علموا وجه الفقر ماني ضعيف
مغتني بالله ولو ماني غني ، عزتي ما تلحق الشرهات حيف وان لحقني صدوا بوجهي عني ! ياعرب والله ماني بالكفيف مير اكف النفس عن هرجة دني بنت منهو لا وقف بالباب ضيف قام يذبح له ولو حدا البني ! |
،
اشتقت لك يالمرقاب بكل تفآصيلكـ 💔 |
،
اللي مضيق خاطري دون لا ادري ! الله يضيق خاطره وين ماراح ماعاد اقول لـ نجمة سهيل بدري ولا عاد تطربني العزآيمـ والأفرآح ؟ , |
، الا يا ظروف الوقت خفي علي شوي انا زابنه من وجه الايام في وجهك تغربت بـ ديارٍ حشآ مآ عليهآ حي ! اجامل هواها نعنبو ميتك وحيك ! اجامل وتكويني مقادير عمري كي ولاني بطربانه لو اقصد وأصفق لك ! عسا ذكرياتٍ رافقتني على ما هي وعساك الذي لاغبت/ ذكراك تشفع لك ! ، |
، انا لاتضايق خاطري جيت يافروس اعنّز على شرواك لاشافني جزعه عطيت الحياة دروس والا خذيت دروس ابي فزعة اللي ماورا فزعته فزعه تحد الليال العوج قلبي كـ حد الموس واجي لك وروحي من شقا الوقت ممزعه اراجع سنين ذكرها بالحشا مغروس مع اللي غلاته ماخذ الوقت له خزعه ! عوايد عضيدي لا ضرب كايدات الروس ابوي وحزامي / عزته ماهي بـ نزعه وانا لو ضحكت وخافقي من العنا متروس علشان حرٍ ما ورا فزعته فزعه ! ، |
،
ياطير لو عندك جناحين وتطير ما انتا بواصل فوق راس الطويله ! 🙂 |
،
ماتهيّض هاجسي الا لـ شمّر مدهلٍ للعز من اول وتالي وابو فارس لانتخينا ماتذمّر فزعته دايم على روس الطوالي باللوازم دايم ذراعه مشمّر للبعيد ووللقريب وكل غالي ياعسا عمره على الطاعه معمّر والسعاده فاله بكل الليالي ما يشوش القاف الا لـ عين شمر لـ احتزمنا بالطنآيآ مآ نبآلي ! ، |
،
والله ان اقسى من قصاص اليتيم حده الوقت المغبّر واجْبره العفن اليا تجمّل بالكريم وكل مالاقاه صدفه ذكره ! ويا عساه النار وفجوج الجحيم كل من فكّر يذلل له مره اتّعدى كل شيطانٍ رجيم لا لمس من راسها الحر اشعره ! ، |
،
. خرآبيش على جدآر السهر ! ، . وين أروح وإنت لي عينٍ وروح 💔 ضايعه في زحمة الايام مليانه جروح ! ، مو انا هذه ابد ! ماني زيادة عدد ! بس مغتربه ! ايه مغتربه / ولا تعلم احد ! ، داخلي طفلٍ حزين لَـ سْألوه يقول زين ! يشعر بوحدة ومأساة وحنين ! عين صمته تنطق : بـ محتاجلك ! وده إنه أغلى ؟ من أبوك وأمك وأهلك ! ما رويت عروقه عشق؟! وشوف بعيونك ، هَلَك ! ، وين أروح ؟! وأنت لي عينٍ وروح !! 💔 |
،
عايِدوني وانا من ضيقتي ما أعيّد غير ملامحٍ تضحك ووجهٍ حزين ! اه يا حزْن في جرْد الضلوع متسيّد ماهو اليوم إلا من قديم السنين ! ان تعوذت من شرّك تجيني مْقيّد كل عرقٍ بقلبي / وانتظرها تزين ! ايه اقْروا عَليْ لين الأماني تشيّد دام ما يغْبن إلا ضيق حرٍ سجين ! ، |
،
مرحبا والشعر يومي بمسباحه والقوافي كلها قدر وهيبه شاعرٍ ما يحسب بعمره ارباحه والخساير ما حسب كثرها طيبه بين نفسٍ مستريحه ولماحه ما لحق نياتها شكٍ وريبه! بيرق الجزلات بيديني ارماحه ان نصبته عِز ، وان عَزْ أرمي به ! وان قفلت القاف ماضاع مفتاحه يعرف المفتاح قفلة معازيبه ! ، |
،
يا( يبه ) ما يجرح القلب ويتله غير جرح اللي سكن وسط وجداني واحدٍ خلابي الفين ابو عله والشعور الحي خلاه وحداني سافر وقلبي معه راح مشتله ويدري ان طارِ السفر موتي الثاني ويدري ان الدمع أدناة ما هَلّه خصْ لآ منّه تعلّق بـ خلّاني آه يا ضيقٍ غدا مذهب ومله وين ما لديت عنّه تلقّاني في عيوني جيش الاحزان محتله كل عرقٍ متصل يم شرياني ايه محتاجه غلا خلٍ وخله لو لمح بعيوني الموت ناداني ، |
،
[ ديرتي ] مستوحشه حتى سماها كن مالي في ضواحيها عشير سافر وسافر معه ضحكة مساها واحدٍ عن جملة الباقين غير أشهد ان روحي معه راح وخذاها فدوته ماهي على مثله كثير ! ، |
^
^ الله يصح لسانك ريف وتسلمين ولاهنتي على هـ الدرر العذبه متابعه:wardah: |
اقتباس:
نورتي الركن الغاليه شاعرة نجد ❤ صح قلبج وياهلابج ، أسعدني مرورج 😘🌹 |
،
. يالله بـ نصر ٍمؤزر وانت وحدك قدير تْحرّر ارض اليمن / وتنصر هلا المملكه اللي دماهم فدا الاسلام / ماهو كثير الْيا دعينالهم من قلب ، مو فبركه ! ، |
،
#سعود_الفيصل يا سعود تبكيك السياسه وأهلها والدار وحماها بكت دم يا سعود ، ترثيك عز جبالها مع سهلها حتى الثرى يبكيك لاهبت النود 💔 ، |
اغيب عن زحمتي لآ ضقت واجي لك
💔 |
،
يآليل مآ تجهل ادق التفآصيل لآ جيت أبرقآ فوق رآس الطويله أجر من حر الفرآق الموآويل ومن جاك ضآيق آه وآعزتيله ! ، |
،
علموا من هو وجب انْه يتعلّم شآريه نفسي قبل لـ اشْري غلآه ، صدتي صدّه .، لو انّي بآتألّم لو فرآقه موت .، ووصآله حياه ! |
السلام عليكم ورحمة الله وبركاته
سعدت بالمرور من هنا موفقه يا مبدعه |
اقتباس:
وعليكم السلام ورحمة الله وبركاته نورت الركن اخي عبد العزيز ولاهنت على اطرائك .، شرّفني مرورك شكرا من القلب 🌹 |
،
لاهنت يا حسابٍ امره موده بيني وبينه رابط الشوق والود ، لو صاحبك صرح المحبين هده صرحك بـ قلبي .، والله انه فلا انهد !! ❤ |
،
كان في صدري مباته والمقيل ........ سنينٍ مباته بأضْلعـي ؟ وجيت لـ عيونه بّسوّي المستحيل ورحت منكسره غلا .، والله معي ! ، |
،
الخآطر اللي كل مآ ضآق جآلك يمر بحسآبك عسآ يجبره شي اقفآ وحلمه يرتطم وسط جآلك اقفآ وهو ميّت غلآ مآهو بـ حي ! ، |
| جميع الأوقات بتوقيت GMT +3. الساعة الآن 09:13 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية