مسابقة..... الإبداع في مجاراة الإبداع
[align=right]سلام :)
احببت أن نتشارك في التأمل للقديم من الأدب الشعبي و حكمة قائليه...فخطرت في بالي هاذه الفكرة... مسابقة.... الشروط الملزمه: 1- يأتي المشترك ببيت من الشعر العامي أو الفصيح،،مما قاله الأقدمون... 2- يجاري المشترك معنا البيت القديم فقط....أي: أ) لا يجمع بين قافيته و بحره، ب) قافيته مع بحر آخر ممكن،،،أو بحره مع قافية أخرى ممكن ج) قافية أخرى و بحر آخر،،ممكن،، 3- البيت المنسوج بواسطة المشترك،،، لا بد أن : أ) يستخدم المجاز: يعني لا يتحدث مباشرة عن الفكرة، بل يستخدم يشابهها و يكتفي بأن القاريء يقارن بين الصور ليكتشف المعنى.... ب) يمكن للمشترك أن يأتي بأكثر من بيت لإيضاح مقصده ، و لكن الفكرة التي في البيت الأساس،،،إذا كانت محصورة في بيت واحد فإنه يلزم أن تكون فكرتك في بيت واحد...أيضا... ***ملاحظة : يعني المجاز المستخدم ،،، مثل مقارنة الصور الطبيعية ،،،لا يلزم أن تطابق 100% بل يكفي 80%..[/align] المثال : [align=center] * قال الشاعر القديم : اللي يبينا عيت النفس تبغيه --------------و اللي نبي عيا البخت لا يجيبه النسج( قاله بدر ) : هاذي الدنيا...تزين ........و زينــها دون الحظيه -----------------------من بغاني ما بغيت....... و من بغيته ...مــا بغاني يجذب القاع المَــکوك...و طار عكس الجـاذبيه ------------------------ خلى الارض،،،لكوكب ٍ...ما يجذبه...لو جاه عاني[/align] [align=right]و سلامتكم،،،، ***تنويه : البيت الأول( من البيتين الأخيرين) زيادة .....و الصورة في البيت الثاني من النسج... (و آسف للإطالة..لكن أدري ان فيه قراء غير الأعضاء و يصعب يستفسرون أو يستفهمون.....).. يالله في انتظاركم.... أخوكم بدر[/align] |
وعليكم السلام ورحمة الله ..
العظمات لله يابدر ، وش النسج هذاه اللي انت طايحٍ فيه ؟ ابا اشارك معك بهذي المشاركه قديماً .. ماكل مايتمنى المرء يدركه ××× تجري الرياح بما لا تشتهي السفن مدري منهوله؟ حديثاً .. (دنيا البنادم ماتجي له على الكيف) ×××× لازيّنت من حيد .. من حيد شانت شطر لي وشطر ساردزه ;) وش قلت يابدار ، انا معك والا غادي :( |
الاخ بدر
افهم الموضوع بعدين ارجع لكم :) |
[align=right]
اقتباس:
المشاركه نمشيها لك.... اللي ما نمشيه يا بدار هاذي:o و اللي يقهر ان اسمك طويل ما اعرف أدلعه.... ههههههه الله يحييك و مشاركتك حلوه.... و طيبه... لكن انت وش حادك على السرق....يا وخي؟ البيت اللي انا ابيه ابسط ابي صوره ...مقارنة...مجاز... استعارة...يعني ...هيك شي... مثلا انا تابعت قول الشاعر: اللي يبينا عيت النفس تبغيه ....و اللي نبي عيا البخت لا يجيبه الصورة هي : يجذب القاع المكوك و طار عكس الجاذبيه -------خل الارض ...لكوكب ....ما يجذبه لو جاه عاني النسج هذا ...ماهو مباشر... يا شيخنا.... يعني فيه لفه... مجاز...كيف مجاز... يعني يجي شخص يقول : شبه الناسج الشخص بالمكوك...الفضائي... و الشخص الذي يحبه...بالارض،،، و هذا الشخص يحب شخص بعيد ما يبيه... و شبه الشخص الآخر بالكوكب الذي لا يبغي الشخص الذي ترك محبينه... بدون تشبيه و مشبه به لا يوجد صورة... و بدون صورة في البيت.. لا تعمل المسابقهيقول الأعشى: عُلِّقتها ...قدما... و عُلِّقت رجلا ... ---------------غيري... و علق أخرى غيرها الرجل ُ يعني أن اسمهان أحبت فريد... و فريد أحب ... أم كلثوم ... و ام كلثم ماتحب فريد... مثلا... مثلا... هههههههههه والله ترا اخوك اسوا مدرس في العالم.... شرحي ردي بالحيل... لذا تجاوز و اصفح... أخوك بدر[/align] |
خذوا هذيه يالربع
واستروا ماواجهتوا يقول الشاعر العربي (كناطحٍ صخرةً يوماً ليوهنها** فلم يضرها وأوهى قرنه الوعل) وأقول الوعل لو ينطح صفاةٍ براسه** ما ضرها لو هي تكسر قرونه مثل الذي عديم فهم وكياسه**اللي يساقط له شبح بالكرونه والكرونه اخت الكرولا .... لا أحد يقولي ما أعرفها... هههههه |
نوض :)
تراهم يسمعونك ... يصدقون.... مع انك تفهمينها و هي طايره... عودي حميدا...في انتظار مشاركتك.. بدر |
الوعل لو ينطح صفاة براسه
-------------خبل يساقط له شبح بالكرونه يا شين تعقيد الأمور..ههههههههههههههه لا حظ انك اخذت الصورة و صورتها بصورة ثانية.... اللي انا كنت ما افكر في تجاوزه هو: فكرة: الرجل يتصدى لأمور أكبر من قدراته الصورة: كورونا تسابق لها بنز.... ههههههههههه حلوه والله....صح لسانك... |
وين الربع :)
مشاركة ثانية لي.....عساها تذهب الغموض... البيت الأساس: يقول الأمير / محمد بن مهلهل بن شعلان الرويلي العنزي لو عندنا من غيب الأيام رسه ---------------الآدمي مصلوح نفسه يدله البيت النسج: من بعد غوص البحور ...ورحلة المرجاني ------------------------يشتريه التاجر رخيص و يبيعه غالي قلت للغواص...ليش..؟و قال : وش دراني ------------------------الجمل يركض بقصابه و حاله حالي ....يعني... الفكرة: تتماشى مع الفكرة في قول الله عز و جل حين أمر نبيه أن يقول( ولو كنت أعلم الغيب لاستكثرت من الخير وما مسني السوء ) ـ الأعراف -- 188 يمكن ترجمة ذلك البيت بصورتين: صورة أولى:الغواص يتعب يظنه سيغتنى... و في النهاية يحصل على قروش لا تغير من فقره شيء و يذهب اللؤلو للتاجر...الذي يبطر و يغتني و هو جالس في مكانه... صورة ثانية:الجمل...يتكبد المصاعب يحمل صاحبه للمدينة ليبيعه للجزار... يالله اتمنى اني وضحت المسابقة... في انتظاركم... |
السراحـه :
اني بهـت يابدر :( تسيف تقول مجاراه وبعدين المعنى يختلف ؟؟ هاسلام علاك :) |
عبد ربه
اول شي.. بدون دف...لوسمحت... ثاني شي... عبدالله العتيبي....جاب الفكره و زاد شوي بعد....يعني ماهو معقول....ما يصير يا عبد ربه.،جفلت الناس ما عاد احد يقرب الله يعافينا يصدقون انه صعب... مع انه عادي..كل الشعراء ما يستغنون عنه... اقدر اراجع قصيدك و القاه في كل بيت... مثلا...اذا الشاعر قال " لا تزل ابك القدم" هل يعني القدم... ولا يصور الخطأ غير المحسوس( لا تقع في الأخطاء و انت غافل) ... بشي مجسم نشوفه و نعرفه... هذا اللي انا ابيه... الفكره...اللي هي المغزا...يكون موجود في بيت شاعر قديم... البيت اللي تجيبه انت ،،تحافظ فيه على نفس المغزا... لكن تغير الصورة...بدل ما تقول القدم... و زل...قل شي ثاني من الطبيعة...قل مثلا...لا تثور البندقيه من خباها....مثلا يعني...أو أي شي مشابه..يخدم نفس المغزا... يالله.... في انتظارك... |
كويّس
. كويّس ، حظيتي اني فهمت .. هههههههههههه أمّا من خباها حلوه ، تسنك غيّرت الصوره ;) طيب .. قيل : أهل المصالح معرفتهم كما القشره ... لانظّف الراس بالصابون ؛ ينهيهـا وقلت : أهل المصالح تسنهم يابدر قالب من جليد .... يكبر ليا صارت بروده .. وإن حما الماقف يذوب وسلامتك /:)/ |
اقتباس:
و هذا أيضا يوافق قول الشاعر القديم أصحابنا وقت الرخا..يا علي..كثر= و يوم الشدايد عودوا شتان لولا الشدايد ما نبي صحبة العرب= و لولا الشدايد ما نبي خلان ...شكرا على المشاركة يا أبا عتيق... أخوك |
^
^ عفـواً :) |
مشعان هلا بك والله. و شرفتنا.
|
طيب لأن الأخوان ابطو علانا ماجو ، مضطر اخذ دور غيري
و يصبح الأساس: الأمير محمد الأحمد السديري رحمة الله عليه يقول: [POEM="font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يا جعل بيت ما يجي له ظلالي= ينهد من عالي مبانيه للساس[/POEM] النسج [POEM="font="Arial,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كف الوفا تلقى الخلايق وفاها= تضفي على الأقراب من قبل الأجناب و كف الردى، يا الله تقطع رجاها= ما فادت اجناب ٍ و لا فادت أقراب[/POEM] و في انتظاركم :) |
| جميع الأوقات بتوقيت GMT +3. الساعة الآن 11:11 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية