في ذم التطرف و المتطرفين....
 

[FRAME="11 50"][POEM="font="Arial,6,black,normal,normal" bkcolor="transparent" bkimage="./images/backgrounds/20.gif" border="solid,2,crimson" type=0 line=1 align=center use=ex num="0,black""]

*=*
الله اكبر، ياليسار الراديكالي= يا يسار كان باقصى اقصى يمينه
.=.
اليمين اللي طلع برا المجالي= و زود المعيار حزبه حبتينه
.=.
عام الأول في بعيدات الجبالي= شرق كابل بالمغاور ذاكرينه
.=.
تارك داره ، و ربعه و الأهالي= و اول المشوار-- قالو لي -- يا زينه
.=.
و يوم عود نصهم ياهملالي = انقسم قسمين ، و أزينهن ياشينه
.=.
أيمن القسمين ، واصل فالقتالي= و قام يثقب بالمثاقب فالسفينة
.=.
و أيسر ، القسمين ، قال: أرثي إلحالي = جازع نادم على ماضي سنينه
.=.
و انتحى بالوجه للقطب الشمالي= و عن سهيل اشاح و اقفا بالظعينه
.=.
كان في شرع الله الطاهر مغالي= و يوم كف عن التشدد، كب دينه
.=.
عام الأول يسري أنصاف الليالي= مع خبول ٍ للهبال مزهبينه
.=.
و نحروا بيت ٍ لقوا فيه اختلالي = و أحرموا من يسكنه طعم السكينه
.=.
و احرقوا به ،و اللهب ، يشعل اشعالي= و السبب، قالوا للاشرار ابه عِينه
.=.
شافوا النسوان ربات الحجالي= يدخلن البيت مع فينه و فينه
.=.
و اصبح المحروق ملجا للعيالي = اليتامى والارامل قاطنينه
.=.
و ان لقوا فالسوق غليون الرجالي= صادروه ، و جرّحوا بمدخنينه
.=.
و من بعد تابوا، عن افعال الضلالي= مسكوا الاعلام... و القصه حزينه
.=.
و حملوا ما صار من فعل و مقالي =منهج الوهابي اللي دارسينه
.=.
و لا تشوف اللي يقول اللي جرالي= فعل نفسي، و الفتى فعله يدينه
.=.
مادرى انه فالضلاله لا يزالي = يشعبه فالشر ما حول قرينه
.=.
يوم شد الحبل، ماج عن المحالي= و ارتخى حبله و جات الدلو طينه
.=.
ثم قص من الغضب كل الحبالي= و اصبح المسكين فارغة يدينه
.=.
التكبر، و التعجرف و التعالي= و فكرة التدمير، قبل ، و هالحينه
.=.
خلى الأول و اتجه لا قصى التوالي= شاف يم الغرب ناس محتمينه
.=.
و انصرف عن كل عمان و خوالي = لين ساقوه العدا ، سوق البدينه
.=.
و ان نشدته عن وش القرآن قالي = قال : انا مانيب ساكن في المدينه
.=.
و امنياته ، كنها احلام و خيالي= و لا تشوف احوال الامه نصب عينه
.=.
لو تقول الروم جونا للنزالي = قال ، ليت الدار في يدهم رهينه
.=.
لين ما يبقى لحكم الشرع تالي = و تصبح الدنيا ، جماهير هجينه
.=.
و يصبح الرجال يمشي مايبالي =دام عنده فالبلد بار و خدينه
.=.
لو يزيد الفقر، و تشين الحوالي= الوطن في نظرته خمر و كبينه
.=.
و لو تقول :امجاد الأمه ، قال : مالي= مجدك الفاني، فناه مثبتيه
.=.
مايميز فالحرام من الحلالي= غير شيء ثبتوه مبرمجينه
.=.
خاليٍ فكره، و حتى الكف خالي= لا خلت كفينه من الغرغرينه
.=.
اجذم ٍ لو شيف للمحجر يشالي= يفجع المحجر و يفجع نازلينه
.=.
و أشهد انه فاول الدنيا وبالي= و تالي الدنيا،،،وبال و ثقل طينه
.=.
قيل: من؟ قلت: اليسار الراديكالي= اليسار اللي بدا باقصى يمينه
**=**
[/POEM]

و السلام عليكم
[/FRAME]

بدر أبن ثعلي..صح لسانك!!
وفيت وكفيت..والله يهدي
المتطرفين!!

سعود الحارثي
ماعلاك زود يالغالي

اخوك بدر

و انتـحـى بالـوجـه للقـطـب الشـمـالـي
..........................و عـن سهيـل اشـاح و اقفـا بالظعيـنـه
..
كـان فــي شــرع الله الطـاهـر مغـالـي
.....................و يـوم كـف عـن التـشـدد، كــب ديـنـه



الله الله

يابدر بن ثعلي

اللسان يعجز عن شكرك بعد الله سبحانه وتعالى بحسن الابداع والجزاله


تقبل التحيه مع التقدير
اخوك/حسين الدوسري

الله الله

يابدر بن ثعلي

اللسان يعجز عن شكرك بعد الله سبحانه وتعالى بحسن الابداع والجزاله


تقبل التحيه مع التقدير
اخوك/سعود

صح لسانك يا بدر
وسلمت يمينك ... وعلا شانك
ابدعت وامتعت
تحياتي لك ..

شاعرنا الغالي ..
بدر بن ثعلي .. اولا هلا وغلا .. وترانا فاقدينك لك فتره .. عساك ماتفقد غالي ..:)


وثانيا ً ..

صح لسانك على هذا الشعور النابع من حب الخير ونبذ الشر ..

واسأل الله ان يصلح حال كل متطرف او ان يريّح الارض منه ..


صح لسانك مرة اخرى ..

وسلامي عليكـ ..:)

مـــادرى انـــه فالـضـلالـه لا يــزالــي،،، يشـعـبه فـالـشر مـا حـول قريـنه
..
يـوم شـد الحبـل، مـاج عــن المحـالـي ...و ارتخـى حبلـه و جـات الـدلـو طيـنـه




بدر بن ثعلي



صح الله السانك


على هالقصيده المعبره الصادقـه وكفيت ووفيت يا بن ثعلي


لاهنت ويسلم هالراس من كل شر



تقبل تحياااتي

اخوي/حسين الدوسري

يا هلا و الله و غلا...مرورك يرفع الرأس و لك وافر تحياتي....شكرا لك....

أخوك...
بن ثعلي

قصيدة تاريخيه يا بو ثعلي

وليس من السهل أن تظهر بالشكل الظاهر أعلاه
لكنك اتقنت صياغتها والحق يقال

راي فكري وقصيدة محبوكه ( صح )

بارك الله فيك يا شاعرنا القدير وصح لسانك ،،

الله ياا بدر بن ثعلي


قصيده جميله والله يهدي المتطرفين ..


صح السااانك ولاهنت


تقبل تحيااتي

صح لسانك يا بدر
وسلمت يمينك ... وعلا شانك
ابدعت وامتعت
تحياتي لك ..

إبن قويعان

يالله حيه

شكرا لمرورك العذب
بدر

الأخ العزيز/خالد الخييلي
أشكر لك مرورك النبيل....و لطفك الجميل...

بدر

مـايـمـيـز فـالـحــرام مــــن الـحـلالــي 00غــيــر شــــيء ثـبــتــوه مبـرمـجـيـنـه
..
خـالـيٍ فـكـره، و حـتـى الـكـف خـالـي 00لا خـلــت كفـيـنـه مــــن الغـرغـريـنـه

صح لسانك يابن ثعلي وصح شعرك،،،،

مديرنا العزيز وشاعري المفضل سلطان ابو سالم

كلماتك ترفع معنوياتي، فلا عدمتك


بدر