،
لاهنت ياركن الغلا كل ماجيك تضمني .، من دون شك وريبه من تسعة سنينٍ ما قصْرت خطآويك فزعتك مشهوده .، ووقفتْك هيبه ! 💔 |
.،
الشعور المنكسر لا تردونه لا كتب مشتآق / غنوا طوآريقه يمكن اللي حال وقت العنآ دونه لا سمعكم ، تل قاضي معآليقه ! .، 💔 |
،
مجنونة احساس تدري بي عفويّه ، وصادقه جدّا لـ اشتقت اكبر عذاريبي يصير نوم العرب ندّا تفدآك أصدق مكآتيبي ومن جابهآ والذي ودّآ قفّيت يآ شكي وريبي وهدّيت صرح الغلا هدّا ! لكن حبّك فرآ جيبي اقول ابنسآك، واتْفدّآ يفدآ موآطيك تغريبي على وطن عمري امبّدا ❤ |
،
. ياهلا باللي جرح سطر الكتابه في حروف الحزن خفاقه تدثّر : الليالي تختلف والا تشابه مرّها مثل الحلاوه لاتعثّر ! .، |
،
اشهد انه هز في بيته شعوري حدني لـ اقصاي / وجاه الشعر كله فآقده لي كم سنه قمة حضوري بس اقزّر ضيقة الخاطر بـ شله سطّر ابداعه .، رغم سطوة سطوري ايه هذا الشعر / سيف اللي يسله ! يا عسا حظه كبير ولا يبوري جاه حرفي وافيٍ دقه وجله ! ، |
،
لا واهني قلبه الميّت انا اشهد ان موتته موته ! قفيّت انا وجرحي مبيّت والقلب سلّمه تابوته مشتآقه وعزّتي عيّت أقزّر الشوق بـ بيوته ! ، |
.,
يآ روحي اللي بين دمعه وتذكآر خفي عن النفس الحزينه شويه : أنا رضيت بحكم ربي والاقدار وانتي رهينة ماضيٍ ما تهيّه ! ، |
.,
تشبّع غرامه من عروقي ولا يكفيه خذآ شي ما يقدر زمآني على اخذه : كريم وسنآفي والله اني فلآ اوفيّه لكن عزتي تأبى يكون الغلآ شحذه ! ., |
.
مع شعور البرد / واحساس الحزين والذكريآت الباقيه في مهجتي : انت الذي عجْزَت تغيّبك السنين صورتك بـ عيوني وحسي ولهجِتي 💔 .، |
.،
كن الزمن وقّف على ريح ذكرآك نسيت نفسي .، بس أنا مآ نسيتك ! 💔 ،. |
،
يا وجودي كل ماهب للذكرى زمآن أتبسمّ للأوآدم .، وأنآ مآني خلي ! ! |
قلت وش هي خيبة العمر الكبيره
قلت لك : غيبتك في عز احتيآجي مغترب قلبي ولا له اي ديره ودون صوتك والله ان يبطي علآجي ! ، |
،
يا غلآ علمي بـ نفسي قبل خمسة سنين يوم قلبي منطرب والحياة شزينها يوم ماسمع لـ اظْلم الليل موالٍ حزين اسكن بقلب الاماني وتزعل عينها ! 💔 |
::
يوم ماسمع لـ اظْلم الليل موالٍ حزين اسكن بقلب الاماني وتزعل عينها ! يا الله ياذالبيت عن قصايد كامله لله درك ياريف وصح لسانك مليوووون تقبلي سلامي وحماك الله من كل سوء 🌹:wardah: |
اقتباس:
هلا اخوي عبد العزيز مرحبابك وصح بدنك واشكر طلتك الجميله على الركن لاهنت 🌹 |
#فضفضه
جيتك انا والضيق ربع ورفاقه لو غاب يوم يعسني تالي اليوم اقولك حب وغلاة وصداقه والواقع اني منك معطى ومحروم ! يا مل قلبٍ كل ما النود ساقه يجيك لو كله تباريح وهموم وقته فلا زيّن معاه العلاقه الحزن في وجهه وعينيه مرسوم يصد لو واسم بـ روحه طراقه يوم الشقا وسط المعاليق موسوم ! عيّت طبوعه لا تجي في سياقه مجنون ماتقيّده عادات وسلوم ! تسرق لذيذ النوم عينه سراقه عل وعسا يحضن أمآنيه بحلوم ويا شيب عيني كان قرب فراقه يطيح من طاري موادعك ويقوم ليت الزمن يرخي لـ حلمي رواقه وآويق لو اني عن الوصل مفطوم ! جاتك علومي كلها في رواقه غلاك عندي كوم والعآلم بـ كوم ! |
،
#المنافذ_البريه سكروا باب المنافذ واغلقوهآ والله ان يبطي غلآهم ما تسكّر ، لوحة [ الرقعي ] بـ قلبي علقوها آتهكّر وصل / وحبي ما تهكّر ، ❤ |
الله الله
صح بوووحك القلب رايح 😇 |
اقتباس:
صح بدنك لا ماعليك ماهو رايح موجود بس مواكبه للأحداث 🙂 يسلم مرورك اخي عبدالعزيز 🌹 |
،
يا غلا ياسعد عين اللي توده سعد عينه يا غلا والسعد فاله هاجسي لا هاض قلي من يرده ؟ ما ترده كود بيبان الجزاله ! ، |
# خرابيش على جدار الفضفضه
يا هلا بـ الخوه اللي ما بعدها لا خوي ولا صديق ولا حبيب ! كل ما صديت جتني في وعدها عاتبت قلبي وانا قلبي عطيب يا غلادنياي يا محلا رغدها في وجودك كل جرحٍ بي يطيب اشهد انك لذة الدنيا وسعدها لو لحقني كل منقود ٍ وعيب ! المشاعر ما لفت الا بلدها يا بلد من راحت سنينه غريب ! وان توفت قبل تولد في مهدها فدوتلك لو مليت الراس شيب كن روحي ام واحساسك ولدها عن عيون الام تكفا لا تغيب ! يا ملاذ النفس وان ضاقت سندها يالبعيد اللي غدا اقرب قريب ! لك اببدع بالقوافي واعتمدها صادقه من دون شك ودون ريب ! معك كفنت المواجع في لحدها حي قلبك كل ما اقبلي حبيب ! |
،
احساسك العذب وش خلا يا وجد عيني ويا شيبي ، كني على جمرك امصلا خطرٍ علي شقة الجيبي ! |
،
ول يا صدر الشمالي لآ تضآيق كن على قلبه من الضيقه طويق وانت ياللي من ورا القلب اتهايق ليه لاشفتك اغيّب ثم أفيق ؟! لا تعاتبني ترا ماني بـ رآيق غآبت أحلآمي عسآهآ في حريق ؟ ، |
،
وقفةٍ ما تقند راس راعيها لعنبوها يا نور العين من وقفه ورجعة ما تفرح قلب غاليها عزني عنها لو هي تجي صدفه ! ، |
،
مغرمه بشعورك اللي لو يغيب غاب حسي من ورا سابع سما وانت روح الي يبعثرها النصيب بين ليت ولو صايبني العما كل ماناظرت لك وقت المغيب صارت العالم وسط عيني دُمآ |
| جميع الأوقات بتوقيت GMT +3. الساعة الآن 07:18 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية