[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شكيت وبكيت وخاطري فيه ماكفاه=لاني بشر واصل البشر ذي طبايعها
تشكّى ولو ماينفع الوجد والمشكاه=ولكن على الله شاعرة نجد ينفعها
قصيدٍ تسلابه وتتعب على مبناه=تخيّر حْروفه كالخواتم فـ/أصابعها[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فكري يرووح بْعيد والجو مـازان=والشمس تحرق والمسافه طويله
والعقل له مع كل مخلوق ميـزان=هذا رزيين وذاك ياعزتـي لـه
وطبع الحياة افراح وامرار واحزان=وبوح المشاعـر ماتـرده قبيلـه [/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي أنساك وادْلَهْ..بس عيّـى يطيـع=قلبي اللي تولع..يالغـلا فـي هـواك
أحْسبْ إنْ الليالي كلها لـي.ربيـع=لين شرْبت عْرووقي من حْياض الهـلاك
أرتوي من هموم الوقت واشري..وأبيع=وأتسابق مع الذكرى..لنجمـة سمـاك [/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فيني وفيني ياكثر مافيني=والصمت عن بعض الحكي يكفيني
يأخذني الهاجوس ويوديني=في زوبعه من هاجسي وافكاري
طبع الليالي ماعليها سالي=مافيه قلب من الهواجس خالي
أحدٍ بسيطه واحْدْ مثل الصالي=وأنا هجوسي مثل صلو الناري
مر(ن)يوديني لدار احبابي=ومر(ن)لمَقْبرْة النسيم ادوابي
ومر(ن)تهيّج واحرق الاعصابي=والنوم عفته والجفن سماري[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليت حلمه جد وأوصل سماا نجد=ويطيربي من غير حجز وتذاكر
وتزين لي وأحقق الحلم والوجد=ويكون موعدنا مع الفجر باكر
ونْطير من سطح العماره على الهجد=والباب مغلق يحْرسونه عساكر
واروح لدياري وهو يكسب المجد=والقلب له مادام به نبض شاكر[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أحْسب الليل وظلامه يستـر حْـروف القوافـي=وأحْسب أن السيل لانحى ما أحـدٍ يقـدر يـرده
وأحسب أن الجسم دايم في نشاطـه وامتعافـي=وأحسب أن راعي الوفاء مهما حصل ماباح سده
لين شفت النور ظاهر وأحسب أن الجفن غافي!=وشفت حتى السيل حطوا له جْسورٍ مستجـده!
وشفت تنقيب ورقابه,وشفت نيـران ومطافـي=وشفت بعض الناس يلبس ملبسٍ ماهوب قـده!
وشفت حرفي يُم تعلّـى والله أعلـم بالخوافـي=والصحيح يصح والباطـل عليـه الله يهـده!!
[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبوب هبي نبـي طـاروق=يازين بعـض الطواريقـي
بغيت أقفّل على الصنـدوق=ثـارت ذخايـر صناديقـي
ماجبت قاف الغلا مسـروق=جبته من اقصـى معاليقـي
نفسي لعذب القصيد اتّـوق=ومن الوله ناشـفٍ ريقـي
لامن حضر وافي المنطوق=ماعـاد نبغـى ملاحيقـي
أسوق قاف الجزيله سـوق=من ذوق حرفي وتنسيقـي
وارقى لراس الجبل من فوق=واوصل لذيـك الشواهيقـي
ويطيب لي خاطري واروق=ويزين رسمـي وتعليقـي [/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يغري جمال الكون والـورد يغـري=وموج البحر مع طلعة الشمس جذااب
والفكر يسرح كيف وشلـون مـدري=واللي يقول أقدر على القلب كـذااب
والشعر يشرح بعض الاحيان صدري=ومن أعذبه لو كان قلبي صخر ذااب [/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هيبة شموخه تفرض العقل والصمت=والقاف عيّى لا يعبّر شعوري
يقول غني لي من الشعر مادمت=غالي عليك وتفرحين بحضوري
غني وأنا بـ/أسمع ولو ماتكلمت=رذراذ حرفك تنتشي به زهوري
ودي أغني له ولكن تلعثمت=مدري خجل,مدري يكابر غروري
طبع ابدويه من زماني تعلمت=كتم المشاعر لو ثمنها سروري[/poem]

http://www.motir.net/vb/uploaded/107_1276992680.mp3

صح صوته..الشاعر والمنشد/هزاع المهلكي

له فائق الشكر والتقدير’,,

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الباارحه يحرم على عيني النووم=بان السفر مالجلج النووم فيهـا
مدري قلق مدري هواجيس وهْموم=على المخده طوول ليلي ما ابيهـا [/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تخيّل خيالي والخيال الرهيف امباح=خذاني وانا غمضت واسهب وسافربي
خذاني وأنا في مرقدي والبدن مرتاح=يمينه تيامن بي والاخرى تياسربي
خيالي تخلوابي وأنا كل ليلي راح=لانومٍ تهنيته ولاطاب لي شربي[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري لو ادري قلت وشلون مدري؟=والعالم الله والمعاني خفيه
مره تزين ومره يضيق صدري=ياحيلة الله كيف وش صار فيه[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سامريني يالقوافـي واعزفـي لحـنٍ جديـد=عبّري عن خاطري واسترسلي لا النااس نامت
أطربيني,لاعبيني,واسـي القـلـب العنـيـد=سامريني والصدى خليه والارسال صامـت [/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العام لاعادت علي عطلة العام=عسى العوض ياشوق في عطلة اليوم
ودّعت أبوي ورااح في ذيك الأيام=وصار الوداع اللي مقدّر ومحتوم[/poem]
:(

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يـ/أهل الرياض القلب معكم وداعه=ضيفٍ عليكم صار له عدّة شْهور
جت به اركابه يوم زاد ألتياعه=لاهوب لامسعد ولاهوب مسرور
معكم سكن من عقب مالحزن لاعه=لو كان ماله بينكم ناس وقصور
تسوقه الاقدار في ظرف ساعه=حكم القدر والعبد مجْبر ومأمور
عشان من معكم بنوا له شْراعه=وسط النسيم وبين الاموات مقبور[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بغيت أحل المشكله وادرس الآه=لقيتها مابين موجب وسلبي
عزااه ياقلبٍ توّهق وعزاه=يامركبٍ لو ساربي ماوصلبي
سهرت ليلي أكتب الشعر واقراه=ياكبر مأساتي وياكثر غلبي[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سويت ما سويت في تقريرك = ياالقاضي انت المدعي والنايب
لو كان سيري مايوافق سيرك=بتجيبك الايام والركايب
ولو كان يذهلني بَعَضْ تعبيرك=ولو قلت عن ذاك التحدي تايب
مصيرك تْطيح بْيَدي مصيرك=واتشوف مايدهاك والعجايب
وأتوّهك واستمتع بْتحييرك=من غير لاحجه ولاطلايب
وأحقق المطلوب وارمي طيرك=وأصيد واهدي الصيد للحبايب
وتغلا علي وأزيد من تقديرك=لاصار فكري لاسرجته صايب[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عصافير صدري من عنا الشوق ضميانه=ولا أدري متى صدري بتروى عصافيره
على سطح ملكي في سعاده وطربانه=وفجأه وأنا من جور الاقدار في حيره
أكابر وأنا في دبرة الرب سبحانه=جداي الدموع وقولتي يالله الخيره[/poem]

[poem=font="Simplified Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ربوع الطايف أبرك من مصايف تركيا وجنيف=برااد وحول مكه ياهني من يسكن الطايف[/poem]