[poem=font="Traditional Arabic,6,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الجيب جاهز يافهد للمطاريش=على ماودّك يا ابيض الوجه وجّه نبغى لنا خدٍ بعيد المناويش=مافيه لاصجّه ولا فيه لجّه نسجّ ونفرّج عن الصدر ونعيش=وناخذ لنا مع صحصح البيد سجّه اخير من صخْب المدن والتفاتيش=لاضيق لازحمه ولافيه صجّه هذي غناة النفس يا مدوّر الطيش=وألا العمر غيمه وتقفاه عجّه [/poem] |
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
لاتستشير اللي شقى واسهر العين=قادر على الفرقا ولا هوب قادر لاصار خلّك صدّ لاتشكي البين=اعلم ترى في القلب وارد وصادر الحب عهدٍ ينكتب للمحبين=واللي يصون العهد هالوقت نادر [/poem] |
[poem=font="Traditional Arabic,6,red,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يتوه فكري فيك والندّر الشرْد=لو آصفك في كل يوم بقصيده ويضيع فيك الكاد ، والمسك ، والورْد=وكل العطور الفاخره والفريده عبّيت لك قلبي من الشوق وأنت ارْد=ولآ تخلّي بالضماير شريده حاولت اعبّر عنْك بالبوح والسرْد=وعجزت اكمّل فيك جمله مُفيده : أنت الشتا بالصيف ، والحرّ في البرْد=وأنت الحياه الراقيه والسعيده [/poem] |
[poem=font="Traditional Arabic,6,red,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
في نظرتك ضيقه وفي بسمتك بوح=حيّرتني في ضيقتك وابتسامك أحيان اقول أنك عن الحب مجروح=وتبيّن الضيقه بنبرة كلامك وأحيان اقول أنك تعالى على النوح=وتبرهن أنه مايثير اهتمامك اخذ الكلام اللي من الروح للروح=ولآ تلحّقني بعَدها ملامك تبغى تجي تعال ، بتروح مسموح=تأكد أنه مايقل احترامك[/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
لآباس يا ابن آدم من الضيق لآباس=الصبر مفتاح الحياه السعيده لولا الحزن ، والهم ، والضيق ، والباس=ماللفرح حصّلت فرصه جديده ياصاحبي خذها من الراس للراس=بيتين تغني عن كتابة قصيده : بنك التعامل ، غير عن بنك الإفلاس=ودنياك لو طالت تراها زهيده من حبّه الله سخّر لحبّه الناس=والناس شهّاد الولي في عبيده [/poem] |
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
(الله خلق والله فرق في المخاليق)=شطرٍ قديم ومن قصيده قديمه لولا اختلاف الذوق بين المطاليق=ماكان شفنا للمفاهيم قيمه يعني إختلاف الذايقه في الطواريق=مهما حصل ماهي تسمى جريمه لكنْ بعض لأبيات تحتاج تحقيق=لا وصلت الدعوى لمسَ الحشيمه في الدين / وألا الدار مافيه تفريق=من مسّها ياخذ عليها قسيمه [/poem] |
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
تدري وش اللي في وصالك دفعني=لو كان به غيرك من الناس غالين ذاك الشعور اللي جمعك وجمعني=لا ليلة الجمعه ولا صبح الأثنين اليا ذكرته قلت : ياهمّ دعني=واجّلت ميعادي مع الحزن بعدين عنْك أنت قلبي كل ماقلت : طعني=قال : آمر ألا بباشة الملح والزين شف شوق قلبي كيف يمّك نزعني=واصبحت اسير الشعر والشوق والبين من غيرك اللي بالطواريق معني=ومن غيرك اللي آسر القلب والعين ركّز معي قبل انتهي واستمعني=ابختصر كل الحكايه بشطرين : لا قلت لي : مشتاق ؟ بقول : يعني !=شوق الغريب لشوف اهلْه القريبين [/poem] |
[poem=font="Traditional Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أنا ، وخلّي (2) والقلب (1)=القلب (1) ، والجسد ياملا (2) وعن حبّنا لو حاول (2000) جاحد=مانفترق ، لو نفترق بالعناوين [/poem] |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
سلطان من مثله على الطيب سلطان=اسمه قبيله ، والفعايل قبيله يعني قبايل صار في هيئة إنسان=كل الصفات الطيبه تنتميله مخلوق لكن ميّزه عالي الشان=سبحان من هو ميّزه بين جيله اقولها من قلب ، وشعور ، ولسان=من شاعرٍ لاقال قوله يكيله : اي والله أن الشعب يا امير ولهان=وشوفتْك ياسلطان تشفي غليله[/poem] |
[poem=font="Traditional Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الحب دوره في حياتي > حياتي=لولاه ماينبض خفوقي من الشوق ولولاه ماحقّقت بعض أمنياتي=ولولاه ماغنّيت للترف طاروق ولولاه ما احلوّت معه ذكرياتي=ولولاه ماعدّيت في مرقبي فوق ولولاه مازادت علي سيئاتي=ولولاه ماحبّيت في الناس مخلوق ولولاه مافكّرت في كل آتي=ولا عرفت أن كل مطرود ملحوق ولولاه ما اسهر بالليالي واحاتي=ولولاه ماحسّيت في نعمة الموق لكنّي اكره بس حبّي لذاتي=لإن حب الذات ماهو من الذوق[/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الونّه القشرا لها مدّه وسط صدري تطوف=مرّه تحنّ رعودها ، ومرّه تلوح بروقها تقول في صدري مرابط خيل ، ورماح ، وسيوف=هذا يعنّ خيولها ، وهذا الجيوش يسوقها عيّا الزمن على كثر ماصوّب الخافق يروف=مالي جدا غير اطرق الجزله واحث طروقها قطفْت من البستان يانايف وأنا عيني تشوف=الورده اللي لي ثلاث سنين ابلّ عروقها كذاب من قال التعب في تالي الحب امخلوف=مرارة الفرقا ولو طال الزمن بنذوقها وشمس المواصل لو تبث النور يلحقها كسوف=لو أن خلق الله ترقّب ضيّها وشروقها[/poem] |
بصوت الرائع / ماجد الدلبحي [youtube]http://www.youtube.com/watch?v=VcNjuqkqw5Q[/youtube] |
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الهم في صدري مساحاته تزايد بإتساع=ويدقّ في قلبي مثل دقّ النجر بيد النجر بعد المواصل والغلا ياشين لحظات الوداع=ياشينها والفرق شاسع في المواصل والهجر ياما على شانك ركبت الموج واسدْلت الشراع=لجلك ولا كنت احسبنْ قلبك على الفرقا حجر لو أني أدري ما امرت القلب في حبك وطاع=واسهر على ذكراك حتى يذّن آذآن الفجر تدري وش اللي ودّي اهديلك قبل فضّ النزاع=تشوفه بعينك وأنا اشوفه ولو شوفي شجر : خذ قلبي اللي في الضلوع الناحله وامرك مطاع=واتركني ارحل من حياتك وأنت كاسب بي أجر [/poem] |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ماكل طيرٍ يدرج الحوم > قرناس=ولا كل قنّاصٍ > ظفر له بصيده وعلم الحيا ماهوب مع كل > عسّاس=وماكل الأريا في المواقف > سديده وماكل بحّارٍ على الموج > غطّاس=ولا كل طيّب جد يطلع > وليده كم واحدٍ مافاد لو هو ولد > ساس=وعروق ساسه في المراجل > جويده مثل الغصن لاهبّه الريح > ميّاس=ومع كل هبّة ريح > يومي جريده [/poem] |
