[poem=font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اضيق من ضيقي وادش اهني = وافرح واقول ان الحياه حلوه[/poem]


اسمحلي ، مداخله بهالبيت

لله درك يابن بتلاء ، تعبت وانا اتابع ، ولاأطبع اعجابي ، بهالابيات ، تستاهل المرور ، واضافة بصمة اعجابي

تحياتي لك

<-= واحجز لي غرفه بالصفحه ، عقد سنوي :)

يامرحبا يامرحبا يافيصل



جعل الضيقه ماتعرف طريق قلبك

والمكان مكانك ويتشرف بوجودك ياطويل العمر

السلطنه سلطنتك ماهو غرفه وبس .. :)



/

تكرار لتاكيد ملكيه لانها جتني بالجوال بالصدفه محرفّه :)



ياضعفنا ضعفاه .. قدام الاقدار
فعلا .. يحس ابن آدم انه .. ولاشي
مايضمن انه يرجع ان راح مشوار
ويمسي .. ولايضمن صباحه وهو حي






/

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الله .. ياكثر مااخفي في ضميري كلام = لو قلته اكثر علاقات السنين (انتهت)

لكن كذا حالة الدنيا وحال الانام = يدف الانسان نفسه دف لو مااشتهت

كم واحد ٍ كنت اعدّه بالمواقف حزام = وطاح القناع المزيّف لين وجهه (بهت)

ولازلت اعامل خطياته بكل احترام = واقول يمكن عن الواجب عزومه سهت

ماني غشيم اتغيشم واعرف ان الملام = ماينهي النفس اذا عن طيشها [ماانتهت]

ياليت لوجيه عوجان السوالف لجام= ماكان هذاك يغتابك والآخر [بهت]

ماني بغاوي تشاؤم لا .. عليّ الحرام = لكن نفسي بنطقي للحقيقه زهت
[/poem]





/

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]

مانيب قايل لك احساسي ولاشارح = وشلون ابشرح لك الاحساس وانت ادرى؟؟!

يكفيك عن كل حاجه ليلة البارح = طالت هجوسي معاك وطوّل المسرى

من كثر ماكنت فيك متيّم وسارح = عكست شارع يمين ولفتي يسرى[/poem]

[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


ياليت لقلوب المخاليق مشخال = يشخل قلوب الكره والحسْد والحقـْد

اليا متى نسمع هل القيل والقال = ونحب مادحنا ولانقبل النقد

ياليت درب الحب مافيه عذال = ماكان عانينا من البعد والفقـْد

من ضيقنا نقصد ندوّر سعة بال = لو مجتمعنا عاقد ٍ حاجبه عقـْد[/poem]



/

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]

(ماهيب دايم على كيف) المزاييني = حتى لو نحبهم وندوّر رضاهم

نصبر عليهم ونرضى الزين والشيني = لكن ليااقفوا وصدوّا مالحقناهم
[/poem]



:stop:

(jar-[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يالشاعر اللي كل شعرك (فكس ار) و(جكس ار) = وسيارتك (النترا) ماهي بعد باخر موديل

مدري تلمّح ودك بموتر من طوال العمار = والا تبي تظهر امام الناس في منظر جميل

وهقت عمرك جيت لامسيتك على الجيب الاجار = ليله ورديته على المكتب وسددت الحصيل

مدري تبي تكذب على الجمهور في وضح النهار = والا تبي تضحك على نفسك يابو العقل الثقيل

ترى المواتر ذي ( وسيله ) ليه غاياتك صغار ؟؟= عمر الرجل ماقيس بالظاهر ولو ماله قليل [/poem]




/

[poem=font="MS Dialog,4,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حنا قدرنا الحب ياعمة الغيد = بس اللقا والوصل ماهي قدرنا

اعمارنا راحت ضحية مواعيد = ولو جا تساؤل منك (ليش انتظرنا)؟؟

ماني بقايل لك لانًـا مقاريد = لولا غلانا عندنا ماصبرنا

وماني بنادم يوم اجر التناهيد = تستاهلين القدْر لو ماقدرنا

قصة غرامك درس وهمومك تفيد = لو مانعبر لك ترانا اعتبرنا

ان القدر ماهوب في قبضة الايد = لو هو كذا في هالوضع وش جبرنا

لكن لك العرفان ياتلعة الجيد = من [مبتدانا] لين لحظة [ خبرنا ]

وش رايك ؟؟ نشوف العنب بالعناقيد = ونقول : (حامض) قبل مايحتقرنا[/poem]





/

اكتب بيوت الشعر

لعيونك السود

وكل ٍ خذا شعري

يبيه لـحبيبه




ماابدعت ابي تصفيق

واعجاب وحشود

لولا ان حبك مارحمني لهيبه



شاعرك يومه يكتب الشعر
محدود

والا الشعر لولا الشقا
وش يبي به؟؟!!



قلت اتسلى به
لياصرت ملهود

بدال مااندب فيك حظي
واعيبه




مجروح جرح ٍ موجع
ووقعه يزود

وزوّد بلا المجروح
نفعة طبيبه



ياليتني ..

ماكنت[ شاعر ومقرود]

او ليتني [شاعر وليتك قريبه]




/

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]
ماني بقايل قمر وخدودك ورود = وملاك .. واكذب واغيّر بالحقايق

لاوالله الا بشر وخدودك خدود = مخلوق لكن ماهو مثل الخلايق

في البيض والسمر والا الصفر والسود = كنّك على الزين ماخذة ٍ وثايق

وهذا من الله ولا ألحقتيه مجهود = يوم ان غيرك يبي ماهو بطايق[/poem]





/

[poem=font="Traditional Arabic,6,firebrick,bold,normal" bkcolor="transparent" bkimage="backgrounds/8.gif" border="none,4,gray" type=2 line=0 align=center use=ex num="0,black""]


اصبحت مثل الغريق ببحر كتماني = والحمد لله جاني من يطلعني

ماكنت ابي نجدتي من كف احد ثاني = لكن من الموت خوفي كان يدفعني

واليوم راجع تبي حبي ورضواني = وتقول لي : ليه مرخصني وبايعني؟

اكيد برخصك واغلي من هو اغلاني = واكره عنادك واطاوع من يطاوعني

راجع لي تقول شاريني وتبغاني = واحبك .. وصار عندك وقت تسمعني !!

ماكنك اللي تشوقني وتنساني =ودايم على شجرة الحرمان تزرعني

عشانك انت او اذا ودك على شاني = ضيعتني مره .. ابعد لاتضيعني

لقيت نفسي برفقة سيد خلاني = مابي ولاشي للماضي يرجعني

الله يوفق خطاك ودربك .. انساني = مسامحك .. روح حتى لاتودعني
[/poem]

ابيات من جديد سطام بن بتلاء


تطيـح مـن عينـي وترجـع واعليـك
وتطيـح منهـا ثـمّ ترجـع واطيحـك
ابكرهك .. واعشقك ... باغيب .. واجيك
بنساك .. واتذكرك .. ابكتم واصارحـك
ازعل وترضينـي وازعلـك وارضيـك
وازعل وترضيني وتزعـل واصالحـك
روتيـن يومـي بيـن هـذي وهـذيـك
مـره تسامحنـي ومـرات اسامـحـك
احيان تاصـل ليـن اعصـب وابكيـك
ويطغى الغلا على الزعل وانفجر ضحك
امدحك مانـي مـادح اهجيـك ابهجيـك
متساويـه لانـي بسبـك لـو امـدحـك


__________________

المشكله ماهيب في ويش محتاج // المشكله لاجت مع النذل حاجتك

ياتقول ماابغى حاجتي عند هلباج// والا انك تطيعه وتخسر كرامتك



/

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]


يااعذب عباد الله منظر ومنطوق = واخف دم انسان يمشي على الارض

مدري اقول ان الحسن منك مخلوق = او كل حسن ٍ غير حسنك منه قرض

عودك ليان مقوّس النصف ممشوق = تناسبه جذاب بالطول والعرض

لك منطق ٍ قمه بالاخلاق والذوق = ولك مبسم ٍ يقول للي يضيق : إرض

العاطفه والحب واللطف والشوق = تجاهك لحالك على صاحبك فرض [/poem]





/

الى كل من على رأسه بطحا لكي احسس عليها :)






[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="none,4,gray" type=1 line=0 align=center use=ex num="0,black""]

لامنّ ربي بلاك وصرت شاعر نبط = اصبر وتؤجر ولو قالوا لك انك عبيط

ويااما تبطـّل شعر والا تبطـّل عبط = والا احمل العلّتين وعش .. وفل ّ الشريط

ياغابط اهل الشعر بالله ويش تغبط؟ = لاصرت باحوالهم لاتعلم ولاتحيط

كم شاعر ٍ جرّب بغير الشعر ماضبط = وعوّد على مكرة اشعاره يخيط ويميط

يطيح ويقوم واليا قام عاد وخبط = ماوده يعيش مثل الناس كائن بسيط[/poem]



/

[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=1 line=0 align=left use=ex num="0,black""]

كم فكرة ٍ تطري على البال لكن = احصّل دهاة القصيد طرقوها

والشعر اضافي .. طول مالجرح ساكن = ويوحون صوتي جروحي لياانبشوها

بالـ(الرادو) البارح سمعت (الاماكن) = وعفت الاماكن عقبها كل ابوها

وين انت؟ ياللي عقبك العمر داكن = حتى تصنّع بسمتي لاحظوها[/poem]





/

[poem=font="Arabic Transparent,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


ياخدمة (الموجود) ياقلة الفود = منها خسرنا ناسنا واتعضنا

احط انا موجود وتحط موجود = وش لون تبغانا نهرّج بعضنا ؟؟[/poem]


(jar-


.

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



اصحابي الوافين واجد وغالين = ماني بقايل كلهم ماوفوا لي

ياما وفوا وايّاي بالزين والشين = وكم سطروا لرضاي موقف رجولي

لكني مقصّر بحق الميامين = ابا اعترف حتى ولو مااشتكوا لي[/poem]


.

الله يوفقك ويكلـل نجاحاتـك
اللي من أثمارها ديوانك الصوتي

الله يوفقك ويحققلك احلامك
هذا الخبر يشرح الخاطر ويسعدني

ياسلام عليك يابوبندر
لاتنسى تحط للي تقول فيها
اثر الرياجيل تفرق بالمدى والعزوم=والطيب كايد وحزات المواقف محك

الاعزاء المبدعين

عبدالرحمن السمين
عبدالله بن علي
سلطان عوض الطريسي


شكرا لنبل قلوبكم .. وسمو مشاعركم وسرعة تجاوبكم

اسرتوني بطيبكم

الف شكرا لاتفيكم حقكم .. Icon26





.

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


البارحه كنت انا والنوم متخاصمين = وسرا وكان السهر وافي مثل عادته

عزالله ان السهر وافي له اربع سنين = مايوم خلا ّ رفيقه يذكر وسادته

نصادقه غصب لو كنا من الكارهين = دامه يزيح الكرى رغماً عن ارادته

اصبح عوين العدو .. تبَاً وبئس .. العوين = ياكثر ضره ولاادري وشهي افادته

ياناس يااهل الكلام السم يالشامتين = اللي مايشمت ماني محتاج ٍ اشادته

اخذت جملة دروس من الاصاحيب لين = ماعاد اثق لو بشايب فوق سجادته

تبقطـّت هالمواجع من يسار ويمين = واللي حسبت انها طب الوجع زادته

غيدا ثغرها حياه وسحر للناظرين = لكن نصيحه لااحد ياثق لو بغادته

مع السلامه بامان الله .. والله يعين = روحي وهذا السهر وافي مثل عادته[/poem]





.