[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في مكاني ولكن مع خيالي وصلته=ليتني نمت وأمسى هاجسي ماخذاني
من غلاته سريت وعاذلي ماسألته=كنّي أسمع صدى صوته ليامن دعاني
شالني هاجسي وان قـَصْرت خْطاه شلته=واستثارت حْروفي من جديد المعاني
آهـ .ياجهدي اللي طول ليلي بذلته=أطوي الدرب كن الوقت عندي ثواني!
وآهـ .ياللخيال وفكري اللي شغَلْته=مع غياهب سكون الليل رااح ورماني[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في جوف صدري من أشجاني مساحة وطن=حزني وشوقي وغير وُغيره أعياني
تجمّعن في خفوقي كلهن واقلطن=حمامة الشوق غني لو علشاني
غني وأغني معك لاصار مـ .أحدٍ فطن=في دمع عيني!وأبعثر جاير أشجاني
عزفك يبدّد همومٍ في حشايه سطن=لـ .أنحشت عنها تدوّرني وتلقاني[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش عاد باقي من التلميح!=لاصار الأخلاق خربانه
كافي على قلبي التجريح=ياليل ماللسهر خانه
أذوّب الثلج لين يسيح=وأشرب ولانيب رويانه!
وأبني جدار الأمل ويطيح=وأشكي على الرب سبحانه[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يـ .السايق الطّرب لاتسرع على هونك=كنّك تْسابق هبوب الريح ياكافي
تحط رجلك دجر وتْعد طبلونك=قلبك على ديرتك ولْهٍ وميلافي
بالله تمهّل وراع اللي يراعونك=أمّنتك الله توقّع قلبي خْلافي
ليتك مكاني تودّعهم ويشعونك=يمكن تْعوّد عليهم والقدم حافي[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صكيت بيبان الغلى وانفتح باب=عن جملة البيبان مـ .أحتلت أصكه
دخل على روحي معه نفحة أطياب=وسحرٍ أسرني غصب مامنه فكه[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بكره وبعده وبعد اللي بَعَد بكره=نعد ونعد ونْسابق ليالينا
على بساط الأمل تجتاحنا السكره=ونطير بين الخيال وبين أمانينا
ليت النفوس البريئه تأخذ الفكره=ممّن سبقها ولاتشقى وتشقينا
وتحذر من الوقت لاغدره ولامكره=وتشاور العقل عن لذّة شهاوينا[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لامتى والسؤال يدوور ماله جواب=لامتى عن سؤالي مالقيت الإجابه؟
والعجيب العجيب الا عجيب العُجاب=صاحب الشأن قدامي بحضرة جنابه
ليه ماشكّل الكلمه بسطر الكتاب=وليه ماوضّح حْروفه بصفحة كتابه؟
الرموز الخفيه تستفز الجناب=ترهق الفكر وتشتت خطاه وصوابه
ياحلاة الصراحه لو قفاها عتاب!=وياحلاة السماء والجو لا أقتم سحابه
وياحلاة الطبيعه دون عج وضباب=يمكن الصدر ينسى ضيقته واكتئابه[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماباقي الا شْوي وأرفع لك أيْدَي=والحرف يستسلم ويعلن خضوعه
من كثر مـ .أجحد لهفتي مابقى شي=والشوق ولّع من ضلوعي شْموعه
ودي و ودي!ويل ودي على المي=مـ .أحتلت له شرْبه ولا أشبعت جوعه
جداي يامشكاي لاوْصلْت حدي=نفّس علَيْ حجري بْصافي دموعه[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ترفّق علي ياخافقي,,لاتجيب العيد!=أمانه طلبتك,,لاتسلّط على سدي
كفايه كفايه,,لا تمادى وأروح بْعيد=وأفصّل بنسْجك ملبسٍ,,مايجي قدي![/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تغيب يوم؟ أغيب أنا.. عشرة أيااام=لو قلت غصب..وقاسي الوقت حدك
هذا قراري..بعْد ماخاطري شام=صيّور مندووب أنتقامي..يردك
لو الثمن!..لا آكل,ولا أشرب,ولا أنام=حراام..لـ .أسبح بين جزرك ومدك[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أشوف السماا زرقاا وأشوف القمر بـ .الليل=وأعاتب عْيوني والسماا ماوصلْت لْها
وأغامر وأسافر مع طريقٍ يهد الحيل=وأصوّر خريطة سير دربي وأحمّلها
وأسجّل مواجع ذكرياتي وبـ .التفصيل=وأحيير بْنهاية رحلتي..كيف أكمّلها؟[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياضايق الصدر,,وش يبكيك؟=بدري,,على ضيقة الخاطر!
أضحك,,وجور الزمن قافيك=لاتْسبق الوقت,,ياشاطر[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري أختلقت الزعل..والا أحساسي صحيح!=مدري وش اللي حصل..وأمسيت زعلانه
وشلون صارت معي؟..ضاق المكان الفسيح=وأنا قبل كنت مبسوطه وطربانه
عيّيت لا أرضى..وعيّى خاطري يستريح=وابليس غنت مزاميره..وطيرانه
كبرت بنفسي كذا !! وين الجواب..الصريح=ليه أتأثـّر؟..وليه النفس شرهانه![/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ملامح الود بانت في نواظرنا=والعقل ينهى الملامح كل مابانت
يالاهب الشوق لاتكشف سرايرنا=لاصار عيّت ظروف الوقت مازانت
ليت القدر بس لو مره يخيّرنا=ونْمتّع العمر لامن فرصته حانت[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يسرق الوقت مني,,هاجسي لاسرابي=بين ناسي وكنّي,,عن وطنهم بعيده
لامتى! من يداري حالتي؟,,ياعذابي=لاتريّحت من هجسي,,ولامستفيده[/poem]

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على شاطـْىء الأمل,,نزرع من أحلام الخيال ورود=عليها ألوان تسحر,,والشذى ياروعته فيها
يرووح بْنا الخيال بْعييد,,وأن هبّت هبوب النود=تمايل بالمشاعر وان صَحَت,,غنت قوافيها[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحيلة الله كيف أبحتـال فرقـاك=ياغايتي,ياراحتي,يـ .أكسجيني
رفيق عمري ياعسى الرووح تفْـداك=يابلسم أيامـي وبهجة سْنينـي
لو جت على مانشتهي رحت وياك=لكن حداني ماقصـر عـن يدينـي
أسمع صدى صوتي وأمانه لياجاك=جاوب ولو عن بُعد صوتك يجينـي
لولاك ماتسهر عيوني,ولولاك=مابه على ذا الكون شيء ايعنينـي
وأن طالت الغربه عليْ حث ممشـاك=والله على جمر أنتظـارك يعينـي [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تلخبط عيوني بعض الأحيان فـ .الألوان=ياخوفي عمى الالوان لا صار وان جاني
جميله وتجذبني وألوّن على الجدران=واسولف على الريشه وأحرّك بها أشجاني
وأغمّض عيوني واتعوّذ من الشيطان=وأفتّح وأشوف اللون في طابعٍ ثاني!![/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ملامح الود بانت في نواظرنا=والصبر ينهى الملامح كل مابانت
يالاهب الشوق لاتبحث سرايرنا=لاصار عيّت ظروف الوقت مازانت
غيّم علينا ولاتعمي بصايرنا=ونْضيع والناس ياما قبلنا عانت
عسى المقابيل من بكره تسايرنا=تصفى مشاريبنا من عقب ماشانت
ونصافح الصبر ونودّع عبايرنا=ونكتب على جْداار غربة عمرنا هانت
وتمطر سمانا وتستسقي ضمايرنا=من غيمةٍ مابعد صارت ولاكانت
ونسوق في لحظة اللقيا بشايرنا=وغصون الأشجار لاجاها المطر لانت
نحْلم ونَحْلم ويتعب فكر حايرنا=وأحكام الايام لو ماودّنا!مانت
ياصالي البعد لاتحرق ستايرنا=تكشف خفايا صْدورٍ للغلى صانت
ليت المقادير لو مره تْخيّرنا=ونْمتّع العمر لامن فرصته حانت[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاشفت شايب لو مـ .أعرفه ولا أغليه=يشهد علي الله يفز لْه قلبي
لولى الحياء لـ .أجيه وأقبّل ايديه=يابوي مدري وين حزنك وصلبي[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فتحت البوم ليت البوم ضايع=ولاشفت الصور فيه القديمه
عليّ أغلى من كْنوز البضايع=لها في خافقي قدْرٍ وقيمه
ولكن جددت كل الوجايع=وأنا روحي من الفرقى سقيمه[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين الحمام الزاجل اللي يقولون؟=أبغى أشتري من حر مالي حمامه
وأحطها عندي وفـ .الحفظ والصون=مرسولتي تبشر بزود الكرامه
تسهر معي لاراحوا الناس يمسون=وأشكي عليها..خاطري وش علامه
وأرسل وهي تسمع على كل ملحون=وأن ماتلاحيني عليها الملامه
وأكتب على المكتوب واصل ومضمون=مايفهم المرسول صيغة كلامه!
مني لها والناس ماهم بيدرون=تسري على أمري كان فيها شهامه
وأدري طْيور الكون ماهم بيسرون!=وشرطي عليها الليل تكسر ظلامه
وتنقل مراسيلي على الريش بالهون=وتطير لاوجهتها بالسلامه[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يجتاحني همٍّ مْسيطر عليّه=وأشكي على الله ما على الناس شكوَى
مستسلمه وأعد نفسي قويه=وأضحك على روحي وحيل الله أقوَى[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غنيت لك من صادق الروح بيتين=على أوتار القلب مـ .أحدٍ سمعها
بلحنٍ تسابق جرته دمعة العين=تنزف على الموال وأرووح معها
ياحزني اللي صار لك فوق عامين=من قسوتك تشكي ضلوعي وجعها
الله عليك أكبر بتااخذني لوين=وروحي صبور وصبرها مانفعها[/poem]

http://www.elw3ad.net/uploads/images...274f998e1d.jpg



[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسلّم أشجاني كفايه تحطّمت=خريف,وأعباء الطريق أتعبتني
من جاير أحزاني شربت وتعلمت=أشيل همي وأحْمله فوق متني
وأكمّل المشوار مهما تألمت=لو سكتي واحْطامها حطمتني
وابكي على حالي ولو ماتكلمت=ولاشكيت ودنيتي ماشكتني[/poem]