يامرحبا عد ما ذعذع نسيم النسيم 00000!
هلا بجميع اعضاء المرقاب وحياهم الله في مرقابهم
الشاعر عزيز النفس الله يحييك في مرقابك ومحلك واسعدني وجودك واسمحلي بهذا المحراف معك السمع يامرحبا عد ماذعذع نــــسيم النسيم ================ ترحيبة من صمــــيم القلب نبديبها ياصاحبي ياعزيز النفس مانت بغشيم ================ شاعر تعرف المعاني يوم اغنيبها ــــــــــــــــــــــــــ د0ع0و0ج0ي |
أخوي : الدعوجي
الله يبقيك ويطول عمرك و أنا يشرفني أن أكون أحد أعضاء منتديات المرقاب خاصه في وجود أعضاء كفو مثلك وشرواك استلم طال عمرك : دام الـبـقـا لـلـرجـال اللي تضد الخصيم ***** أصحابنا اللي صداقتهم نماري بها الدعوجي شاعر" فاهم وعندي حشيم ***** ومن لابة" في المواقف بين" طيبها |
هلا بك والله
استلم الله بما فالضماير ياصحيـبي عليم =============== لكن صـــــل الفروض اللي نصـليبها ليت ام ابو غترةٍ رقشا توفت عقيم =============== ماجابته في هذا الدنيا ويمشي بها ___________________ د0ع0و0ج0ي |
استلم يا أبو عبدالرحمن :
خـابـرك رجـل فهيم وفالمواقف حكيم ****** والطيبه يا عميل الخير تحري بها الناس ترحل وهذا شخص أشوفه مقيم ****** الله يجيب الليالي اللي يولي بها |
السمع
النار ماتاكل الا فالغصون الهشيم ================ اللي هبوب الليال السود تومي بها اللي مايمشي عدل في دربه المستقيم ================= يبرك على الزور لحموله ويسريبها ــــــــــــــــــــــ د0ع0و0ج0ي |
استلم :
الدعوجي يا وجيه الخير هرجه سليم ******* خيمته جود عمدها مع مناسيبها اللي ما يمشي عدل هذاك عقله سقيم ******* والناس يا ذيب تكفيها تجاريبها |
استلم
الدعوجي ياعزيز النفس رجلٍ كريم ================== يعلق اسمن ذبيحه مع عراقيبها لا بارك الله بخبلٍ يندرق فالحريم ================== ويبان لا صفيت الجمه مشاريبها ــــــــــــــــــــــــــ د0ع0و0ج0ي |
استلم :
الـجـو كـتّـم وجـا فـالجو يا صاح غيم ****** و الناس يا صاحبي كثرة عذاريبها هذاك شيطان ملعون وخسيس ورجيم ******* و السالفه من زمان العام ندري بها |
السمع السمع
لا يدخل الشك قلبك يالصـــديق الحميم ================ والله مارميـــــك فالـنار ولواهيــــبها بعد استوت فوق راس ابليس شب الجحيم ================ ارسل وانا ارسل على قلبه مشاهيبها ــــــــــــــــــــــــــــد 0ع0و0ج0ي |
أخوي الغالي / أبو عبدالرحمن
سعدت كثيرا باللعب معك و أتمنى أن يجمعنا لقاء آخر في وقت قريب و تقبل تحياتي واحترامي أخوك : عزيز النفس |
شكرا لك ياعزيز النفس
وبيض الله وجهك وانا ايضا اسعدني اللعب معك تقبل تحياتي ولنا لقاء قريب ان شاء الله |
| جميع الأوقات بتوقيت GMT +3. الساعة الآن 05:53 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية