أرتخى هاك الحزام
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=200% align=center use=ex length=0 char="" num="0,black" filter=""]
ابتديت الدرب غافي كني الصاحي بمنامه = ومن يلوم الوقت قلنا وا على الدنيا السلام في شمال الدرب شوكٍ أحسبه نبت الخزامه = وفي جنوبه قحويانٍ كيف أنا برجع حرام راعني شعفٍ تهيّا ثم توارى في غمامه = قلت أنا بعيني غشيّه ما تميّز في الظلام وسقت أنا رجلي بعزيمه نيتي درب السلامه = ثم خطم دربي طويلٍ منبته ذرّ الطعام وانثنى عذقٍ حسبته حاليٍ كله ثلامه = وكل من شاف العسيله ما تهقواها سهام انجرح كفّي واكفّي مدّتي وسط انهزامه = انجرح عرقي وعرقي مسبلٍ فيضه قوام ليتني مخطي المظاهر والقلوب المستهامه = الحلا عنده دميمٍ مختفي خلف اللثام عشت أنا بخوّة رفيقٍ صارلي مثل العلامه = والعلامه في حروفي حركت صمت الكلام كنت أحسب الوقت دونه واقفٍ مثل انعدامه = ولا لفاني بيتساوى وقتي بساعه وعام ثم توالت هالليالي مثل رفراف الحمامه = والليالي ما تبالي لانكسر جفني ونام وفي صباح اليوم الأسود أنكفا عمري ندامه = يومه أقفاني خليلي حدّني صوب العدام سامعٍ للي وشوبي مصغيٍ لأهل النمامه = ضاع سيفي من جفيره وانكسر ذاك الحسام يا عذابي وش جراله صاحبي قفّا علامه = مرخصٍ عندي غلاته وارتخا هاك الحزام واحسايف واحسايف سلّمك قلبي خطامه = رابط عروقه ليدينك مرخصه لإبن الكرام لا حكوا بك قلت كفوّا عن مغيب اللي مقامه = ياصل نجوم العوالي وانخرس كل النعام وإن حكوا بي ما تعسّر ربطةٍ للي لجامه = كلمة العاقل وكنّك التغٍ عقب الثّرام يومني سيفك صقيلٍ ما انثنى في كل هامه = تقطع اللي لا تعلّت هامته تصبح رمام ويومني عونك أبدّي روحكم صوب الزعامه = أسألك يا صاح كانك تفقه رباط العمام طيبةٍ في الوقت الأقشر تنتمي لحزب الرخامه = ومن جزا بالطيب شرّه قالوا عنّه ما يضام صرت طرفه للحكايا سلوةٍ لأهل الملامه = قصتي وسط المجالس صارت لمسك الختام [/poet] |
اخوي البندر
صح لسانك وانا اخوك قصيده جميله تحياتي لك |
الاخ الكريم // البندر
صح السانك وسلمت يمينك تحياتي لشخصك الكريم |
البندر
صح لسانك مليون على هذه القصيده ولاهنت يالغالي هل البندر ..هو بندر المطيري ؟ تقبل تحيااتي وعجاابي اخوك نااايف بن عيفااان |
البنددددر
هلابك وصح لساانك على هالقصيده الرائعه وتسلم يمينك يالبندر قصيده وافيه من راس وافي دمت ودام ابداعك ايها النقي تحياتي لك |
السلام عليكم
هلا باخوى البندر صح لساانك ولا هنت اختك ديمة الشوق |
سامعٍ للي وشوبي مصغيٍ لأهـل iiالنمامـه
ضاع سيفي من جفيره وانكسر ذاك iiالحسام يا عذابي وش جراله صاحبي قفّـا iiعلامـه مرخصٍ عندي غلاته وارتخا هـاك iiالحـزام البندر اهلابك قصيدة رائعة وجزلة....معاني جميلة ومعاناة صادقة..... هنا الشعر ياتي ليترجم لنا معاناة القلوب.... الف شكر لحضورك البهي... تقبل تحياتي |
زايد الرويس
، ، ، صح بدنك اخوى زايد وتشرفت فى توقيعك ، ، القصيده يزيد جمالها لاصرت انت وشرواك فيها ، ، اطرائك اسعدنى لاخليت منك وشكرا على مرورك ، ، تحياتى لك ، ، البندر ~~~~~~~~~~~~~~~~~~~~~ |
عواض عبدالرحمن الشهيب
، ، ، يصح بدنك طال عمرك وتسلم على اطرائك ، ، مرورك الكريم وحده يعتبر وسام فخرٍ لي ، ، لا عدمتك يا الغالي ولا عدمت تواجدك الطيب ، ، تحياتي لك ، ، البندر |
البندر
صح السانك قصيده رائعه ولاهنت |
نايف بن عيفان
، ، ، يصح بدنك طال عمـرك اسعدنـى وجودك وشرفنى ، ، لك من كل بساتين الود زهورا نديه لحروفكم الوفيه ، ، نعم طال عمرك انا بندر المطيرى والف شكر لحضورك ، ، تحياتى لك ، ، البندر |
اخوي البندر
بيض الله وجهك قصيدة رائعة من شاعر مبدع لاعدمتك |
البندر
صح السانك رااااااااااااااااااااااااااااااااااااااااااااااااا ااااااااااااااااايع تحياتيلك |
عكاشه
صح بدنك يا السيف فكما أنت ذهبي فردود ذهبيه مرورك تركيم لي وللقصيده يا الغالي أسعدتني حروفك وأفرحتني ردودك لا هنت تحياتي لك البندر |
الشاعر الرائع / البندر
صصصصصصح لسانك يارائع أينما يحل هذا الاسم يحل الابداع والامتاع دمت ودام توهجك تحياتي . |
| جميع الأوقات بتوقيت GMT +3. الساعة الآن 01:53 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية