فريدة المرقاب...فكرة الشيخة..تنفيذ اعضاء المنتدى
 

اخواني واخواتي زوار منتدى المرقاب...

هذه قصيدة فريدة المرقاب واللتي كانت فكرة الشيخة وتنفيذ اعضاء منتدى المرقاب.....وقد كانت القضية تتحدث عن الطيب ومآثره ...وابدع الجميع في صياغة هذه الرائعة ووصفوا الطيب & الطيّب.... لكم فريدة المرقاب...

[poet font="Simplified Arabic,4,black,bold,normal" bkcolor="transparent" bkimage="backgrounds/2.gif" border="double,4,teal" type=2 line=200% align=center use=ex length=0 char="" num="0,black" filter=""]
الطيـب مايصنـع بتلفيـق وهــروج=الطيـب يصنـع بالفعايـل والامـجـاد
دلايلـه فـي صاحبـه ماتجـي عـوج=الناس تشهد له مـن بـلاد فـي بـلاد
وان كان صار الطيب بالعقـل ممـزوج=ومعها شجاعه وافيه وش بقـى عـاد
والفرق واضح بين عاقـل ومرجـوج=واللـي قصيـر شبـوح مافـاد مافـاد
والطيب مثل الخيـل لاجـاك مسـروج=عـز الله انـه بيـن الاجـواد ينقـاد
وراس(ن)بليا طيـب مامنـه منتـوج=الطيـب هـو ميـزة مداغيـش الاولاد
والطيب الـه منابـرٍ فـوق وابـروج=ولايعتليهـا كـود مـن بالفـخـر زاد
تبقـى مداهيلـه بساتيـن ومــروج =متوارثينـه مـن مواريـث الاجــداد
تسعى له اهل الطيب بالمشي والـدوج= ماتهتنـي لجلـه مـن الليـل بـرقـاد
مع باس ابن هندي مضاريب عمهـوج=ضربٍ على الكايد وصبرٍ علـى المـاد
اللى رقى للطيـب ماهـوب مزعـوج =واللى تراخى عنه مذمـوم يـا أجـواد
يفـدي لـراع الطيبـه كامـل الفـوج= وكم واحـدن بالطيـب جماعتـه سـاد
للعز يا ثوب(ن) من الطيـب منسـوج=مـا يلبسـه ياكـود جزليـن وآسـاد
الطيب ما يسكن مع الـلاش والعُـوج=ملفـاه رجـلٍ مــا تقـفّـاه نـقّـاد
الطيب فعل وقول واحسـاس مدمـوج=معنى كبير ومصـدر المسـك والكـاد
العز لاهـل الطيـب مثنـى ومدمـوج=يعيش ذكر الطيـب وتمـوت الاجسـاد
بـابٍ مشـرّع للمطاليـق مهـجـوج=ولاّ الردي دربه على الذلّ مـن غـاد
الطيب لاهل الطيـب مدهـال وفجـوج=يلقابـه الرجـال مـصـدر ومـيـراد
الطيـب للطيّـب طريـق ومنـهـوج=لـو حـاد غيـره ماتـردى ولاحــاد
ما هو مزاج لكل هـارج ودعجـوج=اللـي يمـارى فيـه بالسهـل ينصـاد
واسم(ن) مع اهل الطيب ماهوب مدروج=حـرام مايرقـا علـى روس الاشهـاد
[/poet]


وللجميع تحياتي