المرجع
[poet font="Simplified Arabic,4,white,normal,normal" bkcolor="seagreen" bkimage="" border="groove,7,orangered" type=2 line=200% align=center use=ex length=0 char="" num="0,black" filter=""]
اخواني واخواتي اعضاء وزوار هذا المنتدى الكرام في هذا الشهر الفضيل نحتاج كثيراٍ الي التذكير ومحاسبة النفس هذه مشاركه بسيطه ارجو ان تنال اعجاب الجميع واعذروني في التقصير (( امنيتي ان تقرآ بتمعن)) يالله سألتك ياكريم الوجه عفوك والنجاه=في ساعةٍ تذهل بها المرضع عن اللي ترضـعه سبحان معبودٍ من الداعي قريب اليا دعاه=والنمل الاسود بالدجى الحالك دبيبه يسـمعه ربٍ روؤفٍ مايخيب اللي تذرى في ذراه=وبالعروة الوثقى اليا عبده تمسـك يرفعه يهديه درب الرشد ويعينه ويبلغ مبتغاه=ويصلح له احواله وعنه الضـر كله يدفعه والخايب اللي غرته دنياه وابحر به هواه=في بحرها الكذاب والشيطان اله طق أصـبعه ظل الطريق وعن دروب التيه عقله مانهاه=واصبح ذلول أبليس واقفى به يسوقه واقلعه يضحك يحسب أنه سعيد وهو غريقٍ في شقاه=هايم ومتوهم وهافي في بحور المـعـمـعـه راح الشباب وشاب ماميز صوابه من خطاه=مشـغـول بـ حلامه ولاهي لين واجه مصـرعه وحطوه في قبرٍ غويطٍ موحشٍ ضيق مداه=لحظة تنحوا يسمع انعلهم وهو في مضـجـعه مايملك الا خامٍ ابيض بعد جاهه والغناه=وش عاد يسوى ماله اللي ضاع عمره يجمعه ثم بعدها يجزى بما قدم ومامدت يداه=في ساعةٍ فيها التمني والندم ماينفعه مهما يطول العمر يابن أدم مردك للوفاه=الدائم المعبود والا العبد هذا مرجعه أغنم زمانك لايفوتك والهرم يدفن صباه=واحسـب حسـاب لساعةٍ كلٍ يقدم مـامعه اللي كتابه في يمينه يرفع الله مستواه=واللي ورى ظهره تمنى ان البسيطه تبلعه يامن قضى عمره مهاجر من قناه اليا قناه=مقابل التلفاز عمره ضّـيعه في مضـيعـه يحرص على الافلام والاوهام ويكب الصلاه=هو مادرى ان العمر يمضي والليلي مسرعه والا أنت يالغرقان كلك في ملذات الحياه=أعلم ترى زادك من اللي بالمزارع تزرعه مافيه شيء يضيع من يعمل يبي يلقى جزاه=والرابح اللي عفو ربه من جهنم يمنعه ومن طق باب الناس طقوا بابه وداسوا حماه=طبق على نفسـك ومايوجعك غيرك يوجـعـه يانصرة الاسلام واحفاد الصحابه والرواه=تكاتفوا واللي يظل الدرب لازم نردعه ندعوه بالحسنى عسى رب الملا يكتب هداه=وحبل التواصل والتناصح بيننا لانقطعه وصلوا على خير البشر عداد مايمطر سماه=وأدعوا لمن وآلى النبي والراشدين الاربعه أسال الله ان يتجاوز عنا ويغفر لنا ولايحرمنا من الاجر والثواب [/poet] |
صلى الله وسلم على سيدنا محمد وعلى آله وصحبه اجمعين
الشاعر القدير / ضاوي العصيمي حكم ومواعض تستنير بها العقول وكل كلمة في هذه القصيدة تعتبر درة من اجمل واثمن الدرر بيض الله وجهك وجزاك خير على هذا الكلام الوافي المستنير صح لسانك ولاهنت تقبل تقديري واحترامي |
بسم الله ,,
اللهم صل على سيدنا ونبينا محمد وعلى آله وصحبه وسلم تسليما,, اخوي الغالي / ابو زياد,, كل عام وانت بخير,, والشهر مبارك,, والله يكثر من امثالك,, وصح لسااانك على هالجزله الغير مستغربه من شاعر بحجمك,, وتقبل تحياااتي اخوووك |
اخوي الكبير / ضاوي العصيمي
صح السانك ياسنايدي وجزاك الله خير على هذه الأبيات الرائعه جزل ولا يجي منك لأجزل تحياتي لك اخوك محمد العتيبي |
يانصرة الاسلام واحفاد الصحابـه iiوالـرواه
تكاتفوا واللي يظـل الـدرب لازم iiنردعـه ندعوه بالحسنى عسى رب الملا يكتب هـداه وحبل التواصل والتناصـح بيننـا iiلانقطعـه وصلوا على خير البشر عداد مايمطر iiسمـاه وأدعوا لمن وآلى النبي والراشدين iiالاربعـه اخوي ضاوي العصيمي صح لسانك قصيده جزله ومفيده لمن اراد الفائده قصيدة شاعر لايكتب القصيده الفارغه لاهنت ياابو زياد |
أبو زياد
كل عام وأنت طيب وجزاك الله خير قلت وصدقت صح لسانك والله يجعلها فى موازين أعمالك تحياتى |
الاخ ضاوي العصيمي
مبروك بلوغ الشهر بيض الله وجهك صح لسانك قصيده رائعه وجزاك الله خير لك كل المحبه ضيف الله |
أبو زياد
كل عام وأنت طيب وجزاك الله خير |
اللهم ارحمنا
صلى الله وسلم على سيدنا محمد وعلى آله وصحبه اجمعين
اخي ضاوي العصيمي بيض الله وجهك وجزاك الله خير على هذا الكلام القيم صح لسانك ولاعدمناك تقبل تقديري واحترامي وتمنياتي بدوام الصحه والعافيه |
الشاعر الكبير / ضاوي العصيمي
نصيحة عظيمة الله يجعلها في موازين حسناتك ويتقبل منا ومنك ومن جميع المسلمين. |
ضاوي
ابدعت في هذه الموعضه بل اخترت الوقت المناسب لها عسى الله ان يكتبها في موازين حسناتك صح السانك |
الشاعر ضاوي العصيمي
اولا كل عام وانت بخير وثانيا صح لسانك قصيده كامله وجزله وهذا ليس بغريب منك سجل اعجابي |
ضاوي العصيمي
جعل ربي يثيبك ويجزاك خير يالسناافي لله درك |
الشاعر المميز / ضاوي العصيمي
صح لسانك والله ياضاوي مهما يطول العمر يابـن أدم مـردك iiللوفـاه الدائـم المعبـود والا العبـد هـذا مرجعـه أغنم زمانك لايفوتك والهـرم يدفـن iiصبـاه واحسب حساب لساعـةٍ كـلٍ يقـدم iiمامعـه اللي كتابه فـي يمينـه يرفـع الله iiمستـواه واللي ورى ظهره تمنى ان البسيطـه تبلعـه هذا والله بلاء ابوك ياعقاب والا الباقي يهون !!! جزاك الله ألف ألف خير على كل حرف تفوهت به يامبدع هذا والله الشعر ياضاوي لكن من يعلم اللي يحسب إنه وزن وقافية فقط لله درك وكل عام وأنت بخير . |
الرمز............ ضاوي العصيمي
اولا كل عام وانت بخير.... لو مانزلت هذه الرائعة لطلبتها منك...... ولكنك جبتها في وقتها............. استمتعت بها في امسيتك الاخيرة... وقرأتها اليوم واكتشفت معانيها القيمة في كل مرة... لله درك... شاعرنا المتمكن.... ولك كل التقدير اخوك معيض |
محمد السميري
هلا وغلا حضورك وشادتك وسام فخر لي لاعدمتك يابعد راسي :) |
محمد القثامي
هلا وغلا وشكرا على الاطراء اعجابك انت وشرواك غايتي لاعدمتك يالقرم |
ضاوي العصيمي
صح لسانك ياضاوي وجزاك الله خير على التميز في الموضوع وفي قوة القصيدة0 |
الغالي سنجار
هلا وغلا اشدتك اعتز وافتخر بها لاعدمتك ياسنايدي |
الله الله
ياسلام ياضاوي الله يجزاك خير ويكثر من امثالك صح السانك .. شاعر جزل وغني بالمفرده الفذه لاعدمناك يا القرم سلامي واعجابي الخالص أخوك / سداح |
محمد الدهيمي
هلا وغلا شهادتك وسام يابو عايض واعجابك انت وشرواك هو الغايه |
خالد الذيابي
هلا وغلا حضورك اسعدني لاعدمتك |
| جميع الأوقات بتوقيت GMT +3. الساعة الآن 05:11 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية