التفاضل والتكامل.... يا ناصر الأحمري
مسيكم بالخير
ناصر جاب له طاروق في المواهب و خبصني به وانا ما اعرف له قمت احورف فيه أقلِّد ابو يحيى وطلعت هاذي والله ما ادري تعجبكم ولا ما تعجبك ان اعجبتكم يوم المنى وان ما اعجبتكم اسمحوا لي واستروا ما واجهتو [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أغَبْطْ الأحمري ربك يزيده=وافكِّر كيف ذا ينقص رصيده لو ان اللي براسه في حسابه=يِدَيْن اكبر مبذّر ما تبيده عسى يفداه كل اعمى بصيره=رصيده فالهوى على الحديده طرح فالسوق سهم وجيت اسومه=بقافٍ يوم وقته كنت اجيده سَهَم ينتج عنه ربح وخساره=وسَهَم قتّال ضرباته سديده جروح الوقت ندهنها بفرقا=متى كانت نتايجها حميده أذا قد صاب ناصر سهم واحد=خطاه السو.. فــ جروحي عديده وجعهن اونسه هالحين طازج=ومضاربهن من ازمانٍ تليده عرفت الحلم في غرّة قصيِّر=صحيح الله يفعل ما يريده رهنت العمر في عدّة ليالي=وراحن ما بقى منهن شريده الا لو الفتى يِرْجِع شبابه=زمانٍ جابني والله لا اعيده لاغمِّض عن ميادين وعماير=وافتِّح لي على طِنْب وهضيده بدو والراحله ددسن عراوي=وعودٍ كان سواقه حفيده أذا قيل اكبر الأخوه توظف=يسلم طارته للي طريده سقى الله يوم نسرح ونتخاوى=أنا واللي هنا صارت فقيده بتاج الزين ونجوم الثنايا=مع النسوان رتبتها عقيده اضيعها واذا جينا نقيِّل =تقابلنا على فذَّه وصيده تقابلني وانا وسط الغماره=مع اللي يفتح الراكب..بعيده أسمعها شريطٍ فالمسجِّل=تدخل راسها عندي واعيده واذا هج الدبش ولا تخالط=تعاونَّا على رد الطريده تجاورنا وهلها حول حايل=وشدوا قد تعدينا بريده جلت عهدي بها فالأرض باذر=وشدوا قبل ما يقرم هريده صيامه بآخر قصيِّر فريضه=على المسلم ولا يختار عيده لكن الوقت يقلب كل حاجه=طلعنا من مكيده في مكيده بغيت ازبن من الصحرا مصوَّب=دخيلك يا بحر ثم قال زيده من حديجه الياني حول "فينكس"=من البرقع الياني في معيده مصيبه لو ما تنجح "تريسي"=افهِّمها ومع ذلك عنيده بليده فالتفاضل والتكامل=ابن حيان في فصله بليده؟؟؟ تسلي مشطها باصفر معصفر=يقشِّط صابري لا مر حيده ادقق صح حتى في يساوي=ابيها كل ما قالت تعيده أذا ردَّت نسمها فيه نكهه=تهز القلب وحدود العقيده هدوء المكتبه يشهد علينا=وساق الطاوله يضرس حديده اطالعها بجنبي واذكر اللي=يبارينا ضعنها في شديده وناصر جايني يقول صدمه=حضاريَّه...صِدَقْ...صدمه شديده[/POEM] |
حجز :)
|
يا ناس
يا عالم يا مسلمين يا مدري وش انتم هذا و الله الداهيه علي بالحرام ان ابو عمرو داهية الدواهي بالله هذي ابيات يقولها واحد في عقله؟؟؟ اسمعوا: 1) لو ان اللي براسه فـي حسابه *********يِدَيْـن اكبـر مبـذّر مـا تبيده 2) طرح فالسوق سهم وجيت اسومه *************بقافٍ يوم وقتـه كنـت اجيده سَهَم ينتج عنه ربـح وخسـاره *************وسَهَم قتّـال ضرباتـه سديده 3)أذا قد صاب ناصر سهـم واحد **********خطاه السو.. ف جروحي عديده 4) بتـاج الزيـن ونجـوم الثنايـا ***********مـع النسـوان رتبتهـا عقيده 5) من حديجه الياني حول "فينكس" *****************من البرقع اليانـي فـي معيـده مصيبه لو ما تنجـح "تريسـي" ***************افهِّمهـا ومـع ذلـك عنيده بليـده فالتفـاضـل والتكـامـل **************ابن حيان في فصلـه بليده 6) وناصر جاينـي يقـول صدمه **********حضاريَّه...صِدَقْ...صدمه شديده كلتشر شوك كلتشر شوك يا الاحمري هههههههههه اقول لله دركم يا مجرمين ناصر و عامر ما اجتمعتوا على خير من يوم تجمعتوا في الشرقيه لله دركم مجرمين شعر عباقره تكفون علموني فلسفتكم اللي طايحين فيها هاليومين ههههههه تحياتي لكم |
ويتواصل الاجرام
لي عوده ياراعي " فينكس" تحياتي |
بسم الله ...اللهم صلي وسلم على نبي الله
يالله اني في وجهك ...... عامر ...الله يصبحك بالخير .. والله العظيم اني مادري وش اقووول بالعربي تبلكمت ووالله انه شرف عظيم ان يجاري عامر عمار قصيدة لي لله درك يامجررم يامخترع الشعر وصح لسانك هذا اللي قدرت اقوله والعوده حتميه |
سبحان الله
والله أنكم كلكم سلط الاحمرى سلطه شعريه وانت ياعامر سلطة ثانيه أشهد بالله أنكم جبتم قصيد يونس وشعر صح ويقولى ناصر ما فيكم جن ألا فيكم الابداع مار ... الله يزيدكم ألف شكر لكم يعلم الله أنكم تخلون الواحد يعاااف اللى يكتبه لاشاف قصيدكم تحياتى |
Re: التفاضل والتكامل.... يا ناصر الأحمري
اقتباس:
|
الله يبو عمرو
صح لسااااانك اشهد بالله انها معلقه سجل اعجاابي تحيااتى |
ابوعمرو
الغالي عامر عمار... صح لسانك يالغالي.. الا لـو الفتـى يِرْجِـع iiشبابـه زمـانٍ جابنـي والله لا iiاعيـده لاغمِّض عن مياديـن iiوعمايـر وافتِّح لي على طِنْـب iiوهضيـده بدو والراحلـه ددسـن iiعـراوي وعـودٍ كـان سواقـه حفـيـده أذا قيل اكبـر الأخـوه iiتوظـف يسلـم طارتـه للـي طـريـده سقى الله يوم نسرح iiونتخـاوى أنا واللي هنـا صـارت iiفقيـده بتـاج الزيـن ونجـوم الثنايـا مـع النسـوان رتبتهـا iiعقيـده اضيعهـا واذا جيـنـا iiنقـيِّـل تقابلنـا علـى فـذَّه وصـيـده تقابلنـي وانـا وسـط iiالغمـاره مع اللـي يفتـح الراكب..بعيـده أسمعهـا شـريـطٍ iiفالمسـجِّـل تدخل راسهـا عنـدي iiواعيـده واذا هـج الدبـش ولا iiتخـالـط تعاونَّـا عـلـى رد iiالطـريـده تجاورنـا وهلهـا حـول iiحايـل وشـدوا قـد تعدينـا iiبـريـده وش هالجنون والاجرام ياعامر... رجعتنا للذكريات..وفتّحت جروح ..منك لله:) الف شكر على كذا شعر.. وألف شكر على كذا ابداع.. وتسلم ولايسلم ردي العزايم يابو عمرو.. تحية.. اخوك.. |
لا تعليق
الشـّـاعـر / عامر عمّـار
هـنـا ( شـعـر صـح ) هـنـا ( إبـدااااع رااائـع ) هـنـا ( شـاعــر متمكـِّـن - ماشاء الله ) هـنـا ( معاني ساميـة ) هـنـا ( عامر عمّار ) فـ لله ردّك يا شيـخ وصح الله السااااااانك ، ولاهنت يـا أخـوي / عامر تـــقــبــَّــل تــحــيــَّــاتــــــــي أخــ ( ناصر الهاجري ) ــوك |
احم احم
[ALIGN=CENTER]
الاخ عامر العمار صح لســـــــانك ومجاراة اكثر من رائعة سجل اعجاااابي والله ان الواحد يعجز عن التعبير متابعتي المستمرة البندري[/ALIGN] |
اقتباس:
حجزك في القلب يا ابو رشدين تغيب وتجيب يالغالي شرف حضورك وحصل وهذا رد بحد ذاته لك الشكر العاطر |
السلام عليكم
اخى العزيز عامر عمار كل عام وانت بخير وعيدك مبارك صح لساانك ولا هنت اختك ديمة الشوق |
عامر عمار
[ALIGN=CENTER]
http://www.uae88.net/vb1/images/smilies/ZZ64.gif صح الله الساانك يا شيخ قصيدة جزله من راس قرناس بيض الله وجهك يا السناافي ولا خلا ولا عدم من القصيد الجزل واهله وفقكم الله اخيكم http://www.r-3ter.com/images/frem/6/al-bder3.gif العجمــــ بــــدر ـــــي.....@@ [/ALIGN] |
أذا قد صاب ناصر سهـم واحد
ــــــــــــــــ خطاه السو.. فـ جروحي عديده الله عليك الله عليك الله عليك عامر عمّار ..شاعر مبدع مبدع ، مجاراه جزله لقصيده جزله ، فلله دركما من شاعران مبدعان .. وكل عام وانتم طيبين وبخير ، تحيتي وسلامي وشديد اعجابي ، اخوكم ومحبكم .. :) |
[ALIGN=CENTER]أغَـبْـطْ الأحـمـري ربـــي يـزيــده
وافـكِّـر كـيـف ذا ينـقـص رصـيـده لـو ان اللـي بـراسـه فــي حسـابـه يِـدَيْـن اكـبـر مـبـذّر مــا تـبـيـده أغَـبْـطْ الأحـمـري ربـــك يـزيــده وافـكِّـر كـيـف ذا ينـقـص رصـيـده لـو ان اللـي بـراسـه فــي حسـابـه يِـدَيْـن اكـبـر مـبـذّر مــا تـبـيـده أغَـبْـطْ الأحـمـري ربـــك يـزيــده وافـكِّـر كـيـف ذا ينـقـص رصـيـده لـو ان اللـي بـراسـه فــي حسـابـه يِـدَيْـن اكـبـر مـبـذّر مــاتـبـيـده وأنا بعد أغبطكم على هذاه الغزااره والابداااع المتقد والمتواااصل ,, وفقكم الله يا عامر عمار ,, والله يحفظك أنت وناصر الأحمري من كل شر ,,, دااام ابدااااعكم أحبتي ,,, مودكم /مستور الذويبي [/ALIGN] |
اقتباس:
الروعه في حضورك يا ابو مهنا وفي ردك الكافي والوافي ما عليك زود يالغالي في ما قلت ومشكوووور على هالثقه شهاده نعتز بها طال عمرك تقبل وافر الشكر على هذا الأطراء الرائع اخوك |
اطالعهـا بجنبـي واذكـر اللـي
يبارينـا ضعنهـا فـي iiشديـده وناصر جاينـي يقـول iiصدمـه حضاريَّه...صِدَقْ...صدمه iiشديده الله الله راااائع ياعامر عمار رااائع ومبدع شاعر متمكن وقصصي محترف وكلمات من ذهب صادقه معبره لله درك ياعمامر صح السااااااااااااااااانك وبيض الله وجهك انت وناصر امتعتونا والله اني مامليت من قرايتها ياعامر رااائع راااائع راااائع سجل اعجابي الشديد وتقبل تحياتي وتقديري واحترامي |
اقتباس:
مشكوووور ومجمل ردك يعني الشيئ الكثير للقصيده وقايلها لا هنت |
ياسلام ياسلام ياسلام يابو عمرو
دخلتنا جو يابو عمرو وتقول .. يمكن ماتعجبكم ..؟؟؟ ياشيخ حرام عليك انت كلك عجب واعجاب صح لسانك ولاهانت يمينك يابو عمرو سجل اعجابي الدائم يامجرم |
اقتباس:
ايحاءاتك هي من يدفع للأبداع مشكور على ردك وعلى حسن وفادتك لمجاراتي المتواضعه كنت اتمنى ان ترقى الى مستوى عمهوجه ولكن الجود من الموجود اعذرني وتقبل ثنائي اخوك عامر عمار |
اقتباس:
يا حياك الله يا ابو حميد حي هالرد اللي أطرب له مشكووووور على هالمداخله عوايدك الكرم حتى في تعبيرك مقدر لكل حرف صطرته في حقنا وهذا من تواضعك تقبل التقدير والعرفان يالغالي |
| جميع الأوقات بتوقيت GMT +3. الساعة الآن 12:17 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية