المشاركة الأصلية كتبت بواسطة علي متعب الحميداني

كرز جده .... بلاغة جميلة ولا متناهيه

في تراتيلك التي لا تنتهي

..



اعجبني ما رأيت


...

المشاركة الأصلية كتبت بواسطة دارين

المشاركة الأصلية كتبت بواسطة ترانيم

المشاركة الأصلية كتبت بواسطة دارين

مشاهدينا الأعزاء ..

سنعرض عليكم مقطع جميل من فيلم ( دارين و المليون ) والذي بقي متصدرا ايرادات شباك التذاكر

لأربعة شهور على التوالي


نتمنى لكم مشاهدة ممتعة :)




*

*



هادي المنصوري
دارين .. هل صحيح انك تكتبين الشعر ؟

دارين ( متفاجئة لكن تحاول تكون طبيعية)
طبعا اكتبه ..و اتنفسه ..

هادي المنصوري
ياسلام عليك

طيب وش رايك بالشعر النسائي .. هل ممكن انه يتفوق على شعر الرجل ؟
دارين
الشعر واحد ومكوناته ثابته ( موهبة + احساس + ممارسة )

هادي المنصوري
جميل

اعزائي المشاهدين

دارين .. اول شاعرة من السعودية .. نتابعها في هالتقرير ...

http://www2.0zz0.com/2008/02/01/20/671063088.gif


-الاسم : دارين
-من السعودية
-بدأت الكتابة من الطفولة وبالتحديد منذ سن العاشرة
- تأثرت بكل ماهو جميل في الشعر و الحياة
-لم اشترك بشاعر المليون ..فهذه إشاعة ..
-البيرق يعني النهاية ..من يحمله يسقط ..فالوصول للقمة تعني الهبوط منها
-وقوفي امام اللجنة سيكون مختلفاً ..لأني سأقف لهم بالمرصاد :)
- ينافسني.. كل من يحمل قلبا
-حكمتي في الحياة حديث نبوي لرسولنا محمد صلي الله عليه وسلم( تفائلوا بالخير تجدوه )

*

*

وتخطوا دارين اولى خطواتها على خشبة المسرح ..يسبقها صوتها ببيتين تعريفية :


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشِعِر من حسن حظي ينتقي در الكلام = هذا طبعي لا بغيت آغوص في اعمق بحوره
والقوافي جندت لعيوني الحرف الهمام = والمعاني سلّمت و استسلمت لاصدق شعوره[/poem]


وتقول دارين بعد ان جلست على كرسي المحكمة :

بسم الله نبدأ



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غبت حول الفين ساعه ..بالتمـام وبالكمـال = الف ساعه في ذهاب والف ساعه في إيـاب
غبت واقسى مارايته في حياتي ( بعد ) طـال = لين جاب الله رجوعي وصك بيبـان الغيـاب
جيت والقى هالصداقه جملة اوهـام وخيـال = آه ياشين الصداقه لاغـدت وهـم وسـراب
جيتهم واسمع بنفسي هرجة عيال الححـ....حلال = يطعنوني بالظهـر .. اوّاه ياهـول المصـاب
سولفو بي ..عذروبوبي ..بين قيل وبين قـال = شوّهو صورة حيائي .. مزّقوا ستر الحجـاب
سوّدو وجهي وعابو فيني بزيـف الخصـال = ما لقوا غيري انا من بـد هالعالـم تعـاب ؟
الف دمعٍ احتواني ..صـال بعيونـي وجـال = والف غبنٍ نشّف عروق الهقـاوي والعتـاب
الف ضيقٍ في وريدي يزهمه حزنـي تعـال = والف احساس تشـرّد جرحـه بليّـا زهـاب
الف تنهيدة وآهـه ترسـم بثغـري سـؤال = والف ظنّ وفلسفه يبنـون للشرهـه جـواب
ماتت الخدعه جميله وانمحى قصـر الرمـال = وانكشف زيف اقنعتهم .. وانقشع كل الضباب
لو ابرر ماسمعتـه ..واختـرع ايّ احتمـال = والتمس للي حكوبي حول سبعين الف باب ,,
بعد ( قذف المحصنات ) مابقى لصفحي مجال = العفو راح العفو ..فـص ملـح وذاب .. ذاب
خلهم في دربهم ..درب المفاسـد والضـلال = محدٍ الخاسر سواهم .. بشروهـم بالعقـاب
الله يمهلهـم ولا يهمـل .. عليـه الإتّكـال = بآتجرع صدمتي .. واقتص في يوم الحسـاب
صامده ..لو مدّت وساع المواجع لي ظـلال = كاتمه حزني .. صبوره . .رغم تأثير الصعاب
بنفض غبار الاشاعه وانفـي ماقيـل ويقـال = واقلب الدنيا واحث بوجـه حسّـادي التـراب [/poem]






وتبدأ اللجنة في النقد والرصد والتقليل .. عفوا اقصد التحليل ..
____________
http://www.l22l.com/l22l-up-3/9614c7bec0.jpg
غسان الحسن
الموضوع الذي طرحته الشاعرة موضوع معروف وتقليدي وليس فيه الكثير من الابتكار
ولكن الطرح والتناول الذي جائت به الشاعره ملأ هذا النص بالشاعرية العالية الرفيعة
شاعرية فذه التي تستطيع ان تجعل من العادي مدهشا
اريد ان اشير الى ان القافية الاولى قد اجبرت الشاعره على الذهاب الى بعض الكلمات
التي يمكن ان تكون ليست هي المقصودة
مثلا تقولين
جيتهم واسمع بنفسي هرجة عيال الححـ....حلال = يطعنوني بالظهـر .. اوّاه ياهـول المصـاب
كلمة الحلال لا تتناسب مع المعنى ..
هناك بعض الحشو الذي لا مبرر له

لكن كل هذي الاشياء لاتقلل من قيمة هذا النص الرائع في نظري
شكرا لك




*

*


http://www2.0zz0.com/2008/02/03/22/677902470.gif
حمد السعيد

دارين قواتش الله
عز الله انتش شاعره
متميزه بحضورتش والغائتش
نص جميل جداً .. وراه شاعرة رائعة ..
وعسى الله يوفقتش


*

*




http://www.l22l.com/l22l-up-3/c379731ccc.jpg

سلطان العميمي

حياتش الله يا دارين .. القصيده ذو اخلاقيات ادبية
نص جميل في العديد من أبياته..
لفت انتباهي في النص بروز الانثوية المتمثلة في عدد من الأبيات وبمفردات مثل ( الحياء - الحجاب - قذف المحصنات - صامده -صبوره )
هذا النص مليء باللوحات الفنية الشعرية الجميلة
الف دمعٍ احتواني ..صـال بعيونـي وجـال = والف غبنٍ نشّف عروق الهقـاوي والعتـاب
الف ضيقٍ في وريدي يزهمه حزنـي تعـال = والف احساس تشـرّد جرحـه بليّـا زهـاب
الف تنهيدة وآهـه ترسـم بثغـري سـؤال = والف ظنّ وفلسفه يبنـون للشرهـه جـواب

النص في عمومه جميل
واتمنى لتش التوفيق



*

*



http://www.l22l.com/l22l-up-3/954831c7a8.jpg
بدر صفوق

مساك الله بالخير يا دارين
دارين
الصوت الديني مرتفع بالنص
والثغافة موجوده في النص بمستوى عالي
نص مليء بالشعر يذهب بالمعنى لأبعاد اخرى لا تعني الا الشاعره نفسها
وهناك شعر كثيف جداً في الابيات لدرجة ان كان البيت الواحد عن قصيدة
اتمنالتش التوفيغ يا دارين
وعسى اللــــه يوفغتش ان شاء الله

*

*



http://www.l22l.com/l22l-up-3/9165c022f3.jpg
تركي المريخي

حياك الله يا دارين

وصولك ل 48 بحد ذاته يعتبر انجاز من
اكثر من 12 الف فـ يعطيك العافيه
من حق بنات حوا
ااااا انهم يحتفلون بقدوم شاعره اااااا جميله مثلك
تقولين
غبت واقسى مارايته في حياتي ( بعد ) طـال = لين جاب الله رجوعي وصك بيبـان الغيـاب
بيبان الغياب.. يعني الغياب بيبان لها معنى آخر غيرررر بيبان الغياب
عموما
انا اراهن عليك واقول فالك البيرق



*

*




دارين المذيعة

يعطيك العافيه حبيبتي دارين .. سلمتي عل هالقصيدة .. جمهور المسرح يه وقت التصويت
1 ممتاز و 2 جيد و 3 متوسط .. لحظات ونشوف النتيجة على دريشة قصر الحصن



( وبعد لحظات مملة من الانتظار والاضواء المزعجة.. تظهر النتيجة )

http://www.l22l.com/l22l-up-3/1dc51fecf6.jpg

اميه بالاميه ممتاز
اربعه بالاميه جيد
و سبعه بالاميه متوسط


عيل مشاهدينا و حضورنا الكريم ..
خلوا العيون على شاعر المليون .. فاصل صغيرون ونييكم

تريونا




*

*


و يمضي الوقت حتى تحين ساعة الصفر
ويبقى الشعر رهن للحكم الاخير
ويتم التداول ويبقى همّ الاستبعاد يسكن القلوب




وينطق حسين العامري بالختام

دارين
تأهلت بقلوبنا وقلوب كل المشاهدين
ولكن نعتذر منك
تم استبعادك لحصولك على اقل الدرجات ..!!

حيوا شاعرتنا

تستاهل





*


*








اعزائي المشاهدين

نكتفي بهذا القدر
نستودعكم الله على امل اللقاء بكم في حلقات اخرى من ( عشنا و شفنا )

المشاركة الأصلية كتبت بواسطة محمد المسعري

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
شفتك وانا مشتاق / ولهان / ملهوف = مسميّات شعور قلبي عديده !

عيت عيونك ترحم الحال ، وتروف != عيّت تجي وياي " جملة مفيدة "

جمّعت من كلماتك العذبه ، حْروف=وركّبتها ، صارت ، قصيدة جديدة

سولف وانا اسولف وسولف لي وشوف= بكتب سواليفك ، قصيدة قصيدة ![/poem]





http://www.alamuae.com/gallery/data/...c8f659cba5.jpg




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
وش فيك ضايق والسبب كله ، ظروف ! =نريد .. ! والله يفعل اللي يريده
إرضى ولا تزعل ، ولا يسكنك خوف ! = ولا تحركْكّ ، الرياح الشديده[/poem]





http://www.alamuae.com/gallery/data/...216305ccc0.jpg






[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
ما كل من يبعد عن السمع والشوف = ينقص غلا ، بالعكس ! يمكن يزيده
إي والله آحبك وبآحبك / وسوف ! = أبقى معك ، والشعْر ، بفكّ قيدة !
مشكور كانك فيّ ، سويت معروف= هيّضتني ، وحروفي المستفيدة[/poem]

المشاركة الأصلية كتبت بواسطة ناصر آل صامل

مدهشة يادارين جدا جدا جدا

نداء لكل من اراد جمال الحرف فقط ماعليه سوا
متابعة دارين FM

:)

واصلي يادارين حنا متابعين
والله يوفقتس ونص راغي teeth:

المشاركة الأصلية كتبت بواسطة نوض

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
الزعل لا يقتل الشوق والحب ايهوي =وانت عارف وش مكانك وماتجهل غلاك
ادري ان فيك التمدن ونعرات ابدوي =غيرتك من داخل القلب تحكيها شفاك
والله ان الشك يذبح ويلويني لوي =وانزوي عن عالم الشوق في لحظة جفاك
خابره قلبك من الشوق ياعمري قوي =لو تبين غيرة الحب عالي مستواك
ولاّ انا قلبي على نار شوقي مستوي =صادقه من صادق الشوق وامشي في هواك [/poem]
(hrt777-

المشاركة الأصلية كتبت بواسطة أحمد مرزوق

*
*
*

[poem=font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الخفوق الغيور .. اليوم ماهو غيور=بتركك والمشاعر راحت بفالها
مات حبك وهو توّه بعمر الزهور= ليت لحظات بعدك طوّلت بالها ..![/poem]


*
*
*

المشاركة الأصلية كتبت بواسطة سعود بن مهدي

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياللي تبضع من جروحي وتتسـوٌق = انصت لبيتي هذا .. وخلك معي رايق !!


مابيك تضحك معي .. لاشفتني مـروٌق = ابيك تبكي معي .. لاشفتني ضايق[/poem]

المشاركة الأصلية كتبت بواسطة دارين

النشيد الوطني الداريني


[align=center]http://up3.m5zn.com/uploads/1b4521f10a.jpg[/align]


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كلنا نفديك شعـب وجيـش حكـام و رعيّـه=نرخص ارواح ونفوس ان جاتنا الدنيا تـدور
لـك نقـدم بالشدايـد دمنـا الغالـي هديّـه=من يهاب الموت دام افراد سكانـك صقـور
يامـا واجهنـا المخاطـر بالسنيـن الاوليّـه=وانتصرنا ..واستعدنا مجدنا .. بذيك العصور
لو تحدى من تحدى ضاع وسـط المعمعيّـه=وان تصدا لك عدو(ن) صدّه القلب الجسـور
والخوارج من شذوذ القاعده واهـل الخطيّـه=شبّو الفتنه بمذهـب كلـه ارهـاب وفجـور
اهل تخريـب واذيّـه.. كفـرو كـل البريّـه=غيّرو حكم الشريعه .. حرّفـو الاسـلام زور
ضايعه كل الحقوق بعصبـة ابليـس الشقيّـه=يذبحون المسلمين بـلا ضميـر ولا شعـور
دمهم مهدور ما دامـو علـى درب الرديّـه=حقهم نفتح لهـم بسيوفنـا ضيـق القبـور
يبشـرون بذلّهـم لا وُرّدو حـوض المنيّـه=كلن بيدفع ثمـن شيـن الخطايـا والشـرور
والا حنّـا نحمـد الله مالنـا فالظلـم نـيّـه=ما نظيم ولا نعادي غيرنا ظلـم(ن) و جـور
حكمنا نص الكتـاب وشرعنـا سنّـه نبيّـه=مانغيّر نهجنـا .. لا .. حافظينـه بالصـدور
من قديم الوقت نتبع في رضا ذات الوصيـه=ياعسى ربي يثبتنـا علـى صلـب الجـذور
حتى وان قالوا سياستنا تخلـف .. مرجعيّـه=ما علينا دامنا نرضـي بهـا رب(ن) شكـور [/poem]




وسلامتكم

المشاركة الأصلية كتبت بواسطة محمد صالح العتيبي

المشاركة الأصلية كتبت بواسطة خالد الحصيّن

سلطان بن بتلاء

مرحبا بعودتك يابو بندر .. وننتظر افتتاحية الركن المميز باذن لله / للمتابعه
كما اتمنى ان يكون الركن منوّع .. بكل ماهو جميل ياجميل :)