واحد ٍ لاهوب داري نمدحه ولا نسبه (مطلق & خلف )
[ALIGN=CENTER]السلام عليكم ورحمة الله وبركاته
محاوره جميله بين شاعرين كبار !! مطلق الثبيتي وخلف بن هذال لااعلم اين مكانها ولااعلم ايضا تاريخها لكن سمعتها بشريط صوتي واحببت ان انقلها لكم المحاوره بالصوت [RAM]http://www.eqla3.com/sh3r/m/m41.ram[/RAM] واللي ماعندهم سماعات يقرونها تحت teeth: ,, البدايه عند الشاعر الراحل : مطلق الثبيتي [poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] مطلق: ودي احمل بعير الناس حمله والوساقه = قبل ابن هذال لايبني على الاصنام قبه بل راسه لين في راسه تعلمنا الحلاقه = واحدٍ ماهوب داري نمدحه ولانسبه خلف : انت ودك بس ماتقدر لها مافيك طاقه = الجمل من دونه الجمال يسعى تحت ربه ابك انا مانيب يامطلق لكم قطاع ساقه = كل جرح ٍ عندنا طبه وعندك ويش طبه مطلق: جيت اروز الظبي وليا ان الظبي ياخف ساقه = قرنه اعوج مير ساقه يالعتيبي فيه صبه والله انك ماتحصل لك مع الظلع انطراقه = ريعنا مسدود والجمر الحمر قدمك نشبه خلف : الظبي لا طاح جيد وراضعٍ من ديس ناقه = بالمخادع والحياله يدخلك في جوف عبه ريعكم مفتوح والسارق يدور له سراقه = وان عطيت البحر اعدلبك على عشرين غبه مطلق : ياخلف عدل رفيقك لاتغلطه الحماقه = درسه كتب البخاري لين يعرف دين ربه انفتح في جذركم يااصحابنا عشرين طاقه = لاتقولون الهبايب في وطنا ماتهبه خلف : كيف اعدل عود محني له مقاضيب ٍ دقاقه = وصّـل اصله من غصونه نقطة ٍ سوداء وحبه بيتنا محفوظ مانرمي على سطحه علاقه = محتمينه بام خمس ويشهد الله ماتطبه مطلق : واحدٍ عيا يفارقني وانا باغي فراقه = كيف ابا اشريله عباه وبشت وثياب وجبه العراقي مايعيش بخير لا فارق عراقه = مير وده في بلاده واكرهه مثلي وحبه خلف : كان في جيبك فلوس وتعشق الفزعه عشاقه = لبسه من لبسك اللي تلبسه واحذر تسبه صدر مطلق خابره ضيق واضيق له خناقه = قاظبه قظب العمى شاته مااكبه كيف اكبه مطلق : جيت ابا اداوي الجروح ولالكم فالطب فاقه = لو اخيط الجرح فيكم ينفتح من عقب غبه لو حمست البن فالمحماس دوخني حراقه = كل بن ٍ ينحرق عند النشاما مانصبه خلف : الجروح الها على الجراح لفته واصطفاقه = ياطبيب القوم جبت الاكسجين بدون دبه روح التكسي على فاله ومطلق من غلاقه = من ثقل مطلق علاه يطب ماحس بمطبه [/poet] اتمنى ان تعجبكم !! تحياتي لكم اخوووكم ,,[/ALIGN] |
لاهنت ياذعار
محاوره جميله وبيض الله وجهك واذا عندك مثلها ترانا في انتظارها
|
[ALIGN=CENTER]ابشر طال عمرك والخير واجد :)
لاهنت وشكرا لمرورك لك الود ’’ (ros-[/ALIGN] |
الاخ ذعار محمد
حقيقة اول مرة اسمع هذه المحاروة والفضل لك في ذلك محاورة قمة بين قمتين في شعر المحاروة رحم الله مطلق الثبيتي وأطال الله عمر شاعر الوطن خلف بن هذال تسلم يمينك على النقل وتقبل تحياتي |
Re: لاهنت ياذعار
اقتباس:
|
ذعااار الله لا يهينك
وهذه المحاورة جرت عام 1407هـ (حفلات المغتره) عند الامير فيصل بن خالد تحياتي للجميع |
محمد هلا فيك وماسوينا شي وانا اخوك
شكرا لمرورك .. |
سالم الحصيّن هلابك
وشكرا لمرورك يالغالي |
سعد البقمي شكرا لك على هذه المعلومه
تحياتي لك ....... |
محاورة رائعه
بارك الله فيك يالدعجاني |
هلابك يا ذعار ،، وبيض الله وجهك على هذا النقل
ومحاوره لمدارس الشعر لا هنت وكثّر منها |
الشّاعر / الدّعجاني ذعار
محاورة بين شعراء لهم بصمتهم الواضحة في الشّعر وفن المحاورة بالتّحديد رحم الله جامعة فن المحاورة الدّكتور الشّاعر / مطلق الثّبيتي وأدام عافيته وصحّته على الشّاعر / خلف العتيبي ولاهنت يا أخوي / ذعار على هذه المواد القيّمة بحق أخـ ( ناصر بن راشد الهاجري ) ـوك |
الله اكبر
من اجمل المحاورات حقا شكرا اخي ذعار على هذا النقل الممتع |
| جميع الأوقات بتوقيت GMT +3. الساعة الآن 08:21 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية