البشــــــــــت
كلفني احد الاقرباء بشراء بشت له وحدد اوصافه بان يكون الحلق من النوع الزري الممتاز ويكون الزري مدقوق على قماش ابيض يسمى البفته وتكون يد البشت لاهي بالقصيره ولابالطويله وان تكون على مستوى ابهام اليد لاتزيد ولاتنقص الى اخر ماقال في شروطه التي جعلتني اتكبد مشقه في العثور على هذا البشت ثم اشتريت له بشت من النوع الطيب المسمى وارد نبيه ولاكنه اعاده وقال ليس هذا هو المطلوب فتمثلت بهذه الابيات ////
البوك لحروف المعاني كشفته @@@@@@@@@@ نبي لبو تركي تماثيل تنصاه ومعناي يمك يابو تركي حرفته @@@@@@@@@@ حيثك من اللي يفهم القيل لاجاه مثايل مثل الذهب لاصرفته @@@@@@@@@@ وبعض الوصايا سببتلي معاناه السوق في لازمك كله وقفته @@@@@@@@@@ لو هو بعيد ماتباعدت ممشاه حتى المحرج في طريقه لقفته @@@@@@@@@@ ابيلك الطيب وجنب عن ارداه وازريت لالقى بشتك اللي وصفته @@@@@@@@@@ اللي حليـــه مايحلـــــى بحليـــاه الحلق مدقوق على خام بفته @@@@@@@@@@ والكم راس ابهامك احذر تعداه كثرت في وصفه وانا ماعرفته @@@@@@@@@@ تشابهت برق العبي والوصي تاه وارد نبيه اللي شريناه عفته @@@@@@@@@@ وبشت وصفته ماهقيت اني القاه واخذ الكلام اللي تعبت وقطفته @@@@@@@@@ من عقب هذا لاتروحلي وصاه وسلا111111111111متكم |
فيحان المقاطي
ياسلالام بيض الله وجهك واشهد انك ماقصرت في القصيده ولا في راعي البشت لكن خذه معك خله يدور بشته بنفسه ،،،، صح لسانك قصيده معبره عن ماحصل لشاعرها تقبل تحياتي شبيب |
الاخ الشاعر فيحان المقاطي
صح لسانك على هذه القصيده الرائعه و التي حاكت الموضوع بطريقه رائعه. لك الشكر و لك كامل الاعجاب. و الرجل هذا ارسله عندنا يم الاحساء و حنا ندبره لك, ماله الا طيبة الخاطر. خله يجي بس. تحياتي لك اخوك شفق السريع |
قراتها قبل ذلك واعجبت بها
وقراتها الان وازددت اعجابا بها لاهنت يا فيحان \\\ |
الاخ الشاعر / فيحان المقاطي
عزالله انك ماقصّرت لا في دوارت البشت بالاسواق ولا في القصيده المعبره صـــــــــــــح الســــــــــــــاااانك وعساه سمح عقب هالقصيده من البشت:) لاهنت وتقبل تحياتي عـمّـــان |
اخوي فيحان
صح لسانك وبيض الله وجهك على جهدك في البحث عن البشت وعلى القصيده والصراحه سواى خير رفيقك ابو تركي يوم رد البشت والا كان مشفنا هالقصيده الجزله سجل اعجابي عبدالله موسى بن بداي |
هلا وغلا يافيحان
قصيدة جميلة ومعبرة.... ووصف دقيق للبشت القضية.. وانا اقترح ارسال خويك الى الاخ شفق ولاهو مقصر ابو مهنا وتقبل تحياتي |
| جميع الأوقات بتوقيت GMT +3. الساعة الآن 03:28 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية