ااخوي الغالي
سلطان (عناد) مرحبا بمرورك عدد السيل وصح بدنك الله يرفع شانك ااااقبل كل الود |
ابو طلال
اخذ التحيات مربوعه و مثنيه .. وغلاك في داخل الاضلاع منحوتي ماجيت اجاملك من باب المعذريه .. لكن صدق الغلا فالقلب مثبوتي ياللي تطرّا شمال من النعيريه .. صوّت لك وانت ما انت بتستمع صوتي !! لكن ليا جيت للدار الجنوبيه .. باعلمك واستمع والفايت يفوتي العذر بحروف مكتوبه ومقريه .. واحذف بشتي واحذف عقالي وكوتي :) |
الله عليك يازايد
مائية بالفعل صح قلبك وكل عام وانت بخير |
مرحبا يبو طلال
وصح الله لسانك عز الله إنك مبدع مبدع مبدع حتى لو ان الشهاده مجروحه جدااا تحياتي لك |
يعكس شعاع القمر من وجه بدريـه
واطلق عليها الغلا ويعود لي صوتـي جمالهـا فطـرة الخلقـه الالهـيـه أوتي عليها مالم يؤتى ولـن يؤتـي هي اللبسـت زينهـا رقـه وحنيـه وانا لبست المحبـه لبسـي لكوتـي طرقاً الى لامس أعلى الرمش حدريه صار الهدف ف أي كائن حي منحوتي معاد به عـذر يالشقحـاء العفاريـه قد الغلا والهوى والشـوق مثبوتـي تعلق القلـب فـي حبـش وطاريـه مثل الكره فالشبك لا حطهـا توتـي حشاشة الروح صارت منش مبريـه وصرتي التنفاس والمشروب والقوتي ويش رايش انسوي الأشواق قطيـه حتى تحسين بـي لاجيـت مفلوتـي العـود ريـان وعيونـش هواويـه تحرشت بي وجيتش فـوق تابوتـي لبيـه ياللـي ملامحـهـا طفولـيـه أأموت فيها وهـي ماقـدرت موتـي ويلي على احطها في راحـة ايديـه واحطها في فمـي واقـول بسكوتـي البنـت هـذي خياليـه ..خيالـيـه لاسولفت لي بديـت احـن لسكوتـي ان ازعلـت خلـت اللهجـه محليـه وان روقت سولفت شامي وبيروتـي وان أكشخت كل لبـسٍ مـل راعيـه وقامت عليها الوجيه اتلف واتوتـي تاييرهـا ملتـزم بـالـوان مائـيـه ومتناسقٍ لون معطفها مـع الجوتـي وان اقبلـت قفلـت خـط المحنيـه وان دبرت يلعن ابو ردفهـا اللوتـي تحدت اطلق مره فوق اجمـل بنيـه وكلت حلاهم كلان الشـاي بالروتـي اللطف من الماء على الظميان بشويه والذ مـن نكهـة الرمـان بالتوتـي علامـةٍ فارقـه عـن كـل مرعيـه مثل علامة قصيدي واجمـل بيوتـي ياسلام يابو طلااال والله العظيم انها ابداااع يامبدع ان ازعلـت خلـت اللهجـه محليـه وان روقت سولفت شامي وبيروتـي اربها تبطي وهي مروووقه بس هههههههههههه صح لسااانك يازااايد |
لبيـه ياللـي ملامحـهـا طفولـيـه
أأموت فيها وهـي ماقـدرت موتـي لله درّك لله درّك مبدع يا زايد وقصيدك فارق ومتميز يا الغالي صح لسانك وسلم قلبك الف اخوك : مشخص / :) |
طرقاً الى لامس أعلى الرمش حدريه
صار الهدف ف أي كائن حي منحوتي بري حالي والله انها هي مير اخذ حقي كانك رفيقي الف صح السانك كن بخير |
الأـستاذ
نـــــــــــاصر الهــــــاجري صح بدنك ومرورك سكـــــر ولكـــ تحيـــــــاتي |
الشاعر عبدالعزيز الحبيتر
مرورك عطر وذوووقك صح قلبك وبدنك أأأأأأقبل تحيااااتي |
الشاعر الرائع
ثاني الدهمشي هلا وغلا بمرورك لاعدمتك صح قلبك ولك كل الشكر على مرورك تحياتي لشخصك الكريم |
الشاعر الرائع
مسعود المقااااطي مرحبا ومسهلا بالمرور الكريم ولك كل الشكر على ماكتبت صح بدنك ولاهنت |
| جميع الأوقات بتوقيت GMT +3. الساعة الآن 10:15 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية