حنا العــرب وليا ورطنا ورطنا ...!!
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه من شطة الوضع شطنا = وراحت سوآلفنا تحت ضغط مغاط
لو كآن ماجانا غلط ما غلطنا = ولا تهاددنا على عد الأنواط
في مخنا أنا تونا ما هبطنا = وحنا ورى سبعين مليون قطاط
ليا لقينا شي تافه لقطنا = وليا عرفنا شي ذباح نحتاط
آخر دواهينا وعاتي خططنا = سقنا سياستنا ورى هوش مطاط
حنا العرب وليا ورطنا ورطنا = كم بيننا حبل القشر والنشب شاط
نكره بعض وليا اجتمعنا شرطنا = نكون مكشوفين مافيش غطاط
وحنا على احبال الخيانه ربطنا = اطيب نفر فينا قطع حبل الافراط
الله يسامح وقتنا اللي عرطنا = لين انتفخنا من تماثيل الأسبآط
عشنا نبي نزرط وصدق انزرطنا = وصارت قضايانا تحت ضغط مغاط
[/poem]

،


وعليكم السلام يا العطاوي

الشكوى لله وانا اخيك هذي الامه العربيه متفقين على انهم ما يتفون
انت صح الله لسانك ولا هنت ، ولا هم دامهم ورا الجلده المنفوخه بصرهم :)


وفقك الله


.

ليـا لقينـا شـي تافـه لقطنـا
وليا عرفنا شـي ذبـاح نحتـاط
آخر دواهينـا وعاتـي خططنـا
سقنا سياستنا ورى هوش مطاط

هههههه

عز الله انك صادق ياسلطان ..

وصح الله السانك

وسجل اعجابي .. !

سلطان

صح لسانك

وبيض الله وجهك

وماقلت الا الصحيح

سلمت ودمت

هلا مليون يا سلطان العطاوي

آخر دواهينـا وعاتـي خططنـا
سقنا سياستنا ورى هوش مطاط

حنا العرب وليا ورطنـا ورطنـا
كم بيننا حبل القشر والنشب شاط

نكره بعض وليا اجتمعنا شرطنـا
نكون مكشوفين مافيـش غطـاط


عز الله ماش غطاط صحيح مصلعين
:)

ابدعت وامتعت لا عدمتك

صح لسانك مدد

وكل عام وانت بخير ومن العايدين مقدما ان شاء الله ،

..

حنا العرب وليا ورطنـا ورطنـا
كم بيننا حبل القشر والنشب شاط

نكره بعض وليا اجتمعنا شرطنـا
نكون مكشوفين مافيـش غطـاط



الله الله الله الله


عشنا نبي نزرط وصدق انزرطنا
وصارت قضايانا تحت ضغط مغاط



الله الله وقفت مع حلاوة ذا البيت لحظات


لله درّك ياسلطان


وسلامي عليك

كلام فالصميم




صح لسانك وعز الله لياورطنا ورطنا :)





سلامي ياكابتن


،،

صح لسانك يا سلطاان


قافيه ذات طاارز فاخر

شكرآ لك يا صديقي