إذا أبدع حبيّب وعواض الشهيب استمتعنا !!!!!
 

من المحاورات الجديدة الجيدة ( حبيّب وعواض الشهيب ) فلنقرأ ونتذوق : ـ

حبيب : ـ
سلام الله سلاماً مغلقاً بابه على ما فيه
@@@@@@@@@@@@@ ولا يقدر يفكه غير من نعطيه مفتاحه
ياعواض الشهيب الميت اليا مات من يحييه
@@@@@@@@@@@ @ أبعطيك السوال وجاوب وفكر على الراحه

عواض : ـ
هلا يامرحبا رحب الوفا واللي زعل نرضيه
@@@@@@@@@@@@@ واخص الشاعر اللي معتبر ظاهر على الساحه
أنا داري عن اللي تقصده والعلم مابخفيه
@@@@@@@@@@@@@ ترى الله يحيي اعباده بعد ما تقضي الصاحه

حبيب : ـ
عسى الله ما يجيب النا الزعل وانته تقوله ليه
@@@@@@@@@@@@@ مدام الطير يبقى الريش يعني شيّ بجناحه
يا طول الجدر دون القصر واليا طاح من يبنيه
@@@@@@@@@@@@@ أبو رجلٍ خفيفة يجمع النقزة مع الطاحه

عواض : ـ
كلامك يا حبيّب من ذهب مير الذهب نشريه
@@@@@@@@@@@@@@ وانا ما قلت فيك خلاف تومي لك بمسباحه
يا طول الجدر مير الجدر يعرف خلّته راعيه
@@@@@@@@@@@@‌‌‌ ‌‌ ‌‌‌ولو تسبح بحر ترى البحر مليان سبّاحه

حبيّب : ـ
أنا لو زلّ ابن عمي بزلّه ما ارخصه واغليه
‌‌‌‌‌‌####################### ولا أصدق كثير الناس سراقه ومزاحه
تبى تقلع مع الطيار عقب انك حجزت أوكيه
‌####################### ولا ادري رحلة الأعمال والا رحلة سياحه

عواض : ـ
ترانا نغلي الطيب وراعي الهينة نعميه
###################### ولا نسمع كلام الناس دام الناس مرتاحه
أشوف العازمي يبغى التجاوز مير ما يمديه
################### وعوّد يلتفت في السكسيَ اللي طاح مصباحه

حبيب : ـ
نبى نكشف على اللي فيه جرح وجرحه نداويه
#################### وحنا في مجال الطب شعاراً وجراحه
أنا اشوف الشهيب من الحيا قامت توامى ايديه
#################### بغى يغلط وعوّد يفرك الراحه على الراحه

عواض : ـ
بعد صعْب الدوا وش رايك اتجيبه وانا بكويه
#################### وحنا في شبوب النار قوم زنود قداحه
أنا ما اغلط ولا تغلط وذوق العلم في تاليه
##################### وجوّ الطايف أحلى من روابي نجد والباحه

حبيب : ـ
ولا يا حارس النادي تحزّم كان جاك بليه
##################### ترى ما كل تاجر فالبضاعه يضمن ارباحه
أنا بعطيك عماً قبلنا كل العرب توحيه
#################### تسير القافلة لو في الطريق اكلاب نباحه

عواض : ـ
ولا يا بليه كيف أهلك مسمينك على اسم بليه
##################### ترى بعض الأسامي للوجيه البيض فضاحه
صحيح اللي سمعته نسمعه يا صاحبي قول إيه
#################### مثل شعبي ما غيّر جيّة الشاوي ومسراحه

حبيب : ـ
انا ما لي دخل في بليه لا خاله ولا ابن آخيه
‌‌################### كتبت اسمه على شانك مسحت اسمه بمساحه
ليا ميّزت في معناك لا اجيبه ولا اوديه
################### تحلّم يالثبيتي نايماً لك فوق طراحه

عواض : ـ
ما دام انك مسحته غيّب اسمه لا يجي طاريه
################### أثركم يا جماعتنا نهار الضيق صياحه


والسلام ،،،،،،،،،،،،،،،،،،،،