المشاركة الأصلية كتبت بواسطة مشاري البرازي (المشاركة 1060981)

هلا هلا هلا هلا




يا مرحبا مليون والله



خلني بس امخمخ عليها لان قصيدك في قلب اخوك غير :)



لي عوده تليق بهذه الفاتنه :)

المشاركة الأصلية كتبت بواسطة فهيد بن عصيدان (المشاركة 1060979)

جمعه مباركه :)
يعلم الله اني مقصر جدّا ولالي عذر .,

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو انّ دمعي مايعنّز على العين .؟=ماكان من عين الشّماته زبنها
متجلويٍ فيها له شْهور وسْنين=طلاّبه الشمّات , والعين تنهى
والبارحه .. ماهيب دمعه وثنتين=سيّلت دمعاتي وردّت وطنها
سالت على الخدين والناس لاهين=في غفلة اللي يطلب الحقّ منها .!
فكّيتها ممّا سجنها ., لها حين=لعلّها تفتكّ ., ممّا سجنها
وجدّدتْ في صدري قديم العناوين=وأضلاعي اتبدّل محنها .. محنها
معْ كلّ تنهيته بالاضلاع .. همّين:=همٍ طلع منها .. وهمٍ سكنها
تحفر وتدفن في ثرى الذاكره لين=اللّي دفنها لاحفرها دفنها
ماغير اعسْف النفس وتْهيد وتْلين=ولاسْرجتها عيّت تطاوع رسنها
قلبٍ مع الدنيا .. وعقلٍ مع الدين=وراعيه .؟ لاهاذي ولاذي ضمنْها .!
أدرج طموحاتي من ايسار وايمين=وأحلب من أحلامي ولاشْرب لبنها
ذي عادت الايام لازانت .. اتشين=تغْبن وربّي ماخلق من غبنها
والدمعه اللّي شفّها محجر العين .؟=لادحدرت .. مانيب نشّاد عنها .![/poem]