(( القلب مفتر من عرشه وكرسيه ))
 

السلام عليكم


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
القلب مفتر من عرشه وكرسيه "="يفر من طيف غرو(ن) مر في بالي


يابو محمد بعدها الدار مجفيه "="لو آ كل الزاد فيها ما هنا حالي


من عقب ما دورهم بالقاع مبنيه "="اللي بقا دورهم وابعدهم المالي


الله على الهاف من صنع اليهوديه "="يقطع بعيد المسافه حزم وارمالي


يعد طبلونه التسعين مع ميه "="في حكم سواقه اللي شاف الاهوالي


نفسه مع طرقته ما عدها حيه "="تقول فوقه طفح ربان وخيالي


حالي كما شنة(ن) بالقيض مطويه "="والحزن جاله على المكنون مدخالي


يطيح من لامني من راس مهويه "="من نايف الرجم ميقاعه ورا الجالي


تكسر عليه الطيور براس عليه "="تشالعنه وفارق مرقد الغالي


وجدي عليها وجود(ن) حط ماريه "="وباقصى الحشا يدرج همي وغربالي


وجد المهرب ضرب خط الحراميه "="وصكت عليه الجموس وضيع المالي


عليه حمل خبيث وناقلن سيه "="وصكوا على موتره ذربين الافعالي


واليا بغا موتره يعطي مع انحيه "="حازوا عليه العيال ودير بحبالي


مالي جدا غير اصفق بس بيديه "="وادله النفس في تطويح الامثالي
[/poet]


بو عرب

صح لسانك ياسعود العازمي

قصيده لاتسمع لها مثيل اليوم لأن الناس اليوم يبغون شئ غير اللي تبغاه وابغاه ياسعود .....


نوع قصيدك يذكرني بالقصيد اللي عليه طراه بدون مجامله

لاهنت يابوعرب

سعود الدهيمي

الشاعر/ سعود

ماشاء الله

قصيده رايعه

سعود العازمي



مرحبا بك ياسعود في منتداك وبين اخوانك


مشاركه جميله وبانتظار الاجمل ان شاء الله

سعود العازمي

هلا وغلا بالغالي

صح لسانك

قصيدة امتعتنا بها


حقيقة اشكرك على هذه المشاعر

سجل اعجابي بما تكتبه


تقبل تحياااااتي

اخي الكريم/ سعود العازمي00


صح السانك مليون مرة وانت راعيها00


سبق ان اشدت بهذه القصيدة00


وسجلت اعجابي بها00


وانا الان اعيد الكرة واقول لك00


ماشاء الله عليك00


ولك مني كل الحب والتقدير00