بيني وبين شاعر هوازن الشاعر الكبير عبد الرحمن العطاوي
 

أخواني أخواتي في هذا الصرح الشامخ هذه قصيده وجهتها الي الشاعر العلم شاعر هوازن /عبدالرحمن العطاوي وشرفني بالرد0

وأحب التنويه الي أن النقاد قالوا عن شعر العطاوي إنه يحتاج للقرءاه أكثر من مره لما له من عمق المعنى



هذه قصيدتي المتواضعه


[POEM="font="Simplified Arabic,5,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""] يالله يامـــــروي الفياض المعاطيش = مروي ضماها من صدوق المناشي
من وابـــلٍِ صـــادق بروقه مراهيش = وبلٍ علـــى نبته تزين التـــماشـــي
ياعــــالم الأجـال والخاتمـه ويش = ياكافــل أرزاق البشر والمـــواشـي
تجعـــل لنا توبــه بعـد حــالة الطيش = قبل الممـــات وحــــزة الإرتعاشـي
ومن بعد مطلوب الولي نبتدي بيش = إمـــا جــــزالة شعـــر وإلا بــلاشي
ســلام ياحــرٍ شهــر بالمطــــاريش = حرٍ على فـعل المــــــواجيب ناشي
يكفخ ولا يـــرضى المذلـه ليا نيش = يمــــوت مايرضــى الكرامه تناشي
تفخـــر هــوازن كل ما قـالوا تعيش = شاعر وفـــي شعره يزيد إنـدهاشي
هذاك أبـو نـــواف في مقـدم الجيش = لو إنـــه ابعـــد من ديـار النـــجاشي
حــرٍ ليا جاء لازمه ينهض الريش = تاريـــــخ مايمـحاه حــــــاقد وواشي
يطري عليه لاغشى الجـــو تشويش = وقامت همـــومي تدرج وسط جاشي
وقول إلـه في القلــب مثـل المناقيش = ومـــن ما تشوف العين زاد إرتباشي
أشوف ناسٍ همها لقمة العيش = ناسٍ تبيع الدم الاحمــــــر بلاشي
اللي لهرج أم الخـــلاخل دراويش = وإن قلت ربعك قال ربعــــي معاشي
ضـــاعت مـلازيم العيال المداغيش = ياحـــــيف وين أهل النفوس الهشاشي
اللي لهـــم ميقـــاف ليـــل ومغابيش = وميقـــــــاف لا قالوا طريح الفراشي
جاء عقبهم قوم الحيل والبخاشيش = أطيبهم اللـــي في المراجــــــل دباشي
هذا ســـــمين العـلـــم والسالفه ويش= وش حيلتي في أهل القلوب الغشاشي
وختامها صلـــوا على صفوة قريش = عـــــداد مــــاهلـــت صـدوق المناشي[/POEM]

وهذا رد الشاعر الكبير عبد الرحمن العطاوي


[POEM="font="Simplified Arabic,5,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]لا0مال طايل بين الأخوان تهميش=وما قال طايل قلت بالحيل ماشي
أعز واغلى عندنا من ذوي عِيش=بيض البيوت اللي تعاف الرباشي
من رايح الوسمي يعل النشانيش=وينبت خزاما والنفل في الدشاشي
برحي من البصره مهي نبتة الِحيش=أودر بكرٍ في ودّيْ المعاشي
بنات فكره سامياتٍ مباهيش =شمٍ شعن فكري وبالحيل شاشي
لو إعتراني قبلهن منه توحيش= طول إنقطاع وسر الاحباب فاشي
يمديك ياطايل على كل شاويش=ترضي زميلك بالدرر والقماشي
أصايلٍ ما سابقاً الأكاديش =بنات عالوه حصان التعاشي
نجم الجدي قدوه لمن هاجسه ديش=مايفتقر بيته لشرح الحواشي
خلى بيوتي يرفعن الشوابيش=وزهور ريضان الضماير رواشي
هش المشاعر زادها منه تهتيش= وخّذنْ من داخل حماهن لشاشي
جني بنات أفكار طايل محاريش =غمزاتهن ياحسبي الله غشاشي
في وصلهن كيدٍللأعمال تمحيش=وسلهامهن مابين مرشي وراشي
يا أطهر مواقعهن ولادار ترويش= عرس الشغار من القصايد دهاشي
ناشنٍ حشاشاتي على كهرب الفيش =المسكرات بغير خمر الغراشي
عقب السديري وابن بذال تنعيش =قننت رميي عقب ماهو طفاشي
فنار طايل ما غشته الطرافيش =في ذروةٍ ماحام حوله خشاشي
تعيش ياطايل لهشالك معيش=في جفنةٍ فيها خروفٍ وحاشي
هي دوك يامتيه سهاف القناطيش= مابين حسله والََحَوّم والرقاشي [/POEM]

1

سـلام ياحـرٍ شهـر بالمطاريـش
حرٍ على فعـل المواجيـب ناشـي
يكفخ ولا يرضى المذله ليـا نيـش
يموت مايرضـى الكرامـه تناشـي


يستاهل

لا0مال طايل بين الأخوان تهميـش
وما قال طايل قلت بالحيـل ماشـي
أعز واغلى عندنا من ذوي عِيـش
بيض البيوت اللي تعاف الرباشـي
تستاهل


صوت وصدى قمه ياطايل

بين شاعرين في غنى عن التعريف

صح لسانك وصح لسان العطاوي


شكرا لك تحياتي

يامرحبا بالذويبي طايل والله يحييك عقب الغيبه :)

عزالله قصيدتين ولا أروع ..وصح لسانك أنت وابو نواف ....ابدعتوا ولا فيها كلام..
.
.
والحمد لله على السلامة يابو سعد وماتشوف شر ..وسامحنا على القصور
.
.
تحياتي وتقديراتي..

الله الله ياطايل ..

رديّه و1فيه من شاعرين لهما مكانتهما ..

الف صح لسانك على هالقصيده ..

وصح لسان الشاعر الكبير عبدالرحمن العطاوي ..

تقبل فائق ودي وتقديري ..

اللهم صلي على محمد عبده ورسوله

الله الله الله

صوت رائع بالفعل وصدى اروع كثيراً

طايل الذويبي

عبدالرحمن العطاوي

ماأجمل هذه الاسماء في سماء الشعر

صح لسانك ياطايل ملالالالالالالالالالاين

وصح لسان شاعر هوازن عبدالرحمن العطاوي

شاعرنا القدير ابو سعد ..

الله يسعد مساك وكل عام وانت طيب وتقبل الله منك صالح العمل ،
قبل الرد أهنيك بالسلامه والحمدلله عليها ولا ترى باس
سعدت بتواجدك بعد العارض الصحي الاخير ..

أسال الله ان لايريك مكروه وأن يديمك بأتم صحّه وأحسن حال

.
.

هذه الرديّه ستبقى من النوادر في الشعر الشعبي ..
إسناد محكم وقافيه مطوّعه وإختيار علم من اعلام الشعر ليكون منصى لهذا الإسناد

ومن بعد مطلوب الولي نبتدي بيش
إمـا جزالـة شعـر وإلا بـلاشـي

عزالله انك عرفت تبتدي بإيش ولم تخلو من جزالة القول والبدع المميز بحق ..


من لايعرف الشاعر الكبير عبدالرحمن السليس العطاوي فهو أحد عباقرة الشعر من وجهة نظري وقد تكون الشهاده هنا مجروحه إلا ان النور لا يحجب فهو بادي بعون الله ،

لازلت اذكر له شطر قديم (( فمي توسّع من كثر قولتي آآآه )) !!

شاعر عظيم له مساجلات دوّنت بماء الذهب مع الشاعر العلم عبدالله بن عون
كما له باع طويل في الشعر لاسيما ما يختص بوصف الطير !



الغالي ابو سعد
كنت أتمنى ان تشمل لقائات الحصريّه مع اعلام الشعر .. الشاعر عبدالرحمن العطاوي ..


الحقيقه انك في هذا المتصفح اهديتنا هدية قيّمه جدا

صح لسانك ولسان الشاعر الكبير ابو نواف ،


...

اخوي الغالي سلطان بن بتلا

من العايدين قبل الزحمه

ومروك شرواك يشرف القصيده وراعيها

فيا هلا مليون بمرور شرواك

صوت وصدى وابداع ما مثله ابداع...........
.................. صوت الذويبي والصدى للعطاوي





عن جد جزاله ورقي وجمال ..

الله الله الله

من الروائع الثنتين اي والله

شعار كبار

صح لسانك يا طايل ولاهنت

ياسلام صح اللسنتكم جميع



قمم الله لايضركم


لاهنتووووو


احترامي


.

اخوي فيصل مرورك تشريف للقصيده وراعيها

وش اقوووووووول يابوسعد



علمين من اعلام الشعر



صح لسااااااااااااااااااااااانك ولسانه






وكل عام وانت بالف خير





اخوك

ابوسعد

الحمد لله على السلامه ..

وعيدك مباااااارك

ولاتحتاج اشاده .. الله لايهينك

مبدع اينما تحل ..\\

وابو نواف شاعر هرم ..

النااااااايف

.
.



طايل

والله والله والله

الصمت ابلغ من الكلام في الصوت والصدى

شعراء كبار كبار

صحة ألسنتكم





.
.

الله الله ياسلام

قمم الله لايضركم


شكراً للشاعر القدير طايل الذويبي على القصيـده ثمينة قصيدة رائعة من شاعر جزلّ

و يستحق المتابعـة
صح لسانك
تقبل تحياتي وتقديري
أخوك حسين الدوسري

الغالي : طايل الذويبي


ابدعت ابدعت


,, صوت راائع وكذلك كان الصـدى


طايل الذويــــبي : صح لسانك .
عبدالرحمن العطاوي : صح لسانك .

صح لسانك ياطايل..وصح لسان العطاوي..
بدع ورد من النوع الفاخر جدا..
تحياتي لكما!!

اخوي ساري مرورك أسعدني يالغالي وزادني شرف

فيصل السواط

كل عام وانت بخير واشكرك على مرورك الكريم