النوايا سليمه
 

[align=center]السلام عليكم اعضاء وزوار المرقاب النايف ارجو ان تنال اعجابكم[/align]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سمح المحيا والخوافي مجاهيم= يخفى مصايب بالحنايا عظيمه
لو يكشف الخافي ملا العالم الضيم= وخلاّ ثمار الارض علقم عقيمه
مذنب ليا من صام عن كل تأثيم= افطر على ذم وتسحر نميمه
مستهدف قلوب النشامى المحاشيم= كبواتهم في شرعه اعظم غنيمه
زلات خلق الله (فـ) سمعه ترانيم=وترقص طرب منها النوايا الاثيمه
ويعزم على العثرات حفنة مهازيم= ماسرح اطيبهم بتالي بهيمه
ما الله عطاهم من خيار المقاسيم= سود الوجيه من الوقاحه دميمه
مرضى القلوب امن الشهامه معاديم= لنهاشة الجيفه عساهم وليمه
ويعد حاله من ضياغم شغاميم= ولو ماله بعين الشغاميم قيمه
ولا ربى بين الحرار الصواريم= ولاجابته بنت الرجال الكريمه
اللي لهم فعل الحداد الصماصيم=قومٍ على روس النوايف مقيمه
منطوقهم مثل المزون المرازيم= يشفي عقولٍ من جهلها سقيمه
والامر لو بيدي علي الملازيم= ماشفت فوق الارض نفسٍ ذميمه
يالله ياسامع دعاء المظاليم = سلط على امثاله قوي الشكيمه
واتحطمه كف المقادير تحطيم = واتجرعه مر القهر والظليمه
والقبر جعله نار ماتقربه ديم= والدود يرعى في بقايا هشيمه
ويوم القيامه ماتظله تراحيم= وفي ويل يرمى ويتجرع حميمه
افهم كلام اللي خواله (غنانيم)=افعالهم يوم الفعايل عديمه
بدر ولد هاك الفهود المغانيم= المورقي سم اللعين وجحيمه
الفقر ماهو ان جا رصيدك ملاليم= الفقر فقر النفس عزه وشيمه
ومادام خطواتي تعلت على الغيم= ما حاتي ابدربي حبايل لئيمه
الله خلقني ذرب واعذب من الديم= سمح المحيا والنوايا سليمه[/poem]
[align=center]بدر ناصر المورقي[/align]

ابو ناصر

صح السانك وعلا شانك

نص رااائع بروعة حضورك الجميل

تحياااااااااتي

حجز فاخر

افهم كلام اللي خوالـه (غنانيـم)
افعالهـم يـوم الفعايـل عديمـه
بدر ولد هـاك الفهـود المغانيـم
المورقي سـم اللعيـن وجحيمـه
الفقر ماهو ان جا رصيدك ملاليـم
الفقر فقر النفـس عـزه وشيمـه

هلا
وغلا
ومليون نعم
وصح الله قلبك ، وفكرك ، وبدعك
وعساه فدااك وانا اخووك
:)


وأنت كفو ، وعلومك كلها غانمه
:)

صح لسااااااااااااانك



وبيض الله وجهك



وافيه من وافي


اخووووووووك

الغالي // بدر ناصر المورقي

صح الله السانك ولاهنت

وبانتظار جديدك

ودمت سالم

تقبل تحياتى

وعليكم السلام ورحمة الله وبركاته

بدر المورقي


قصيده ابدعت فيهاا


صح الله لسانك وسلمت يمينك


تقبّل ودّي وتقديري

مسفر الجعيد
صح الله بدنك
ومرورك شرفني واسعدني لاعدمتك
تحياتي

[align=center]بدر المورقي صح السااااانك مليون

ولاهنت رائع في كل حالاتك يالغالي

قصيده اذا بختار فيها بختارها كلها

تقبل تحياتي القلبيه ومروي المتواضع[/align]

الله الله الله

راااااائع ومميز

صح لسانك الف

ولاهنت

احتراااامي

و
ج
د

منطوقهم مثل المـزون المرازيـم
يشفي عقولٍ من جهلهـا سقيمـه


صح لسانك يابدر هذا بيت القصيد اللي يعني عن عشرين قصيده

تحيتي لك

عليكم السلام ورحمة الله وبركاته

والله يا بوناصر احرجتنا بهالنص مير بيض الله وجهك يا البناخي


ما الله عطاهم من خيار المقاسيـم
سود الوجيه من الوقاحـه دميمـه

مرضى القلوب امن الشهامه معاديم
لنهاشة الجيفـه عساهـم وليمـه



عساهم فداك اي والله


صح لسانك مع صادق الاعجاب ،


..

كفو كفو

وصح لسانك يابو ناصر

غاااااااضبه ونار وعساهم فدوه لك

..

الغالي بدر المورقي

ونعم فيك وفي خوالك

علمك غانم كله يابدر

وعز الله قصيدة جزلة مزجت ابداعك فيها بالاصالة وقوة السبك

وجعل الرديان كلهم فدوة لك

تحيتي وتقديري

مرحبا تراحيب المطر يامطر

يشرفني ويسعدني حجزك لاعدمتك

فى انتظارك

تحياتي

صح لسانك يابدر


قصيده راائعه


وكلمات جزله


تدل على شاعريّه لها احساس وطابع خاص


لك مني فائق الاحترام والتقدير





تحياتي

صح لسانك وصح بوحك

ابدعت يا بدر وامتعت

سلمت يمينك وعلا شانك

تحياتي لك ..

[align=center]ولا ربى بين الحـرار الصواريـم
ولاجابته بنـت الرجـال الكريمـه


صح لسانك يابدر

وبيض الله وجهك جزل وعلومك غانمه

ووالنعم فيك وفي لابتك وخوالك

تحياتي وحبي

.[/align]

شاعرنا المبدع محمد مشوط
يامرحبا والله ومسهلا

وماعليك زود يالذيب

ومرورك يشرفني ويسعدني لاعدمتك

صحة ابدانك

تحياتي

الفقر ماهو ان جا رصيدك ملاليـم
الفقر فقر النفـس عـزه وشيمـه

الله الله يا بدر

صدقت والله

صح لسانك ولاهنت ياغالي

محبتي ومتابعتي


اخوك

فايز ابو رجيله

الوافي مرورك الكريم يالقرم

صحة ابدانك

تحياتي

العزيز بن سكران

كل الشكر على مرورك الكريم

صحة ابدانك

تحياتي

ونعم يابدر وصح الله لسانك