .. عجزت احترمها = ياللي تقول : ( ابقى بلاحب ترتاح ) ماأشدّ من فرقا الحبيب وألمها = الا اذا [ ماهو براجع اليا راح ][/poem] . |
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وجهة نظر لكن عجزت احترمها=ياللي تقول ابقى بلاحب ترتاح مااشد من فرقا الحبيب وألمها=الا اذا ماهو براجع ليا راح والضحكه اللي غصب وجهي رسمها=ماهي دليل اني مريح ومزاح هذي ألم فرصه عجزت اغتنمها=ومابي الجمل تكثر سكاكينه ان طاح لو ماسمعت احلى (احبك) بفمها=اقول يمكن حبها حلم وانزاح لكنها قالت ولااحدن ظلمها=وشلون ارد اشك بالسد لاباح؟ ياليت قلبك قبل ينطق كتمها=او ليتني عن ديرتك كنت نزاح ونفسي عن اهل الحب ربي عصمها=ولارحت اداوي دامل الجرح بجراح الناس مدري وش جرا فيذممها=تقنعوا بوجيه خير وهم اشباح وجهة نظر لكن بديت احترمها=ياللي تقول ابقى بلا حب ابرتاح[/poem] |
ياللي خذيتيني .. من اللي [حولي ] اخاف بكره .. تاخذيني [ مني ] : : / وبدال ماادوّر على .. ( مجهولي ) اروح في قلبك .. وادوّر ( عني ) . |
| جميع الأوقات بتوقيت GMT +3. الساعة الآن 03:20 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية