شعراء وكتّاب منتدى المرقاب .. الرجاء الدخول للأهميه الآن !
السلام عليكم ورحمة الله
أخواني أعضاء شبكة المرقاب الأدبيه باتصال هاتفي من الأستاذ / مقيم الخيارين .. رئيس تحرير مجلة برووق القطريه أبلغني ان المجله بصدد اصدار ملحق (خاص) في العدد القادم مخصص للأحداث الدائره في لبنان وما يتعرض له اشقائنا هناك من مجازر وتدمير وانتهاك لأبسط حقوق الأنسان ! وذلك لثقة أسرة مجلة برروق وعلى رأسهم الأخ الأستاذ / مقيم الخيارين في شعراء وكتّاب هذا الصرح ومبدعيه .. حيث ان الأخوان يرغبون في مشاركة وتفاعل جميع المبدعين في منتدى المرقاب من شعراء وكتّاب مع هذا الحدث خلال ( 48 ) ساعه من الآآآن ( لضيق الوقت ) بحيث تكون المشاركه كالآتي :- - الأخوه الشعراء : ( 5 ) أبيات معبّره لكل شاعر - الأخوه الكتّاب مقال مختصر ومعبّر * لجميع المشاركين الحريه المطلقه في إبداء وجهة نظرهم وأرائهم دون قيود او شروط او رقابه ! وبسم الله نبداء :- |
مرحبا يا خالد
شكرا لك وشكرا لمقيم الخيارين ولـ بروق والقصد المشاركه في دعم لبنان ولو بالكلام ,, [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بغداد والقدس تبكي مثل بيروت=لكن حنا تحركنا الحماسه ما ينفع الصوت لا من فوّت الفوت=وتاريخنا من هزيمه لانتكاسه شعوبنا ودّها والرادع القوت=كل ٍ يبي الخير بين اهله وناسه وسهره على كبسة مفطّح وبيلوت=وسوالف وضحك وانواع الوناسه وحكامنا ما يبون الحرب والموت=قد قالوا .. القدس ترجع بالسياسه[/POEM] |
هذي مشاركتي المتواضعه !
[FRAME="13 50"][POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حنا العرب : كلمةٍ تستدرج اعدانا = صعبه .. نلوم الزمان وظلمه وغدره دايم من عيوبنا .. ناخذ مزايانا = والمشكله ما لنا حيلٍ .. ولا قدره نسحّـب ثيابنـا .. ونحسّـن الحانـا=ونلمّـع وجيهنـا .. ووجيهـنـا ودره والعـز لا مرّنـا .. مــر وتعـدانـا=حتى دمانا .. على اتفه شي .. منهدره! لكن حكامنـا .. يـا (مجـزرة قانـا)=اطيبهم اللي يكن الغيض فـي صـدره [/POEM][/FRAME] |
لاهنت يا ابوفيصل
ونشكرك ونشكر الاستاذ مقيم الخيارين رئيس مجلة بروق القطريه هذه اللفته الانسانيه المتمثله في ملحق خاص بلبنان الجريحه : واقبلوا مني هذه المشاركه المتواضعه : [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]معادهي لحية سياسه يا لبنان=سياسه ومجلس وقومه وطيحه وانتي على الشاشه ضحايا ودخان=شوارعك حرجه وناسك جريحه عذراء ومزيونه ومن شافك الآن=يجر له من زايد الغبن صيحه صيحوا لها من قلب يكسوه الايمان=صيحت بطل ماهي بصيحت فضيحه يمكن يريد الله لكم عز واحسان=وتعايدون اللي بغزه واريحه![/POEM] // .. |
مشاركتي المتواضعه
[FRAME="13 50"][POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تصيحين والاّ ما تصيحين يا لبنان=فلسطين قبلك صاحت ولا احدٍ اوحاها لكنّ الوكاد المعذره منكم من الآن=ترى قوّة إسرائييل ما احدٍ بويّاها بغينا نعلّمها الادب مير الامريكان=وراها تحدّ انيابها مع ثناياها خصوصاً بعد صدّام و الباهشه برزان=نبا نقضب الرقّه معاد انتحدّاها وحزّب الله ايّام و يبا يلعن الشيطان=من الغلطه اللي كلّنا ما قصدناها[/POEM][/FRAME] |
ولكم هذه :) [POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ما ظنتي مخطيك ما كان مكتوب= لو تجتمع كل البشر ما تردّه لبنان فيقي من ملذات وذنوب=ما لله مغيّر حال قومٍ تضدّه لبنان ماكلٍ ترى سالم عيوب=لكن عيبك شقق الثوب حدّه لبنان ذقتي مرّ وأونستي كروب=شعبك تشتت واصبح الوضع شدّه صرتي ضحيه حزب ناوي له إشعوب=متقلدٍ سيفٍ يبا اللفيت قدّه[/POEM] |
السلام عليـّكم
بما إن عروبتنا أكل عليها الدهر وشرب !! فـ أنا مستخسر فيها خمس أبيات عاموديّه :) لذا أستميح الجميع العذر وتقبلوا هذه ( الحرّه ) : : حنـّا عرب حنـّا هل التوحيد والسنـّه .. ونكّره أمريكا ! لكن ! لكن ما نزْعِـلها واللي يحاربها : إن كان سنّي أصبح إرهابي ! وإن كان شيعي يعتبر كافر !! يعني العذر موجود وربّـنا غافر ! حنـّا عرب والكـل منـّا ضامن الجنـّه !! .. ونكّره أمريكا لكن مانزْعِـلها واللي يضايقنـا ماهي بإسرائيل وظلمها السافر !! ولاهو بذبح أطفال ( قانا ) وعجايزها !! مـا كلنا بنموت !! يعني العذر موجود وربـنّا غافر حنـّا يضايقـنا : الظلم والعدوّان على ... مصايفنـا !! ونطالب العالم : بإجراء فوري .. حازم وجازم وبإنتهاء الحرب !! قبل الدراسه وإنتهاء الصيف .. لنّـا نبي نسافر .. ونصيّف فـ بيروت !! وربنـّا غافر !! حنـّا عرب حنـّا هل الأمجاد والتاريخ .. ونكّره أمريكا ودقـّي يا مزيـكا !! |
هلا .. وغلا يابوفيصل .. جهود كبيره وإهتمام يشكر عليه صاحب الاهتمام
مشاركتين منفصلتين .. بيتين .. بيتين .. والعذر والسموحه [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] أمّة حناجر .. فالمنابر .. صداها= لاتشجبون الدور .. واصل وحاصل اليوم لبنان الشقيقه وطاها = وبكره مسلسلهم عليكم يواصل[/POEM] [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] لبنان صاحت وراحت .. يالله المستعان = وش بعدها ..يانسل ذبّاحة الانبيا؟ نحن شعوب ُرضت بالذل والامتهان = مدري شعوب أذكيا .. ولاّ شعوب أغبيا[/POEM] |
بسم الله الرحمن الرحيم
شكراً لخالد ...... شكراً لمقيم الخيارين ......... [POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]لبنان لاتطلب حميه وفزعه=والله لتبطي مادروبك عروبتك لاتنتظر وقفه ونخوه وجزعه=ألا من الله بعد حلة شبوبتك أصبر على جرحك بقوه ونزعه=وأطلب من الجبار يرفع عقوبتك في كل عام يروح بالغصب مزعه=وهذا سراك مع الجماعه ونوبتك لقوا علينا شلة الغرب هزعه=وترى السبب كله تخاذل عروبتك[/POEM] |
اخوي خالد لانستغرب منك مثل هاذا جزاك الله الف خير واثبك ثوابا عظيم الف شكر لك
|
يعطيك الف عافيه ياخالد على التنويه
والف شكر لمقيم الخيارين على اختصاص المرقاب بالمشاركه مشاركات جميله ومشاعر صادقه من الاخوان الي سبقونا في المشاركه [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مات الوفا والناس ماتت من الناس = والصدق بدَل والكذب صارعنوان ومات الامل من بعدها مات الاحساس = وموت العروبه كان فاّخر حزيران صاروا العرب انجاس من بين الاجناس=ماكنهم كانوا على الحق الاخوان تعودوا شيل التعب فوق الاتعاس= تعودوا عالصمت والصمت خذلان القدس راح وبعده عراقنا احتاس= واّخر ضحية صارت اليوم لبنان [/POEM] |
اهلا وسهلا يابو فيصل
ولاهنت لاهنت هذي مشاركتي المتواضعه! يامال فرقا العين من شوف لبنان ـــــــــــــــــ عقب الطبيعه ...والحياه الجمــيله اليوم غازيها ثمانين شيطـان ـــــــــــــــــــ وتشب من راس الفتيله فتـــيله والجو كله صار شعله ودخـان ــــــــــــــــــــ يالله تزيّنها .. علي اية وســيله ياهل العروبه وصّل الضرب الاركان ـــــــــــــــــــــ ضربه ثقيله والخفيه ثقــيله اما نوقّف وقفتٍ شانها شــان ـــــــــــــــــــــ والا انها تصبح عريضه طويــله |
استلامكم :)
[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يادعي الشعر مالهروجنا واعي = عربك غنوا لنخوتهم وداعيّه القدس ماعاد له في ذكرنا داعي = من عقب قانا والانبار العراقيّه الذيب حاس الغنم وبفزعة الراعي = (الراعي) (ابن العلاقات التجاريّه) كرسيّي وفلّتي وبقية اوضاعي = مانيب اغامربها وينوبني كيّه اخشى لساني يطول ويجبع كراعي = بمسك لساني واسير مع الحياويّه[/POEM] لاهنت يبو فيصل ولاهنا الاستاذ مقيم الخيارين |
يعطيك العافيه اخي العزيز تحيه طيبه يشرفني ان تكون اول اطلالاتي عليكم من خلال هذا الموضوع ولعلنا نقدم ما يتزاحم داخل النفس [POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] طيب .. عرفنا .. آمر .. إخلص .. ويش تبغى ووش تقول:=وإذا إنهدم لبنان !! .. وش يعني ؟ .. تبيني أنصدم ؟؟ !!! حنا تعودنا على إصلخ حكي .. لا .. للفعول = ماغير خذنا بالصياح .. وللمهايط .. إي .. نعم الحرب حنا نشوفها .. ونسمع صدى قرع الطبول=لكن بلانا .. في عمانا .. وكن صايبنا .. صمم القدس راحت .. وإنتهت بغداد .. ولبنان مغسول =( غسلة شراع ٍ للعرب ) .. في سوقها .. زاد الندم والحين .. وشرايك ؟ .. أبي تنسى معي كلمة ( زحول ) = حنا زحول ٍ بالصحن إليا أمتلا ( رز ولحم )[/POEM] تحياتي , , , فواز الزناتي ....................,, |
وهذه .
. . قصايدن ماهيب ترفع بالغنا تحت العلم .... يبرد بها المومن حروقن وسط قلبه مزمنه انا اعتبرها حلم ليل وصح نوم اللي حلم.... والحلم والغفله مصيبه والغلط وين اثمنه السيف يقطر بالدماء والثار يوخذ بالقلم .... ونرثي صلاح اللي على موته تمر الازمنه نمد ايادينا بورد ونرجع ابشوك السلم..... والاخو يسمع منه اخوه ابشرط مايقبل منه امعوضينن خير يامسرح تجارب للألم .... اضحية اهل الميسره صارو من اهل الميمنه . . سلطان . |
لبنان صاحت ياعرب مـن كفلها
تشكي وتنخـا ياعرب فالرجوله لبنان صاحت ارضها لجرح اهلها تبكي صغـار موتها فـالطفـوله غيثو عجـوزن خاب فيكم املها وين القبائل ياعـرب والحـموله ترى المعارك مرها في عسلهـا ومن لايغار اليوم ناقص فـحوله سـنه وشيعـه ضد منهـو قتلها وخـلافنا بعدين نلـقى حـلوله |
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ول أيه ياوقت التصهين والاسلاب = وقت(ن) غدى تالي زماني عقوبه
ان صحت بأعلى الصوت لامجت الابواب = وكل الخناجر في فوادي كذوبه راحت ارضينا دويلات واحزاب = نشجب ونستنكر وفيها صعوبه بيروت راحت تصفية حقد وحساب = وحنا نواسيهم بنفس(ن) رغوبه وش عاد باقي ياعرب غير الارهاب = ولا العروبه.. عزتي للعروبه[/POEM] فراج الهجيني |
الله لا يهينكم ويثيبكم ان شاء الله
وهذي مشاركة بسيطة واقبلوها ببساطتها بسم الله ابدا ___ لبنان تنزف والعرب عادها توْ تستعطف الغرب وتبي منه إدانه مشاهدٍ بالقلب تشعل بعد ضوْ يشيب منها الطفل ويكره زمانه الطايرات أسرابها يكسي الجوْ تقصف بلا رحمة ولا من هوانه أشلا الاوادم تحت الأنقاض صفوْ صهيون ما فيهم هواد وليانه الله يجازي من عليها تعدوْ والأمن في لبنان حطم كيانه وسلامتكم اخيكم العجمــ بـــــدر ــي...@@ |
على الطاير ولكنهابـ قهر ..
إص يا لبــنان إص....... ................ ما بنا واحـد غــيور المحـامي صار لص....... ............... في زمن ملـيان جـور حنّا بس نعرف نبص........ ............... يعني اكـثر من يـبور ومنّي لك هالبيت خص....... ................ وبترك لغـيري سطور سمّعينا " آهـ ونص "....... ................ إن بغيـتـينا نــثور : : وسلامتكم |
في البدايه الله لا يهينك يا بو فيصل على هذا الطرح
و هذي مشاركتي و السموحه لا حصل فيها قصور [POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ما عاد به نعره و لا ثورة إحساس=و الشيخ ضيع هقوة اللي هقوا به قام اليهودي يلبس الدرع و الطاس=و أهل العروبه ما دروا بالعروبه لبنان عقب القدس و الخلق جلاس=و أشلاهم اللي لأجلها شق ثوبـه لكن يا اللي عندك الحق مقياس=افطن لخامس بيت و اسلك دروبه (أما حياة ذكرها يرفـع الـراس=و ألا وفاة في الحيـاة محسوبـه) [/POEM] |
الحقيقة خمسة أبيات لأتعبر عن المصاب الجلل..هذة قصيدتي كاملة..أختاروا منها خمسة أبيات ترونها أو اختاروها كلها أو اهملوها كلها!! الأختيار لكم!! أخوكم الشاعر// سعود سفر الحارثي ++(( يا أمة المليار..غزة وبيروت ))++ [POEM="font="Simplified Arabic,5,black,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black""]وينك صلاح الدين..غزة وبيروت=تحت الحصار ودم أهلها مباحي تئن من قصف ودمار وجبروت=جند اليهود .. بليلها والصباحي في نشرة اورشاليم وأخبار يدعوت=عبر أيهود اولمرت بكل أرتياحي عن جاهزية جيش وضجت أحرانوت=وتوعدوا بلداننا باجتياحي الأ أدلهم الخطب والوضع مفلوت=العُرب مثل الميت والغرب صاحي يحاربون بكمبيوتر وروبوت=وحنا نحارب بالعصي والمساحي أحتلوا البصره وبغداد والكوت=من تركيا الى حدود الصباحي والقدس والضفه غدت قبلها فوت=وشربت عربنا المر بعد القراحي واللي بقي قافيه ذا علم مثبوت=هبت على أوطان الضعوف الرياحي شبابنا يلعب كتشينه وبيلوت=والشيخ يفتي والسياسي إباحي وأهل المصالح بين تطنيش وسكوت=ويدعون للتطبيع والأنفتاحي ذلت بلاد العرب والذل ممقوت=وتجرعت سم الهوان الذحاحي دعس عليها كل خنزير بالبوت=ونادت: صلاح أفزع لنا ياصلاحي أنزل على روس العدى بالبراشوت=وأعلن جهاد.. وقودنا للكفاحي أخاف نتأخر عن الحرب ويفوت=ميعادنا مع النصر والنجاحي اليوم دم المسلم أرخص من التوت=أستسلموا للذبح مثل الأضاحي يا أمة المليار خذلك هلفوت=وعميل ومنافق برتبة إصلاحي الجيش شرطة آمن والشعب مكبوت=وضعٍ يجنن كل عاقل وصاحي كأننا موتى والاوطان تابوت=وش فايده تستعرضون السلاحي منكم تبرت حرةٍ جرت الصوت=وعنها تخليتوا وحملت سفاحي حجابها تدوسه الجند بالبوت=وصاحت ولكن من يجيب الصياحي يشوتها أبن القرد في جزمته شوت=ذلت وجاعت وسكنت فالبراحي عجب بلاد الأغنياء مابها قوت=والكلب فيها شبع وأبن الرباحي والشعب حوتٍ ياكله فالبحر حوت=هامور يخدعهم والأخر يتاحي نستورد الدخان ونصدر زيوت=وكفوفنا على بعضنا شحاحي والأجنبي يسكن عمارات وبيوت=ويضحك على شعبٍ فراشه بطاحي وأعلامنا تطبيل كاذب وسربوت=ماشفت طياره أسقطها مناحي؟؟ النصر مايحتاج له سحر هاروت=عطني سلاح وخبز وأطلق سراحي وفي موقعه كأنها عين جالوت=مضمون تحقيق النصر والفلاحي وموت المجاهد دون أرضه ماهو موت=الموت موت الدين والانبطاحي تسقط تلابيب.. وتسقط سديروت=ويعيش دين العدل والأنشراحي [/POEM] |
شكرا ً لك يابو فيصل ،، وشكرا ً للأستاذ مقيم الخيارين
استلامكم [POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] لبنان ينزف ،، سبايب حزب نصر الله = من عقب جاب المطمّـه واعلن الثورره يدفن مجازره بين اسهوله وتـلـّـه = والـناس مابيــن مجــروحه ومـذعـوره الشعب حايس ،، وزايد طينته بلّــه=عايش حصار القصف بالصوت والصوره وحـنـا الـعـرب نـرتـخي للـخوف والـذلـّه =وكل ً يطارد فـي سعر السهم ,,والكــوره لـوّ كـان طـبـع العرب له مذهب وملّه؟=ماكـان تـرضى تشوف ..دموع سـنـيوره[/POEM] / \ [POEM="font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياحزب نصر الله من عقب غامرت =لبنان يشكي الهدم والهتك والسفك وش فايدة تهديد صهيون وأولمرت ؟ = مادام وسط البحر .. طاحت قذايفك !![/POEM] |
| جميع الأوقات بتوقيت GMT +3. الساعة الآن 03:46 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية