مصافحه اولى ( صورتها بالعين )
السلام عليكم ورحمة الله وبركاته
اسعد الله اوقاتكم بكل خير اخواني اعضاء ومشرفين منتدى المرقاب هذه قصيده كمصافحه اولى ارجو ان تحوز على بعض من اعجابكم بسم الله هب النسيم وعــــــانقـــه طلعة النــــور 00000000000 وابطيت اهــوجس بين ريحـــــه ونوره واقفيت كني من هــــواً صلف مذعــــور 00000000000 بين الرجا واليـــــــاس نفسي صبوره عـــانيت انـــــا من نوره ايــــام وشهور 00000000000 من بعد غيبه صـــار يعلن حظــــــوره حتى القمــــــر من سيّد البيض مقهور 00000000000 غـــــاب القمر واعلن بدالــــه ظهوره مديت انـــــــا مع ظلمة الليل نــــاظور 00000000000 وصورتهـــــــا بــالعين تسعين صوره يابو سند لو شفت بنت ٍ من الحـــــور 00000000000 لو شـــــافها الصقـــــــار طيّر طيوره يابو سند من عرفها صرت مخطـــــور 00000000000 ومن عقبهـا زادت علي الخطـــــوره من زين راع الزين انـــا اليوم مسحور 00000000000 حتى المشعوذ مـــا نفع بي بخوره اضحك ثم ابكي بين ضايق ومسرور 00000000000 والقلب قدم النـــاس يبدي سروره صعب المفــــارق لكن القلب مجبور 00000000000 وصعب ٍ على الرجّـــــال عزه يبوره انا استشير اللي معه ينفع الشور 00000000000 الامر شورا والعقل فـ المشــــــوره قلبي انا من عقبها صار محظــــور 00000000000 مايدخله يــــابو سند غير ( نوره ) وسلامتكم جميعا من كل شر |
الغالي
عبد العزيز الغنامي اطلاله اولى زادت نور المرقاب نورا قصيده جميله تصوير جميل ولكن يبدو لي ان في : اضحك ثم ابكي بين ضايق ومسرور 00000000000 والقلب قدم النـــاس يبدي سروره الشطر الاول خطأ كتابي او خطأ في الصياغه لاادري ولكن الوزن اختل هنا قليلا حسب ماأرى عبدالعزيز لك كل الاعجااااااااااااب والتقدير وارجو تقبل ملاحظتي بصدر رحب . |
الاخ عبد العزيز
صح لسانك ولاهنت على هذه الفاتنه اطلاله جميله ..وقصيده اجمل من زين راع الزين انـــا اليوم مسحور 00000000000 حتى المشعوذ مـــا نفع بي بخوره لله درك وارى ان ملاحضة الاخ ناصر الروقي صحيحه فهناك خلل في الوزن في الشطر الاول تحيااتي لك في انتضارك على الدوم اخووووك |
الاخ عبدالعزيز صح لسانك
قصيدة معبرة ووافية واعتقد ان البت الذى علقو علية الاخوان غلطة مطبعية تحياتي |
حياك الله اخوي ناصر الروقي
صح بدنك اخوي
وشكرا على ردك المتواضع وشكرا على مرورك العطر واشكرك ايضاً على نقدك وانا اتعلم من شعار مثلكم لكن يا اخ ناصر البيت سليم واعد النظر فيه طول الله عمرك |
الاخ عبدالعزيز الغنامي
هلابك ومصافحه اولى وفيها من الجمال والروعه مايكفي بان اقوول انت رائع ومتمكن صح لسانك ياعبدالعزيز وتسلم يمينك دمت ودام ابداعك تحياتي لك |
حياك الله اخوي نايف بن عيفان
صح لسانك اخوي نايف
وشكرا على ردك المتواضع وعلى مرورك العطر وانا اتعلم منك يا اخ نايف انت والاخ ناصر لكن البيت يا اخ نايف سليم وياليت تعيدون النظر ثاني مره بدون ما تشدون اي حرف سكنوا كلمة ( ثم ) وعلى العموم انا اتعلم منكم واستفيد من شعراء مثلكم |
عبدالعزيز الغنامي
الف صح لسانك وانا اخوك والكسر بعيد عنك:) البيت سليم ثم سليم ثم سليم وقصيده جزله من راس جزل تحياتي لك |
حياك الله يا اخ عبيان
صح بدنك اخوي وشكرا على مرورك وشكرا على ردك المتواضع اخوي |
يا سلام عليك .....
اخوي عبدالعزيز .......... ماقصرت .... اطربتنا ياغالي ... لاهنت وصح الله لسانك .... تحياتي |
الشاعر الرائع عبدالعزيز الغنامي
رائع و قصيده رائعه و اكبر من رائعه مصافحه تعطرت بها افئدتنا. صح لسانك طال عمرك والى الامام اما بخصوص البيت القضيه المحوريه في ردود الاخوه فانا من رأيي انه سليم و خال من الكسور سواء شدّدت ثم او اهملت . اما الخطأ المطبعي الذي يقوله الاخوان فان حصل هناك خطأ مطبعي فانه سوف يكسر البيت. اضحك ثم ابكي بين ضايق و مسرور كل كلمه اعدت كتابتها على حده, فاين الخطأ المطبعي؟ اما اذا كان القصد عدم احراج الشاعر بان بيته مكسور اصلاً مع ذكر سبب جانبي تحاشياً لقول مكسور, فهذا عذر غير وارد نهائياً. لان البيت سليم الوزن و سليم الاملاء. و للجميع تحياتي. الرجاء من الاخوه المشرفين على المرقاب الادبي نقل هذا البيت الى الادبي لمناقشته هناك مع جميع الاعضاء . تقبل صادق الاعجاب اخي عبدالعزيز اخوك شفق السريع |
عبدالعزيز الغنامي
قصيدة رائعه من شاعر رائع تسلم وصح السانك |
هلا بك اخوي عكاشه وصح بدنك
وشكرا على مرورك الجميل وردك المتواضع |
انا استشير اللي معه ينفع الشور
00000000000 الامر شورا والعقل فـ المشــــــوره الاخ العزيز / عبدالعزيز الغنامي تسلم وصح لسانك على هذه القصيدة الطيبه تقبل تحياتي اخوك / محمد السميري |
الاخ الشاعر \ زايد الرويس
صح بدنك اخوي وشكرا على مرورك العطر
وشكرا على ردك المتواضع |
عبد العزيز الغنامي
من زين راع الزين انـــا اليوم مسحور 00000000000 حتى المشعوذ مـــا نفع بي بخوره وانت سحرتنا بهذه الرائعه قصيده رائعه بكل المقاييس ومصافحه موفقه يالغالي ارجو ان يدوم ابداعك والى الأمام يالغالي اخوك عامر عمار |
حتى القمــــــر من سيّد البيض مقهور
00000000000 غـــــاب القمر واعلن بدالــــه ظهوره مديت انـــــــا مع ظلمة الليل نــــاظور 00000000000 وصورتهـــــــا بــالعين تسعين صوره هلا وغلا يالغنامي.... ابرك الساعات...وحضورك يزيد المرقاب شموخا.... قصيدة جزلة ورائعة.....وارق سنود.... شاعر كبير مثلك...بعيد كل البعد عن الاخلال بالشعر وزنا او معنى... شكرا لحضورك العذب.... تقبل تحياتي |
الاخ عايض راشد
صح بدنك اخوي ووجودك شرف كبير لي
وشكرا على ردك المتواضع وشكرا علىمرورك العطر |
صح لسانك
يابو سعود وبض الله وجهك على القصيده الطيبه سجل اعجاب اخوك السيف |
اخي الغالي
عبدالعزيز الغنامي صح لسانك على هذه القصيده ويعطيك الله العافيه تقبل تحياتي |
صح بدنك اخوي عايض راشد
وشكرا على مرورك وردك المتواضع وجودك شرف كبير لي اخوي عايض |
الاخ الشاعر / شفق السريع
صح بدنك اخوي
وشكرا على ردك المتواضع وشكرا على مرورك العطر وجودك شرف كبير لي ويكفي مرورك على القصيده اخوي شفق يكفي شهادتك شهاده اعتز وافتخر فيها وشكرا على مرورك اخوي شفق |
| جميع الأوقات بتوقيت GMT +3. الساعة الآن 10:58 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية