يا سيّدي أحمد ..!!
السلام عليكم ..
الاحبه في المرقاب .. ومتابعين المرقاب .. ألتمس منكم العذر على هذا الغياب .. واتمنى ان تكون مشاركتي قادره على ان تمحى مافي صدوركم من شرهه و عتاب .. :) [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] فكري .. من ايام معدوده و هو في .. دوام=مانام .. لو قام في شرع المنام .. هدبي أسمع .. له اصوات اهازيج و صخب .. و ازدحام=كنّه .. مدرّج لقاء القمّه .. الديربي انا .. وشعري مع احداث الدهر في .. صدام=ما غبت .. لو غاب من صدر السما .. كوكبي ما للمشاعر .. مع الشاعر جداول .. نظام=تأتي .. و تذهب بدون إئتي ولا .. إذهبي مشيت .. يوم الطريق المستقيم .. استقام=ووقفت .. يوم انعطف ما رحت آواصل .. حبي دخلني .. الوقت في خانة شريط .. المهام=لين .. اصبح اهمّ حمل يقوم به .. منكبي واصبح .. يصلّط عليّ من الهموم .. الهُمام=اللي .. نطحني مع الدرب و نهب .. مزهبي و ابقى .. ظلوعي من الحيره بقايا .. حطام=و استيسر .. جنود فكري و استباح .. تعبي وش .. عذري امام وجهي من مقص .. الملام=لا قام .. ياخذ من اطرف لحيتي .. و شنبي صوت .. الحقيقه يقول : انّا بكل .. احترام=مستنقع .. الاوبئه من مرّ فينا .. وبي بغيت .. اوقع معه و ابصم براس .. البهام=لكن .. تغاضيت و استدعيت عرق .. نسبي و اسمعت .. و اشبعت حاضرنا الكلام .. التمام=و القيت .. تاريخينا الماضي على .. مكتبي حتى .. استلم واقعي عنّي زمام .. الكلام=واثنى .. على طيب ماضينا و جاب .. سببي صحيح .. كنّا العرب للمجد ذروة .. سنام=مير .. الزمن لولبه في عصرنا .. اللولبي وشلون .. ضاعت مكارمنا و نحن .. الكرام=يا لهف .. نفسي على نفسي و ما حلّ .. بي هيهات .. يا مجد عصر المسلمين .. القدام=تاريخك .. الصعب هزّ الشارع .. الاجنبي منك .. أصبح الدين الاسلامي محل .. اهتمام=العالم .. اجمع بما في العالم .. اليعربي حتى .. إرتدى وضعنا الراهن من الذل .. خام=و قامت .. تفلّت على الإسلام برق .. العبي سلمت .. يا سيّدي أحمد عليك .. السلام=يا خاتم .. الأنبيا يا اكرم و يا اشرف .. نبي يا خير .. مرسل على خير الامم .. و الانام=يا من .. عليه أُُنزل الوحي بلسان .. عربي إختارك .. الله على الأمه و كنت .. الإمام=العادل .. القائد الشهم الشجاع .. الأبي هزّيت .. مع مولدك عرش الملوك .. العظام=وأنكرت .. من طهرك الأصنام وانته .. صبي قد .. أبصر النور من هديك و زال .. الظلام=حتى .. تبيّن بنور الحقّ كل .. مغبي بدأت .. الاسلام و اكملته و كان .. الختام=إعلاء .. كلمتك و ابليس يخسي .. و يهبي كمّ .. آتمنّى على قبرك يطول .. المقام=و اخبرك .. بالحال لو ماهو مثل .. ما تبي أصابنا .. يا أبا القاسم بعدك .. إنقسام=من .. شاطي عمان حتى الشاطي .. المغربي ذقنا .. من الغرب طعم الخوف .. و الإنهزام=نالو .. من امجادنا و اخذوا شرفنا .. سبي و إستهزؤا .. من حرم طيبه و بيت .. الحرام=و من .. روحك الطاهره فِداكَ أمي .. و أبي و احوالنا .. ساءت ولاهي على .. مايرام=ينتابنا .. شي من ذعر و جفال .. الظبي صرنا .. لمبدأ سلام الشرق الاوسط .. حمام=لعبة .. حقير و لعب فيها الذكي .. و الغبي!![/poem] |
1
|
2
بسم الله ماشاء الله يارحيم يعني ... لا تعليق ... غير الاعجاب كله وصح لسانك مدد |
الله الله الله ..,
ابو راشد حظووووور غني بالابدااااع والله ان حظورك هنا يشفع لغياب سنه كامله لو كان غيابك مايسرنا ,, ابداااااااااااااااااااع غير مستغرب .., صح لسانك وبيّض الله وجهك وجعلها الله في ميزان حسناتكـ ... احترامي .. |
اللهم صلّ وسلم على سيدنا محمد وآله وصحبه أجمعين
رحيّم الغنـّامي رغم غيابك الواضح والمفقود والذي اشتكى منه جميع ذوّاقة الشعر والابداع في المرقاب الا انك غبت وجبت .. أتيت بـ درة كاملة متكاملة ويعلم الله إنها من أجمل القصايد اللي قرأتها في هذا المجال إن لم تكن الأجمل .. سبك وحبك وتمكن وسلاسة وفكرة .. كل حرف في مكانه بدون حشو .. صح لسانك لين ترضى يابو راشد ودمت كما تحب .. إعجابي إعجابي إعجابي إعجابي |
‘
الله الله الله الله الله الله حيه وحي ما جاب عز الله انك جزل وذا القصيدة من خيرة القصايد اللي مبطي ما قرينا مثلها صح الله لسانك ولا هنت يا رحيم وجعلها في ميزان حسناتك ان شاء الله كل التقدير ، |
رحيّم الغنامي
(ابو راشد) شاعرنا المبدع المتفرّد الجميل يعلم الله ان غيابك مشهود وانك مفقود ويعلم الله اني احب شعرك قصيده يكفيها جمالاً انها لك |
[align=center]وعليكم السلام ورحمت الله وبركاته
ويامرحبا يابو راشد وعزالله ان المرقاب غاب عنه نجم مثلك وشرواك لاكن الله يحييك يالقرم سلمت .. يا سيّـدي أحمـد عليـك .. السـلام يا خاتم .. الأنبيا يا اكرم و يـا اشـرف .. نبـي سلمت .. يا سيّـدي أحمـد عليـك .. السـلام يا خاتم .. الأنبيا يا اكرم و يـا اشـرف .. نبـي سلمت .. يا سيّـدي أحمـد عليـك .. السـلام يا خاتم .. الأنبيا يا اكرم و يـا اشـرف .. نبـي اللهم صلي وسلم على نبينا محمد وعلى أله وصحبه اجعين وصــح السانك وبيض الله وجهك وجعلها الله في ميزان حسناتك تقبل أحترامي وتقديري ولاهنت[/align] |
اللهم صلي على سيدنا محمد وعلى آله وصحبه أجمعين
رحيّم الغنامي صح لسانك وبيّض الله وجهك ولله درك على القصيده اللي أكثر من رائعه تقبل تحياتي ,,, قصي |
رحيم
لي عوده |
اللهم صلي وسلم وبارك على اشرف الأنبياء والمرسلين
جلل الله قدر غر الجبين افضل نبي رحيّم الغنامي بيض الله وجهك بياضٍ يشيع ويبدي كل ريع وصح لسانك عز الله انها وافيه غيمار |
اولاً: حي والله هالشوووفه يابو راشد وعزالله انك ابطيت علانا مره مره مره
ثانياً:لي عودهـ اخرى بل عودات احداها للرد بأذن الله:) |
الاخ القدير والشاعر الكبير رحّيم الغنامي
حطيتنا بين خيارين احلاهم مر بين مرارة غيابك وحلاوة قصيدك وحنا طماعين نبي الثنتين :) اما عن القصيده فأنت غني عن اشادتي وعارف اعجابي وصح لسانك |
يالله حيّ رحيم
وصح اللساانك مدد يالشاعر الموهوب والشهاده دمها شخاتير :) |
أبو راشد :_
لي عودة .. متأنية .. والله يحيي هالطله .. , |
رحيم الغنامي
صح لسانك مليون ولاهنت تقبل تحياتي أخوك : مشعل محمد المطيري لك كل الود |
[align=center]رحيم الغنامي
الابداع غير مستغرب منه وشهادتي فيه مجروحه ابو رااشد صح لسانك ولله درك على هذه الفاتنه ............. .............. سجل اعجابي بالقلم الاحمر مثل ماقال شوقي عرفات [/align] |
اللهم صلي على سيدنا محمد وعلى آله وصحبه أجمعين
رحيّم الغنامي اللهم صلي على سيدنا محمد وعلى آله وصحبه أجمعين رحيّم الغنامي اللهم صلي على سيدنا محمد وعلى آله وصحبه أجمعين رحيّم الغنامي لاتعليق انت اكبر من الكلام وقصيدك اكبر واكبر والله اكبر .. |
ياخي عسى جنسك وااااجد :)
ولي عودات أكثر من عودات فااااالح ! <- ماشافه وفي عينه القطره :( .. |
,
الله الله الله عز الله انك مبدع يا ابو راااشد !! من افضل القصايد اللي كتبت في الرسول ابدعت ابدعت ابدعت تاكد اني استمتعت بقراائتها اعجاابي من قديم والان يتجدد وغيبتك مسموحه عقب هـ القصيده تحياتي وتقديري واعجابي !! ... |
لله درك والله لا يضرك
رحيّم صح لسانك ولاعدمتك |
هذا من ؟؟؟
برب لين أصدق |
[align=right]هنا العديد من الأنتصارات والثورات
___ انتصار للشِعر ___ انتصار للذايقة ___ انتصار للكلمة ___ انتصار للبيان ___ انتصار للعقل ___ انتصار لمن يستحق النصرة هنا ثورات ___ ثورة على النفاق ___ ثورة على التزلف ___ ثورة على سقط القول ___ ثورة على التخلف ___ ثورة على السائد المزري ___ ثورة على شِعر المهايط ___ ثورة على شد لي وأقطع لك ___ ثورة على مالا يجب وجوده أستاذي رحيّم الغنامي كتبت هنا ما يحمل معنا الشِعر وليس بما يسمى شِعرًا مجازا لن نوفي لهذا القلم حقه بهذه الكلمات القليلة لأنه كنس من رؤوسنا ما زرعوه أرباب الهياط ولكن دعونا ندعو الله بأن يحفظ لنا هذا القلم وكل من رزقه الله بيانٍ مثل هذا القلم صلى الله وسلم علىَ أحمد سيّد الأولين والأخرين [/align] |
وعليكم السلام ورحمة الله وبركاته
قبل كل شي أصلّي وأسلّم على رسول الله وأحييك يا شاعرنا الرمز وأؤكد مع التحية أن مكانك كان شاغر حتى عودتك .. أفتقدك الشعر معنا أتيت كعادتك يا بو راشد مدهش الحضور نتناقل جميعا خبر ( رحيّم أضاف قصيدة جديده ) إختيارك للموضوع سامي من عنوانه ومثل هذه المواضيع لا تحتاج لتوقيت زمني محدد للتغني بها ! المبدعين لكل منهم سياسته الخاصه في بدع القصيده ان جاز التعبير أكثر ما يميزك يا بوراشد العفويه التامه في كل تفاصيل نصوصك كما أن هذه العفوية لا يمكن فصلها عن فن الإستهلال الذي تتقنه بحرفنة مبدع بل مبتكر فكري .. من ايام معـدوده و هـو فـي .. دوام مانام .. لو قام فـي شـرع المنـام .. هدبـي أسمع .. له اصوات اهازيج و صخب .. و ازدحام كنّـه .. مـدرّج لقـاء القـمّـه .. الديـربـي انا .. وشعري مع احداث الدهر فـي .. صـدام ما غبت .. لو غاب من صدر السما .. كوكبـي ما للمشاعر .. مع الشاعـر جـداول .. نظـام تأتي .. و تذهـب بـدون إئتـي ولا .. إذهبـي هذه أول أربعة أبيات من القصيدة لا يمكن أن يتنبأ المتلقي من خلال قرائته لها ماذا سيكون موضوع القصيدة .. وهذه من مزايا المبدعين .. كثيرا ما نقرأ قصائد نعرف موضعها من الشطر الأول من البيت الأول !!!! وبيت جداول النظام تأكيد يتفق عليه جميع من يكتبون الشعر بأن واهس الكتابة لا يندرج تحت اي جدول نظامي بحق ! مشيت .. يـوم الطريـق المستقيـم .. استقـام ووقفت .. يوم انعطف ما رحت آواصل .. حبـي في هذا البيت دليلين يلمسهما المتابع لشعر رحيّم والقريب من شخصه الشطر الأول حمل الوضوح والثاني نقل العزّه في كيفية المشي مع الطرق المستقيمه والمنعطفه !! دخلني .. الوقت فـي خانـة شريـط .. المهـام لين .. اصبح اهمّ حمـل يقـوم بـه .. منكبـي واصبح .. يصلّط عليّ مـن الهمـوم .. الهُمـام اللي .. نطحني مع الـدرب و نهـب .. مزهبـي و ابقى .. ظلوعي من الحيـره بقايـا .. حطـام و استيسر .. جنود فكـري و استبـاح .. تعبـي وش .. عذري امام وجهي من مقص .. المـلام لا قام .. ياخذ من اطـرف لحيتـي .. و شنبـي أربعه متلازمه ايضا .. لم تخلو من التشاؤم إلاّ ان وش عذري اراه مسعف لما نتج من تسليط الهموم وأسر الفكر وإستباحة تعب الشاعر ! صوت .. الحقيقه يقول : انّـا بكـل .. احتـرام مستنقع .. الاوبئـه مـن مـرّ فينـا .. وبـي بغيت .. اوقع معه و ابصـم بـراس .. البهـام لكن .. تغاضيت و استدعيـت عـرق .. نسبـي هنا الاستدراك الفذ والالتقاط الذكي قبل بصمة الإبهام .. رغم ان دوّي صوت الحقيقه لم يكن عاديا و اسمعت .. و اشبعت حاضرنا الكلام .. التمـام و القيت .. تاريخينا الماضـي علـى .. مكتبـي بدأت ملامح الموضوع الاساسي للقصيده تتجلا بعد أكثر من 11 بيت .. كلها كانت فلسفة شعرية بديعه ومفتاح صلب الموضوع لم يكن هو ذاته مفتاح المكتب الملقى عليه تاريخنا الماضي :) حتى .. استلم واقعـي عنّـي زمـام .. الكـلام واثنى .. على طيب ماضينا و جـاب .. سببـي سنحت الفرصه لمنطق الواقع بالتحدث لسرد ما نعيش به من مرارة لا يمكن نكرانها صحيح .. كنّـا العـرب للمجـد ذروة .. سنـام مير .. الزمن لولبه فـي عصرنـا .. اللولبـي وشلون .. ضاعت مكارمنا و نحـن .. الكـرام يا لهف .. نفسي على نفسي و ما حـلّ .. بـي هيهات .. يا مجد عصـر المسلميـن .. القـدام تاريخك .. الصعـب هـزّ الشـارع .. الاجنبـي لم أقرأ في حياتي كلمة ( القدام ) مصاغة بهذا الاتقان في قصيدة شعبيّه إطلاقا !! منك .. أصبح الدين الاسلامي محـل .. اهتمـام العالم .. اجمـع بمـا فـي العالـم .. اليعربـي كل ما سبق أرشيف نفتخر به بلا شك لكن ( حتى ) القادمه موجعه حتى .. إرتدى وضعنا الراهن من الـذل .. خـام و قامت .. تفلّت على الإسـلام بـرق .. العبـي أتحدا من ينكر هذا التفلّت المشهود سلمت .. يا سيّـدي أحمـد عليـك .. السـلام يا خاتم .. الأنبيا يا اكرم و يـا اشـرف .. نبـي يا خير .. مرسل على خيـر الامـم .. و الانـام يا من .. عليه أُُنزل الوحـي بلسـان .. عربـي إختارك .. الله علـى الأمـه و كنـت .. الإمـام العـادل .. القائـد الشهـم الشجـاع .. الأبـي هزّيت .. مع مولدك عرش الملـوك .. العظـام وأنكرت .. من طهرك الأصنام وانتـه .. صبـي قد .. أبصر النور من هديـك و زال .. الظـلام حتـى .. تبيّـن بنـور الحـقّ كـل .. مغبـي بدأت .. الاسـلام و اكملتـه و كـان .. الختـام إعلاء .. كلمتك و ابليـس يخسـي .. و يهبـي كمّ .. آتمنّـى علـى قبـرك يطـول .. المقـام و اخبرك .. بالحال لو ماهو مثـل .. مـا تبـي أصابنا .. يـا أبـا القاسـم بعـدك .. إنقسـام من .. شاطي عمان حتى الشاطـي .. المغربـي صلى الله وسلّم وبارك على أبا القاسم .. فوالله ان مصابنا كبير ذقنا .. من الغرب طعم الخـوف .. و الإنهـزام نالو .. من امجادنا و اخـذوا شرفنـا .. سبـي و إستهزؤا .. من حرم طيبه و بيـت .. الحـرام و من .. روحك الطاهره فِداكَ أمـي .. و أبـي و احوالنا .. ساءت ولاهـي علـى .. مايـرام ينتابنا .. شي مـن ذعـر و جفـال .. الظبـي صرنا .. لمبدأ سلام الشرق الاوسـط .. حمـام لعبة .. حقير و لعب فيها الذكـي .. و الغبـي!! هذه ثالث ( الأربعات ) المتماسكه في هذا النص الفولاذي بحق تحكي بإختصار ما صرنا عليه .. كم هو حافل هذ النص بالإسقاطات الفنيّه البديعه وكم فاض بالمعاني البكر وكم أنت مبدع يا بوراشد وكم أفتخر بك والله لم يكن للشريان التاجي اي دور يذكر في كل ما أوردت لكنّ .. ( الحقّ حقّ ومخطي الحق ما صاب ) لله درك وصح لسانك على هذه القصيدة النموذجيّه ، .. |
اقتباس:
اللهم صلي وأسلّم على رسول الله ياسسلام ياسسسلام ارحب يا بوراشد من طول الغيبات جاب الغنايم شاعرنا القدير رحيّم الغنامي اعترف بشاعريتك الجزله وموهبتك الاصيله وأمر من هنا للأستفاده شاعر في غنى عن التعريف تقبل تحياتي وتقديري .اخوك حسين الدوسري |
| جميع الأوقات بتوقيت GMT +3. الساعة الآن 10:15 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية