[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أحب الرجل في طبعه وذاتـه=اذا يجمع مع الطيب الحبابـه
وأحبه في شموخه واعتزازه=حكيم الراي له شان ومهابه
وأحب البحر في جزره ومده=على وقت الغروب الليل جابه
وأحب الشعر وأحب أمسياته=اذا الإلقاء يسري كالربابـه
وأحب الورد وأحب الطبيعـه=وأحب الجو إذا أقتم سحابـه
وأحب السر بين اثنين يبقى=وأحب الله وأخشى من عقابه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهيه لاتزعـل تـرى ماتحمّـل=من خلقتي ما احب كسر الخواطر
يانور عيني لو جفى الوقت صمّل=الصبر زين وصادق الود ناطـر
والحيـل لله والكريـم يْتجـمّـل=وانا نبيهه وأنت ياهيـه شاطـر [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليلي سرى والعين عيّـت تنامـي=والهاجس اللي في ضميري سرابه
وركني سرق مني كثير الكلامـي=يسحب حْروفي بالقلـم والكتابـه
وإن بحت مافي خاطري ياسلامـي=أرتحت من كثـر العنـا والكئابـه
وان خفت من كثر الحكي والملامي=يحق لي أخْـذْ الحـذر والمهابـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أمس من عقب الرساله حاف قلبي حايف=واصطدم موج الغلا بالموجه الشعريـه
والله إني كنت مبسوطه وجّوي كايـف=وماطراي أكتب قصايـد لا ولا لـي نيّـه
لين جتني هالرساله همهـا متضايـف=وهيّضتني واشتهيت ألعب على القافيّـه
كان مكه يالسنافـي تبعد مْنْ الطايـف=وش تقول..ابُّّعد نجد وآآآخر الشرقيـه
يشهد الله لاذكرتـه لاف قلبـي لايـف=وتنزل..ادموعي وربي فوق كف..ايديّه
تشتكي همك وليتك في همومي شايـف=كان ترضى يالسنافي بالظروف السيّـه
عزتي للي سْواتي من ظرووفه خايـف=والبشر من غيـر لارحمـه ولاماويّـه
والحليل اللي ملكني..في حياتي رايـف=فارش(ن) الورد كلّه من تحت رجليّـه
لجل عينه عشت بالديره وقلبي عايف=مايناسب جوهـم تكفـى ولاهـو ليّـه
وماقويت أقدر على بُعد الاهل حسايف=ليتني مازلت فـي بيتك ياابوي..بْنيّـه
وانبغيت الجد..حكم الرب دايـم نايـف=وكلنا نخضـع لحكـم المعتلي..جبريـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا اللي كلما جاب الهوى صوت البحر والموج=يلوف القلب همّ اللي مريض ويصعب عْلاجـه
يذكّرني البحر ويثير همي والظروف العـوج=وعذابي ياعذابي يوم بيتـي قابـل امواجـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سريت أتمشى مع حْروفٍ طرت ياسعود=على خاطري واخشى الظمأ في اللواهيبي
تهيضت لحروفٍ سرت مع طريق الجود=تسابق معه قيفان شعري وتسريبي
وأنا كل خوفي كان مانيب انا المقصود=واخاف أصْخَر القيفان واخطي بتصويبي
أبعثر حْروفي وانظم البيت عقد ورود=واغني مع الموال واروي مشاريبي[/poem]

http://media.imeem.com/p/74lCIV9ypJ.jpg


[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليتني أجلس على الشلال ساعـه=ياحـلاة الجـو وألـوان الطبيعـه
وأكتب اللي في ضميري عن قناعه=وأطلب القيفان واتْجينـي سريعـه
وانثر حْروفي على جاله اوداعـه=كلها تطفح على سطحـه مطيعـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هيضتني ياعناي أمس العصر قمريه=حركت كل المشاعر واوقدت نيرانـي
ليتها تسمع صداي وتحْفـظ القافيّـه=وتنقل لمحبوب قلبي لهفة الوجدانـي
توصل النيل وُتَغَنّا من صداي اشويّه=ياعسى بالماريوت يسمع جديد ألحاني [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو كان تدري ياعزيزي..عن الحـال=يومي..علـى ردّ اتصالـك تأخـرت؟
ماكان شلت مْن الزعل..ربـع مثقـال=والحلم يازينه ! والاحلى لو اصبـرت
داايم على الخاطر..ودايم على البـال=وتَعبْتْ من كثر الهواجيس..واحْتـرت
تدري متـاه يْـروح همي..وينـزال؟=لا اسهبت في ذكراك..ياشوق وابْحَرْت [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليت كلمة ليت تنفع وياليـت=ياليت كلمة ليت سوّت معي شي
ياما وياما في حيااتـي تمنيـت=مافادني ياليت والعمر يمشـي
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نفسي على الجزله..هنوف ومطيعه=وان أسْهَبَتْ بالقاق..هيهات هيهات
ياطيور همي هاجري ف/الوسيعـه=قولي فمان الله..هالحيـن بالـذات
أيّا..قفص صدري!!وجو الطبيعه؟=تكفين فكّيني..وذي فرصتك جـات
[/poem]

:)

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تسألوني..كيف وشلـون أغنـي؟=كلٍ يغنـي لاطرالـه علـى الـذوق
وأنـا عسـى الله بـس مايمتحنـي=أقسم قسم تسوقنـي القافيَـهْ سـوق
مـراات فـي لـذّة منامـي يجنّـي=حْرووف شعري وابدع البيت وافووق [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغايبي عوّد علي ردّلـي الصـوت=ترى ماانام الليل من عقب فرقـاك
وصلك غذاء روحي وفقدانك الموت=إرجع ترى نفسي على وشْكْ الادراك
[/poem]

:)


[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عزيزي المصطاف لاتشطح ابعيد=حذرااك من حمّى الخنازير حذرااك
بين الهدا وأبها سياحـه وتجديـد=وأبعد عن المحذور واشْكر لْمولاك [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
منصور عيني البارحه نومهـا غيـر=قدلي سنـه مانمـت نومـة البـارح
لبعض الرسايل في صدى النفس تأثير=تبرد لواهيـب الحشـى والجـوارح [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يحْـسب انّه لاهجرني ضاقت الدنيا علي=مادرى ان كثر الهجر من حضرته يجبر عزااي
والله اني لو بغيت أجرجره مثل الطلي=بس أشوفه مايناسب لي ولا من مستوااي[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا مادريت أن البشر كنّها وُحوش=تااكل بَعَضها ماتهاب المقابيل
لاصار رحّاله مع الوقت وطْروش=ياليتها تسلم من القال والقيل[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مر(ن)تطارد خْيول الكون في صدري=ومر(ن)مثل ثقب الابره يالله الخيره
ياليت بعْض العرب عن حالتي يدري=ماكان يَقْصر بْذاته حد تفكيره
وياليت بعض العرب ماينوي الغدري=وياليت بعض العرب يَقْصر مشاويره
أحرق شْموع الغلا لاوصْلت لْقدري=ويموت حبه ولو كثرة معاذيره[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مقدر على الفرقى ولاربع ساعه=عزي لْحالي كيف بقدر ربع عام
مدري عسى الفرقى تقوّي المناعه=وترضى بْها نفسي على طول الايام
محلى الصبر,محلى الرضى والقناعه=وياسعْد من يرضى بالاقدار ويْنام[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت المصير اللي على الكف مكتووب=أقراه وافهم في طلاسم حْرووفه
يمكن يريّح خاطرٍ عاش مغصووب=محتاار مابين ارتياحه وخووفه
مدري هي الاقداار؟مدري هي ذْنووب!!=مدري حياةٍ ماعليها حسووفه[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلامٍ مثل نور الضحى لاظهر وانْباج=عليه الشذى من فوح ورد البساتيني
على حْروف شعرٍ جات صوبي على ديباج=لها كل حرفٍ من حْروفي يناديني
قريت ونحتّ اللي فهمته بْعود العاج=لعلّه إلى منّي نسيته يصحيني
تعلّمت درسٍ صار لي عبره ومنهاج=من أهل الحكم وأهل التجارب يكفّيني
شموخ النفوس اللي تحاشا من الهرّاج=عليها علامات الشرف والسلاطيني
عزيزه لها شان ولها غايه وُمخراج=وأنا ساقني ربي لها وش امْودّيني
ولكن أظن القصد واضح ولايحتاج=أسجل على المكتوب خافي عناويني
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابحر موجك ثارني..(يُم)جيت شاطيك الجميل=غصبٍ علي أبوح واكشف عن خفي أسـراري
ترويح عن نفسي على شاطيك والجو العليـل=يروي ظمأ كبدي وأنا جيتـه بكيفـي سـاري
يمكن تواسيني ولو بالصوت فالليـل الطويـل=ويمكن هديرك يابحر يصغي لسمـع أخبـاري
مااقْدَرْ أعووم ءبغبّتك..أبد ما اقـدر مستحيـل=لاشـك ليتـك يابحـر عمـا بنفـسـي داري
فيني حزن..فيني فرح..وازريت لا اشيل الثقيل=وأكتم أنفاسي ماسمع شكـواي حتـى جـاري
وهذا الزمن طبعه كذا..كريم مع ناس وبخيـل=عيّا يطاوعني وأنـا أسخيـت لـه باشعـاري
أكتب على كفّ القدر..حتى ولو كفـي هزيـل=واسجل حْرووفي وأنا كلـي رضـى باقـداري
وبكره خيوط الشمس لامن أسفر الصبح الجميل=تشرق علي نور الأمل في سكتـي واسفـاري [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تذوب نفسي على ذاك السراب البعيد=ولاجيت صوبه لقيتـه زاد مافينـي
حرام بس أتحَسّر!والنظر وش يفيـد=كثر العطش مع سراب القيظ يشهيني
ودي أغمّض عْيوني واذكر الله واهيد=واردّ نفسي ولو بالصـدر تكوينـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نفرح امنوّل بالمطر نرجي السيل=لاهل ودانه ولاحت بْروقه
واليوم من صوت الرعد خايفه حيل=لا اطلع وتغرقني مناشي حْقوقه[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لـي حبيـبٍ كلمـا حنـا اجتمعنـا=ساقني له صادق الشوق..ءوسرابي
ليت محبوبي ونـور العيـن معنـا=ياعذابـي مـن فرااقه..ياعـذابـي
كـم طمعنـا ياحبيبـي كـم طمعنـا=وارتفعنـا ليـن ساوينـا السحابـي
وخير..وش تالي طموحك وش نفعنا؟=تشكي الفرقى وانا قلبي مصابـي
من عنـا الأيـام ياروحي..شبعنـا=وتاليتهـا كلنـا تـحـت التـرابـي [/poem]