بشار
 

هذه القصيدة للشاعر ناصر بن عبيد المري عندما وجد طيرة ( بشار )
ملتوي على وكرة الحديد وهي مرسلة
للشاعر عبيد بن علي المري







[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامل عينآ ماهتنت لذة النوم=اللـه يعين اللي عيونه سهارا
لاليلها ليلآ ولا يومها يوم=في الليل تسهر والبلى في النهارا
عليك ياطير مقدر ومحشوم=بشار عوق المقفيات الطيارا
صابه من المولى صواديف وثلوم=والدم في كفه من السبق حارا
جيته على وكرة مربط وملموم=منها عظم ساقه غدابه عوارا
يابو علي شي مقدر ومقسوم=ماقدراللـه للمخاليق صارا
مما جراله زود اهمومي هموم=واجازتي ماسجت فيها الديارا
مابين شجعة والحساء وصف منجوم=عيني بصيرة والايادي قصارا
بشار مكسورآ وانا فيه ملزوم=وشلون بقنص ياطوال العمارا
ابغيه لاصارت سواليف وعلوم=وان صار هرجآ مثل هرج السكارا
يبرد غليلي بالهدد مثل مزهوم=كنه عقيدآ ناوي الانتصارا
صامل بهداته ولا يعرف الحوم=لاهد مايرجع يمين ويسارا
لاجلعت من بين وديان وحزوم=مثل الشجاع اليا نعتوه العذارا
يردها ردة هل البل من القوم=لاجا نهارآ به صياح ومثارا
له مخلبآ ضربه على الصيد مسموم=يفري بمخلابه ثنادي الحبارا
عزالله ان جنسه له اسنين معدوم=من ماكرآ ماهوب ماكر وكارا
جاء من بلاد الشام مايلحقه لوم=ماهو من اديار العجم والنصارا
والفعل من القرانيس مقسوم=اموزعه ربي مابين الحرارا

[/poet]





وهذا رد الشاعر عبيد بن علي المري على ابنه ناصر بن عبيد المري
في الطير بشار بتاريخ 18/9/1422هـ








[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
باقي ثمان ايام واربع من الصوم=شهر رمضان اللي على الناس دارا
جاني خبر يصحى به الفكر ويهوم=في وسط غبات البحور الغزارا
مايختفي علمآ من الله محتوم=لو كان يخفونه تبين الخبارا
جاني وانا عفشي مربط ومحزوم=في وقت ليل وماشيآ للمطارا
ماقدر الوالي مقادير وسهوم=ربي جعلها للعباد اختبارا
مافيه عبدآ من خطاياه معصوم=ماقدرالوالي على العبد سارا
صبرك على نفسك وبعدك من اللوم=ومشيك على مشهات قلبك اخيارا
العلم جاني والخبر صار مفهوم=ابو بدر علمه لفى بالقرارا
يلعب به الهاجوس والصدر مزحوم=ماعاد يعرف وجهته والمسارا
قضى الاجازة كنها نوم وحلوم=حتى قدم رجله على المشي حارا
يشكي علي ناصر من الليل واليوم=من حادثة بشار جعله امجارا
من يوم شاف الطير مايجهد يقوم=مكسور من رجلآ عليها جبارا
حرآ مضاريبه على الصيد ملحوم=يعرف بهداته نهار الممارا
ماهوب لايعطى ولاهوب للسوم=مادامني حيآ خويآ وجارا
عساه طيب وانت في عز وتدوم=اصبر على جور الزمن يوم جارا

[/poet]

الغالي محسن المري

اهلا بك ملايييييييييييييييين


شرفت المنتدى....ومشاركة رائعة وجزلة ومساجلة ممتعة وشيقة وتدل على حسن ذائقتك وقوة شاعرية المبدعان


الشاعر ناصر بن عبيد المري


ولشاعر عبيد بن علي المري



الف شكر لك وتقبل تحياتي

الاخ محسن المري

الله لايهينك

اختيار موفق

موضوعها قيم وشعارها اكفاء


هلا بقدومك

ابوزيد

الاخ محسن



مشاركه ممتعه


قصيد جزل


نشكرك



وصح لسان الشاعرين تاصر وعبيد


تقبل تحياتي

اخوك ضيف الله

محسن المري



اختيار موفق



صح السانك



قصائد جزله من شعراء لهم باع



ولاهنت

السلام عليكم


الاخ محسن المري تسلم يمينك على اظهار القصيده الرائعه



وصح السااان الشااعر ناصر المري



تقبل تحياتي



اخوك خالد بن سكران

اخوي معيض العتيبي

مرورك على الموضوع والمشاركة فيه

زادني فرحآ وسرورآ







مشكوووووووور

هلابك يابو زيد

والله يبقيك



واعدكم بردياتهم ان حصل المجال

اخوي ضيف الله الروقي

حياك الله
وصح بدنك




ومشكوووووووور على المشاركة

اخوي مرزوق
حياك الله


وصح بدنك

خالد بن سكران

عليك السلام

وصح بدنك




ومشكووووووووووور

اخوى محسن المرى

صح لسانك ولسان الشاعر ناصر بن عبيد المري


ورد جميل من الشاعر عبيد بن علي المري

لاهنت سلمت يداك




تقبل تحياتى

اخوي محمد الكرشمي

صح بدنك
ولاهنت





ومشكووووور على المشاركة