للمرجله عند النشاما مواجيب وكلٍ يأدّيها على قد عِرفه ياصعب مبناها على الشك والريب لأنها وهبه ولاهيب حِرفه لولا الشجاعه ما اشتهر طاري الذيب اللي ليا حل المسا زاد هَرفه ولولا المكارم مالقينا معازيب ومانفرق المجلس عن أيّاة غُرفه ولاصار ماتبنى المعَرْفه على طيب لاعادها الله ياعرب من معَرْفه |
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الوصل راحه ، والجفا طابعه صلف=والضيقه تكوّن بصدري مساحه وتطعن خفوقي طعنة الرمح والشِلف=وضلوع صدري كلّها مُستباحه تقول مابيني ولا بينها حِلف=ومعمّره بأقصى الضلوع استراحه وتدقّ في صدري مثل دقّة السِلف=ومن دونها قلبي مافاده كفاحه يامن ملك قلبي بالأشواق والولف=هذي الصراحه كان تبغى الصراحه في ذمّتي واحلف على كلمتي حلف=قلبي معك عجزت لأكبح جماحه[/poem] |
1431 هـ بعد (الثلاثين) (الف واربعميّه) و (واحد) تمام عامٍ جديد وياعسى المولى يزيّن جيّته ويالله عسى الشعب الخليجي ينعم بخير وسلام ويسود فيه الأمن حتى تنتعش ماليّته ويلتمّ شمل الأمّه اللي حاصلٍ فيها إنقسام ويدمّر الحوثي وتِمحا في العرب ذريّته وتعم في الناس المعزّه والغلا والإحترام ويعامل الإنسان بالطيْبه على شخصيّته وتواضعه عند الخلايق يكسبه حب ووئام ويزود في قدره وفا ويزود في جاهيّته و(الصوم) ، و(آداء الزكاه) ، و(حج للبيت الحرام) بعد (الشهاده) ، و(الصلاه) يكفّر الله سيّته الآدمي لايحسبْن عمره على الدنيا دوام الآخره لو هو يطول العمر تدفع ديّته |
[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
تدري وش اللي في وصالك دفعني=لو كان به غيرك من الناس غالين ذاك الشعور اللي جمعك وجمعني=لا ليلة الجمعه ولا صبح الأثنين اليا ذكرته قلت : ياهمّ دعني=واجّلت ميعادي مع الحزن بعدين عنْك أنت قلبي كل ماقلت : طعني=قال : آمر ألا بباشة الملح والزين شف شوق قلبي كيف يمّك نزعني=واصبحت اسير الشعر والشوق والبين من غيرك اللي بالطواريق معني=ومن غيرك اللي آسر القلب والعين ركّز معي قبل انتهي واستمعني=ابختصر كل الحكايه بشطرين : لا قلت لي : مشتاق ؟ بقول : يعني !=شوق الغريب لشوف اهلْه القريبين [/poem] |
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(الله خلق والله فرق في المخاليق)=شطرٍ قديم ومن قصيده قديمه لولا اختلاف الذوق بين المطاليق=ماكان شفنا للمفاهيم قيمه يعني إختلاف الذايقه في الطواريق=مهما حصل ماهي تسمى جريمه لكنْ بعض لأبيات تحتاج تحقيق=لا وصلت الدعوى لمسَ الحشيمه في الدين / وألا الدار مافيه تفريق=من مسّها ياخذ عليها قسيمه [/poem] |
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الهم في صدري مساحاته تزايد بإتساع=ويدقّ في قلبي مثل دقّ النجر بيد النجر بعد المواصل والغلا ياشين لحظات الوداع=ياشينها والفرق شاسع في المواصل والهجر ياما على شانك ركبت الموج واسدْلت الشراع=لجلك ولا كنت احسبنْ قلبك على الفرقا حجر لو أني أدري ما امرت القلب في حبك وطاع=واسهر على ذكراك حتى يذّن آذآن الفجر تدري وش اللي ودّي اهديلك قبل فضّ النزاع=تشوفه بعينك وأنا اشوفه ولو شوفي شجر : خذ قلبي اللي في الضلوع الناحله وامرك مطاع=واتركني ارحل من حياتك وأنت كاسب بي أجر [/poem] |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا امعذّب بيوت القصايد على الطرس=من شهر سبتمبر ليا شهر مارس اكبر طموحك تظهر بأمسية عرس=وتقول : ماغيري على الشعر فارس وحشْدت قوّاتي على الروم والفرس=وبحر العرب سقته على بحر فارس ريّح ضميرك واحتسب قيمتك و ارس=واسأل لك اي انسان جرّب ومارَس ترى الزمن لوطابلك طابعه شرس=وتبقى التجارب للنشاما مدارس ياليت بعض الناس يستوعب الدرس=قبل الزمن زمله عليه ايتضارس[/poem] |
[poem=font="Traditional Arabic,6,black,normal,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
أن كان تسأل عن الخفاق وشعوره=ينبيك عن حالة الخفاق جوالي : لبّى الرساله ولبّى الرقم والصوره=والبسمه اللي تزيل الهم عن بالي وأن قلت لي وش كثر حبك ومقدوره ؟=بأقول واضرب على ما اقول الأمثالي : كثر الجماهير في ( الساحه / وفي الكوره )=او كثر ما اجرّ لجل ارضاك موّالي يامن يغار القمر والشمس من نوره=ويغار شهْد العسل من ريقه الحالي لا يازعيم المحبه قايد الثوره=ياحبي الماضي وياحبي الحالي جرح الغلا يشتكي تقصير دكتوره=من يوم قصّر وجرحه باريٍ حالي خذ كلمة اللي يقول ويصدق شعوره=لعل جرح الغلا لا قلت ينزالي مايطفي الشوق : شوف الرقم والصوره=مايطفي الشوق : غير امقابل الغالي [/poem] |
[poem=font="Traditional Arabic,6,green,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
للمرجله بيـن النشامـا مواجيـب=وكلن يأدّيها على قـد عِرفـه .!! ياصعب مبناها على الشك والريب=لإنّها وهبـه ولاهيـب حِرفـه .!! المرجلة بنتٍ تشـوق الخطاطيـب=عسره ومملوحه وشيخه وترفـه .!! وعلى الردي صلفه وصعبة مطاليب=لو زاد في بنك الملايين صَرفـه .!! لولا النباهه ما اشتهر طاري الذيب=اللي ليا حل المسـا زاد هرْفـه .!! ولولا المكـارم مالقينـا معازيـب=ولانفرق المجلس عن أياة غُرفـه .!! خذيت من سود الليالـي تجاريـب=مايشكي الرجال للناس ظرفـه .!! وكان المراجل تحضر احيان وتغيـب=ماللوفي عن واجب الطيب صِرفه .!! ولاصار ماتبنى المعَرَفه على طيـب=لاعادها الله ياعرب من معَرَفـه .!! [/poem] |
[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الوصل عقب البطا للعاشق امسلّي=ياللي تشحّ بوصالك واهتماماتك عيوني اترحّب لشوفتْك واتهلّي=والنفس تخضع لجل حبك ومرضاتك بسم الغلا والمحبه جيت لك كلّي=وصار إتجاه الوفا صوب إتجاهاتك وناديتك بصوتي المهموم ياخلّي=وآظنّ مابه أمل تترك حركاتك أن جيت لك غبت ،، وأن قفّيت ترسلّي :=مشتاق لأسلوبك المرهف وهمساتك لكنّ آبقول مافي قلبي وقلّي=عن مايليق لهواك ويصلح لذاتك أما (( تجيني غلا ، وأشواق تقبلّي ))=وألا (( لأشوفك ولا اشوف اتصالاتك ))[/poem] |
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
عن تجربة حب ، وغرام ، وتناهيت=لا قام نسناس الحبايب يهبّك تدري وش اللي يستثيرك لاحبّيت=أنّه يجيك إنسان ثاني يحبّك[/poem] |
| جميع الأوقات بتوقيت GMT +3. الساعة الآن 07:24 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية