من يجد لي هذا المحراف ؟؟
 

أخواني الكرام المهتمين بالمحاوره

السلام عليكم ،


فيه طاروق بين الشاعرين الكبيرين مستور العصيمي وحبيّب العازمي بحثت عنه في كل مكان ما وجدته :(

لم أجد خبره حتى عند حبيّب نفسه !
ولا أملك فهرس محدد يساعدني على الوصول لشريطه المسجل !

من يجده اتمنى ان يجد الطريقه المثلى لإيصاله لي مع الشكر والإمتنان ،

المحراف بلحن قديم وجميل لم يعد يغنّا كثيرا كانت بدايته من حبيّب يقول فيه :-

يا العصيمي تكبرّت ماعاد حتّى ترد السلام
رفقتك مختلف شكلها صحبتك مختلف لونها

_____________________





......

اخي سداح ..!

هذي الملعبة حضرتها ..وهي عند الجماعة أسأل عنها أهل الطايف لأنها على ما أذكر عام 1417/1416 هــ

فهي موجودة في مكاتب الشعر هناك..! أمثال شركة القصير والوهيبي وغيرها.!

ويحضرني من أبياتها قول ابو تركي :

ماني اللي يريد الهوى والغرام يالعين الرسام
رغبتي في الحياه انحر القوم واكثّر طعونها


ولك التحية.........أخوك

الدكتور سداح

سمعت عن هذا الطاروق واتمنى ان يجدونه الاخوان

شكرا لك على هذا السؤال

أخي محمد السواط

شكرا للافاده .. لكن مشكلة محلات بيع أشرطة المحاوره ان من يعمل بها غالبا ما يكون من العماله الوافده والذي يصعب معه إيضاح المطلوب !!

قبل عام مررت القصيّر اللي في شارع التلفزون على ما اذكر في الطائف سألت عن هذه المحاوره احد اصحاب المكتب من السعوديين لكنه لم يذكر بداية المحراف وصارحني بأن المرجع هو ( الكتلوج ) اللي امامك ! والكتالوجات كما يعلم الجميع لا تحمل الا اسم الحفله او القصر المقامه به الحفله ومن الصعب ان تضع بداية المحاريف في فهرس التصفح !

والحفلات المقامه عند ربعنا السوطه كثيره وتكاد تكون ليليه :)

على العموم لاهنت على الإيضاح والبحث جاري لعل الله يساعدني في الوصول لهذه المحاوره المطلوبه ،


سلام الله عليك ،

والله إنّي سامعه منذو مبطي ياسداح.. مير خلّ رمضان يخلص وأدوّرله إلك في ( الإرشيف القلطوي ) :)

بس وشرايك فالمشروع ؟
:)

ودي اخدم يالربع



وخاصه مادام هو الدكتور


بس والله اني ببذل جهدي ولا اوعدك بشي


الله يقدرني والقاه ثم ابشربه


تقديري ومحبتي لك


\

الاخ تركي البادي

مرحبا بك ومسهلا ..


..

ابو تركي

اهم شي الارشيف القلطوي هو اللي عليه الكلام

وخل المشاريع تلزم الحزم :)



هلا وغلا ..

الأخ العزيز محمد بن نجر

بارك الله فيك وشكرا لاهتمامك

اشكر لك سعيك مقدما بغض النظر عن النتيجه :)




..

،

..


الغالي ابو سدحه :)


قد أدلك على شخص اظن بأنه سيجد حاجتك وقد يعتبر مرجع في هالأمور ... وهو زميلنا العزيز ( وصل العطياني ) :)



وحتى يرد عليك وصل ,,, تقبل مني هذه الهدية المتواضعه

محاورة رباعية بين حبيب والعصيمي والسناني والعلوني



(ros-





تحياتي / حامد

عالمي هالطاروق .. اللي من ضمن ابياته إن لم تخني الذاكره :-

انت وين انت يوم الضوامي على العد وردن حيام
ملتوي في ذرى نخلة ٍ يابس ٍ نص عرجونها
آه واجسمك اللي برى من دروب الهوى والغرام
قصتك قصتك .. ذكرتنا بليلى ومجنونها ..:)

وعليكم السلام .. اخينا العزيز ..

والله اني كنت ادوره مثلك حتى فقدت الامل في الحصول عليه :(

ولازالت عمليات البحث مستمره ..

فـ لكن ان لقيته لاتخليني .. وان لقيته منيب مخليك :)


سلامي عليكـ :)

الغالي حامد المطيري


لازلت أحاول تفسير إختيارك لزميلنا العزيز وصل العطياني :)


واشكرك على الهديه التي لم تشتغل من (( البارح )) !!


تسلم على تفاعلك واهتمامك ،،

الرمز سلطان ..


لو ماهو عالمي لما بحثت عنه :)

ومشكلة الشعراء المحترفين ( مثلك وشرواك ) يغيّرون في بعض مفردات الطرق المنقول وقد يكون التغيير للانسب كما فعلت في تغيير كلمة نحل إلى برى في عرض بيت حبيب الاول الذي نقلته اعلاه ..

:)

وأعتقد انك في ساحة الحدث وفرص الوصول للمطلوب سانحه لسيادتكم اكثر منّي :)
لأني في ساحة هبـّان وقرقيعان :)

لكن .. تم تم

من يجده قبل الآخر يبلغ خوّيه


شكرا الف لحضورك ،،

،

..


ابو سدحه الوصله تشتغل معي زي اللوز .. بس الظاهر جهازك مهو زي اللوز :)



أما عن وصل ,,, فأنا اقول انشده وما جاك في وجهي :)





تحياتي / حامد

^
^


وجهك ابيض ان شاء الله

:)


واللوز والله لو اشوفه في محل الفواكه ما اعرفه :(



لاهنت لاهنت :)

اخوي الغالي سداح

اجنا السنه هاذي في عفيف عايدنا

واضمن لك انك ما تروح الا بشريط المحاوره

الله يحفضك

^
^


الغالي سعود غنام

عسى كل ايامك اعياد وكل عام وانت بخير

والحقيقه عرضك مغري جدا :)

تقول وتطول وشوفك اتمناه بعيدا عن المحاورات المطلوبه بانواعها

وعلى فكره حب لي خشم راعي التوقيع الله يعز شانه واشكره بالنيابه ،


سلامي المخصوص ،

و الله اني متابع الموضوع من بدايته ..


وكل يوم ادخل هنا .. واقول عسى المحاورة موجوده

هيضتونا وحنا ننتظر


اخوكم

ابو نايف

:)


هلا وغلا يا بو نايف

لا تقول متابع بس !
أبحث معنا تكفا :)


الله يحييك ،،

ابشر و الله يا سدااح ..

انا سألت الوالد الله يطول بعمره وقال المحاورة هذي سمع فيها لكن شريطها ماهوب موجود عنده وقال لو تحصل المحاورة بلغني فيها ..

واتصلت بواحد بالقصيم وقال بيسأل عنها بواحة الشعراء ببريدة ممكن يحصلها عندهم ..


وانا متابع وان حصل شيء بلغتكم ..

اخوك

ابو نايف

ابو نايف ..


الله يطول عمر الوالد على الصحه وطاعة المولى

شكلي اشغلتك معي :)


الف شكر لاهتمامك وتسلم تسلم تسلم ،،



...

السلام عليكم

الغالي سداح

بامكاني البحث عن الشريط وان شاء الله القاه

مير حول على حسابي قيمة التعب وقيمة الشريط ( رقم الحساب راح ارسله رسالة خاصة )

تعرف مصاريف العيد :a16:


(tlk-