مسابقة: لزوم ما يلزم في القوافي
[align=right]سلام :)
اللزوميات موضوعها قديم و أنيق و لا نستطيع مجاراته ،، فأستاذها الفليسوف الكبير أبو العلاء المعري،،، لكن نحاول على قد الحال،،، وش رايكم في هالابيات،،، ياوردة الروح قلبي لا تلومينه ------------- باسباب حبك و حبك سر حرمانه وش لون اصدق تميتينه و تحيينه -------------- و تضمدين الجريح بباقي اكفانه =============و الان: لاحظ،، حتى الآن لا يوجد لزوم لما لا يلزم( التزام بما لا يكون ملزما عادة في العروض و القافية) ،،، لكن لو قلنا[/align][align=right]ياوردة الروح قلبي لا تلومينه -------- باسباب حبك و حبك سر حرمانه قلب ٍ بوسم الهوى قمتي تسومينه -------- و لا انتي على ما فعلتي فيه ندمانه صوايبه ما يغطيهن تامينه -------- و طب القلوب المريضه تتعب اثمانه[/align] لاحظ اخي العزيز الشاعر أن الشطر الاول سبقنا قافيته اللازمة بميم لا لزوم لها (باللون الازرق)،،، و كذلك الشطر الثاني،،، لذا فإن الالتزام كان بحرفين (ميم ) و ( ميم)// لا أعني القافية، و التي لا شأن لي بها كثيرا//.... لكن لو قلنا اننا نريد ثلاثة ابيات على الحرفين ( م) و ( قاف) مثلاً: لقلنا : [align=right]طاح المطر يا عبد ربه و ارتفع سعر الحـ ـمــ ـام ــــــ و ارتفعت اسعار الجيوب اللي تعدي كل قـ ــ ـور و اهل الحمام مشبكينه للنوادر من شْـ ـمـ ــ ـام ـــ تهوي عليها من سماها و الصقور من النـ ـقـ ــ ـور ما عاد باقي الا الدعا ،، لا علها صافي الغــ ـمــ ـام ــــ كله على شان العرب قاموا يصيدون الصـ ـقـ ــ ـور[/align] [align=right]( تراها الابيات بناء على محاورة سابقة بين الاخ عبد ربه و بيني، ليست بدع يعني)[/align] لاحظ ان السابقة على الحرفين ( ميم ) و (قاف) طيب هالحين المسابقة اللي بعدي مباشرة يجيب لزومية من ثلاثة ابيات،،، و على الحرفين ( راء) و (لام) بعدها يختار الحرفين لزميله الذي يليه،، تحذير : الرجاء عدم التقيد بالقافية،، او حتى البحر،، و شكرا.... كما انني اسف للاطالة التي تعمدتها لكي يشارك اكبر قدر ممكن دون سوء فهم لمقصودي .. اخوكم،،،;) . |
:)
|
:)
والله يا ابن ثعلي نسمعك ولا نسفهك لكن انا متابع ومستمتع .. وان طرالي شي ما ذخرته لا هنت على هذا الموضوع الجميل |
السلام عليكم ورحمة الله
هذي مشاركه للمشاركه فقط يابدر حسب الامكانيات المتواضعه :) يالليل مع لامع نجومك مسريني ـــــــ مجاهلك ياتعب فكرٍ يحللها كم شارده في قديم الوقت تغريني ـــــــ الين اجود رسنها ثم اقللها آراقب النجم والحيره تباريني ـــــــ واطمن النفس بالمقبل واعللها وصححني ان كنت مخطئ وان كنت اصبت سجل عندك الحرفين (ٍس) و(ي) للمشارك القادم تحياتي وبالتوفيق |
[align=right]أبو راكان،،
لا يفتى و مالك في المدينة،، طال عمرك ;) نعم ....100% ،، دُمْ لأخيك بدر[/align] |
الغالي / خالد الحصين
و الله دوب شفت التعليق الله لا يعمينا،، ههههههه الله لا يسفهك،، و يحييك،، عدد خطاك،،، شرفتني بالتواجد طال عمرك،، مغليك بدر |
بارك الله فيك متميز على الدوام يا بدر حبيت اشارك بثلاث أبيات من قصيدة قديمة وعساها تصيب مع ما فهمته من الموضوع المطروح [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] يا سوق رجلي على المشراف منساقه=سوقت خليلٍ على خله يسارقها ويا حرق كبدي على المنهاج حراقه=من جور وقتٍ عليها زاد غارقها أشوف نفسي على المشراف مشفاقه=والنفس حتى لذيذ الزاد شارقها[/poem] كل التقدير يا بدر اخيك العجمــ بـــدر ــي...@@ |
[align=right]يا بو ناصر،، :)
جمال الابيات يكفي منك طال عمرك،،، اخوك،،، بدر[/align] |
:)
مع اني ما كنت ناوي اشارك بس اشوف الربع ما جو،، انا متأكد اني لو افتش في قصايد بعضهم لقيت الثلاثة ابيات،،، عموما،، الحرفين اللي انت طلبتهم يابو راكان هم (سين) و ( ياء): [align=right] يارب لي حاجة ما نيب ناســــــيها=حيثك عليك اتكالي في قضَــيـــــــــــــاها *** ياللي بارادتك تجريها و ترســـــــــــيها=و من غيرك الادمي ماهوب ويـــــــــــاها *** ارجيك و اصبر على البلوى و اقاســيها= و جهك و لا عالم يعبس محـــيــــــــــــاها[/align]و سلامتكم،، :) |
اختر حروفك يابدر
|
عبدالله :)
اسف و شكراعلى التنبيه،،، الحرفين ن-ت |
شاعر حكيمٍ بالمعاني وفــنــان واشرح قصيدي للملا شرح دكـتــور اصف ماشفته مثل صف الاســنــان مره يجي واضح ومرات ومســتـور وليد العمودي الحرفين ( ك - ف ) |
وليد،، يالله حيه
تمام تمام،، بس ان قدرت تزيد بيت لان الشرط ثلاثه بيوت،،، و ان ما جا،، فهذي فيها بركه ،، صح لسانك،، |
شاعر حكيمٍ بالمعاني وفــنــان
واشرح قصيدي للملا شرح دكـتــور اصف ماشفته مثل صف الاســنــان مره يجي واضح ومرات مســتـور كريم ماني باخلٍ فيه مـنــان صار بحياتي منهجٍ لي ودستور اللي بعدي .. حرف( ك - ف ) |
معكم يالربع....
البارحه ساهر وأدير التفاكير=...= لين الصباح أجهز على الليل بسفور جوي حصل له من عنا الوقت تعكير=...= وأمسيت كني مع هل السجن مخفور والجوف يسعر به مثل واهج الكير=...= والعين من ماشافته قامت تفور من عاش بالدنيا يشوف المناكير=...= لكن ياربي عسى الذنب مغفور وسلامتكم اللي بعدي (ق - ح) |
وليد،، تمام تمام،،،:)
شكرا على التفاعل الحي،، اخوك،،، بدر |
ههههههههه الله حسيبك يابدر:(
اثرك ممشيها عليّ زمينـنّه ، وأنا ضعيّف على نياتي ;) هما درابك باس ، مار اوريك بعدين ! <-- اخذ وخــل مشاركتي اللي مدري عنها : إن سلت ياواد الرشا .. ماهمـّنا واد العقيـق --- والله كـريم وكل خلقـه لوعطوا دايم شحاح اقعد بها ياللي تحط السمن في جوف الدقيـق --- ضحك علاك اللي ملا صطل العسل سمٍّ ذحاح أحيان ابن عمك يصير أطيب من أخوك الشقيق --- وإن تسان ماصدّقتني فرجع لمختار الصحاح ... |
ايــه نسيت الحروف ، الكبر شين ;)
هـ ، ز |
ممشيها؟
وشنهي؟ يا غافل لك الله ،،على قولهم،، ما والله اعلم وش مقصدك؟ مار ابياتك طيبه،و صح لسانك و صطل العسل هذا ،،، تباني اعلمك؟؟ أكلني قلبي منه ،، مار ْ طــــــــــــــــــــــيــــــــــب:confused: ... و ادع المجال للربع الآخرين يواصلون ... و شكراً |
^
^ ههههههههه يعني ماتدري ،؟ اشوا انك ماتدري ، والا تسان علوووم :( ..................... :) لكن لاتروح بعيد ، انا اقصد المحاوره هاذيتس ! وكان قصـد مستعجل نوعاً ما . مار العلم ويش ؟ وراكم وقفتوا المسابقه ؟ والاحروفي صعبه؟ يالله يابدر حرّك مخـّك جعله يسلم :) سلام’ عليكم |
هلا ابو عتيق :)
تفضلوا بقبول مشاركتي : [poem=font="Arial,5,silver,bold,normal" bkcolor="transparent" bkimage="backgrounds/38.gif" border="groove,4,purple" type=0 line=1 align=center use=ex num="0,black"] *** سبحان من خص النبي بالجزل من و هايبه= منها الوسيله و الفضيله ....و استوى بيته مزار .=. و منها الشفاعه ....من عذاب تصطلي لهايبه= في موقف ٍ يغفل به العريان ...عن لبس الوزار .=. عَزي لخبل ٍ يبتسم ...و الحشر ما هو هايبه= ينسى القيامه... و يتبختر،،،من مَرَح ْ... و يطق زار ***[/poem] الحرفين اللي بعدي ت، ك |
أخي الغالي
عبدالله العتيبي سقط سهوا الرد على مشاركتك و الشكر الجزيل لك،، فالسموحه،، بدر اخوك |
الا يارفيق السوء جعل الظعـون أشتات.=.=.ترى ماعلاك ليا بدا المعتـرك تكله
عرفتك على هرج القفا والحتسي تقتات.=.=.لكن ، لاتقرّب للجمل والجمـل وكله ماخلوا لك أهل الطيب والعز غير حتات.=.=.وراع الردى معروف لونه مثل شكله .. بمشيئة الله ستكون الأبيات القادمه على حرفيْ : د.ش |
اخوي بدر صراحه شي جميل هالطرح
بس عندي اقتراح لو تصعبها شوي يكون احسن وعلى شرط ان كلٍ يجيب من نضمه اي الشاعر نفسه .......... على كلٍ خذ مشاركتي وعلقلي عليها ( بصح ام بخطأ ) والحقيقه اني ماراح اوصل مستوى من سبقوني ........ يازين رد المقاهيري ....... في حاجرٍ والسما غيمه ويازين شوف النواويري ...... اليا اشرقت والمطر ديمه ويازين سوق المضاهيري ...... والبدو رحال ومقيمه واليا لفوك المساييري ...... جبت الذبيحه بلا قيمه (( تجيبها من حلالك ماتشريها) وشبيت نار المعاميلي ...... بمروبعٍ وزنه الخيمه ......................... من نظم اخوكم عبدالله ميزان احتراماتي . |
معكم يالربع على حروف الدال و الشين
وهالمره لاتسفهني يابن ثعلي ياهني منهو عن دروب الهوى داله......... يعيش بنعيم من حاله وفي شانه مامر به موقفٍ يصعب وينداله..............ولابات كبده على الخلان عطشانه همه طعامه لزوم انه يوداله.............. ماهو مثل عالمٍ في الحب بلشانه الحروف (ذ -غ) |
| جميع الأوقات بتوقيت GMT +3. الساعة الآن 04:00 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية