مسا البارحه
 

مسا البارحه عيني جزت عن منامها
ولا والله ادري يا عرب وش علامها








همومٍ تواردها من الشام واليمن
بوسط الحشا بالغصب بنت خيامها









تقول انها مستقصدتني بشرّها
اليا قرّبت مني توجّه سهامها








وانا لا شعرت ان الهموم متزايده
ذكرت الولي حتى يبدد ظلامها








وانا اللي يبيح خافقي ياهل الحجا
هروج السفيه اللي خبيث مرامها










الى شمت عنه يزيد فالغي والسفه
ونفسه يقلل فالرجال احترامها










وانا عادتي والله ما احب الدنيه
واحافظ على نفسي واعلي مقامها











احافظ على اسمي وربعي وعزوتي
ولا اخالف الدنيا واعاكس نظامها











احب القصيد الجزل واعشق روايعه
قصيدٍ تنقيه الرجال فـــــ كلامها








واعاف القصيد اللي يسمج لصاحبه
يكسر بيوته لين ياضح هدامها








تجيك المعاني كل ابوها رخيصه
مثل سلعةٍ ما حدٍ طلبها وسامها










يحسب انه افضل شاعرٍ صار واستوى
ليا قال وانفسي تزايد هيامها









معه شلة تعطيه من زايف الحكي
تقول انت ( مبدع ) وانت غاية تمامها










مجرد مصالح والمصالح الى انقضت
يقفّون عنه ولا يشوف اهتمامها







هذا بعض شي جال في وسط خاطري
مسا البارحه والعين عافت منامها

الاخ الشاعر / زايد الرويس


اسعد الله صباحك بكل خير


وصح الســــااانك على هالقصيده


الهلاليه الجزله


اللى قل مانشوف الشباب يطرقون هذا البحر



والحقيقه انك اتقنت نظمها وشديّتها



ولاهي غريبه عليك






عودتنا على الجزايل







وتقبل تحياتي








عـمّـــان

زايد الرويس


تسلم تسلم تسلم

وصح السانك وبيض الله وجهك


تحياتي لك

معه شلة تعطيه من زايف الحكي
تقول انت ( مبدع ) وانت غاية تمامها










مجرد مصالح والمصالح الى انقضت
يقفّون عنه ولا يشوف اهتمامها











فيه شاعره مبدعه هنا اسمها وسميه تقول:
(لعنبوا من هو يصفق للكلام الهايف)









انت اعدت المعنى با سلوبك














لايسعنى الا ان اكرر ما قلتما .....

عذرا لمن تجاوزته من الاخوه



الاخ داهم العصيمي


تقول انت عدت المعنى بأسلوب اخر



اتمنى منك ياعزيزي ان تحاسب في مفرداتك



القصيده قديمه ومنشوره في اكثر من منتدى ومنشوره في جريدة الجزيره من اكثر من خمسة اشهر



تحياتي

الشاعر زايد الرويس

شكرا على هالهلاليه الجزله

كما عودتنا لا ياتي منك الا الجزل

كلامك حكم يا زاي

تحياتي كلها لك يا الغالي

اخوك عامر عمار