هلاله طبت الصاله
الأخوه وألأخوات في المرقاب الخلاب
اقدم لكم هذه القصه الواقعيه املا ان تنال اعجابكم القصيده اسمها "هلاله" القصيده [poet font="Simplified Arabic,5,black,bold,normal" bkcolor="transparent" bkimage="backgrounds/18.gif" border="double,4,gray" type=2 line=200% align=center use=ex length=0 char="" num="0,black" filter=""] بيوم العيد فرحانه وخجلانه ومذهوله=بكت في فيت الوايت وابوها يربط شماله تقول العام شاريته... سنه هذا الشهر حوله=وبعد ما كنكنت قالت: هذاك العام ياهلاله بطا ولا الحطب خلا سلوك الزري منسوله=ورا ما اغدي بحالي واترك الشيفون في حاله وليش الزينه الله لا يعيد البر وفعوله=ذوت زهرة شبابي فيه شداده ونزاله ورى ها الذود انا والعود يالجواد قولوا له=يروح العيد دونه عيد ثاني ماشتري شاله تحن البكره ام القيد مهجوره ومعقوله=ويموت الادمي موتت ضما والما على باله يجوز ايقال مبدوله وانا ماني بمبدوله=انا بنت العرب وام العجب لو حالتي حاله متى يلفي سديد الراي وارضى به على زوله=خليل اربط حياتي فيه واربي له عياله وانا اضمن له اليا عزمن وقيل الزين من هو له=ودار العلم فالديره وكلن حط معداله وجن بليلتن معضم كراس الحفل ماهوله=وهاذي تشكي لهاذي: ولدها ضيع نعاله انا اضمن له بليلتها يهجد العرس وطبوله=دقيقة صمت سبتها هلاله طبت الصاله وسلامتكم [/poet] |
د
ق ي ق ة ص م ت س بتها هلالالالالالالالالالالالاله طبت الصاله صح السان وابيض وجه تحياتي لك يالغالي |
من العايدين ياعمار
بين ذود وخيمة وابراج وشوارع البيكدلي نسجت مايكفي انه بتوقيعك شكرا لحضورك |
راااااااااائع
راااااااااائع
قصه راااائعه أجدت في صياااغتها بيض الله وجهك فقد ذكرتني بالماضي والديره الله يعطيك العافيه وكل عام وأنت بخير والى الامااااااام سجل أعجابي |
اخوي العزيز / عامر عمار
صح السانك ابيات 100% ونت 100% لك كل الأحترام والتقدير اخوك محمد العتيبي |
عامر ............ الشعر
دائماً تغرد ابداعا ً صح لسانك ... ولاهنت على هالشاهقه انتظر جديدك دمت بخير تحياتي:) |
الرائع الشاعر عامر عمار
قصيده رائعه تقول العام شاريته... سنه هذا الشهـر حولـه $$ وبعد ما كنكنت قالت: هـذاك العـام ياهلالـه لاهنت صح لسانك تقبل تحياتي سالم وغانم اخــــوان |
عامر عمار
وربي انك مانتب صاااااااااااااحي ومجنووووون مجنوووووون يسكنك ابداع غرررريب تبي الكلام الصحيح ياعامر واللي دائماً يجي في بالي اذا قريت لك شي؟؟؟ تعال قسم بالله مابعد تمنيت اي قصيده من قصائد الشعراء انها لي الا قصيده لنايف بن متروك السميري وقصايدك كلهن اللي قريتهن نسيت اعايدك حسبي على الابداع اللي هييييك من العايدين وصح لسانك ياعامر دمت ودام ابداعك لاعدمتك تحياتي لك ايها النقي |
الغالي / عامر عمار
صح لسانك.. قصيده روعه في الجمال ... ليست مستغربه ... شاعر جزل يا عامر... تدري .. يا خوك عجزت أعبر سامحني.. تقبل تحياتي واعجابي بجنون.. |
المبدع : عمار العمار كل عام وأنت بألف خير
والله يبارك في هلاله اللي جابت هذا الآبداع منك لم نتعودمنك غير هاذا الابداع يها الرائع سجل أعجابي الشديد |
عامر الشعر............................مساء الابداع...
ومن يلومني عندما اقرن اسمك بما يسمى الابداع ويتسابق المبدعين لنيله.... انت... انت... انت... في الطليعة... يموت الادمي موتت ضما والما علـى بالـه......... ونحن ياعزيزي لن نضمأ الشعر وانت على الباااال ابدا... ابو عمار... شكرا للحظة كتابة هذه الفاتنة........ نصيحة.................قل للصمت ان يصمت !!!!!!!!!!!!!!!! تحياتي |
عامر عمار
صح لسانك
وسلم بنانك وتصفيق حار على هذه الرائعه سجل اعجابي ومتابعتي الدائمه لك ياعامر |
عامر عمار
صح لسانك وبيض الله وجهك
قصيدة وافية من شاعر وافي .. لا هنت تحياتي لك بو عرب |
سعيد الشهيب
حضور بهي ومرور كريم
شكري لك عل كل هذا تحياتي لك وتقديري اخوك عامر عمار |
الشامخ ناصر النفيعي
من الفايزين وعسى ايامك كلها سعيده يا بو بدر
شيىء مما عندك يا بو بدر لا هنت على هالمشوار تحياتي .....Thanks in deed عامر عمار |
استاذي محمد بن مصوّي
غيثك عميم ونباك كريم
عاجز عن اللحاق بكرم مفردادك يالغالي ولكن شكرا اخوك عامر عمار |
السلام عليكم
الاخ الغالى عامر عمار صح السانك على القصيده العذبه الرائعه وافيه من وافي تقبل تحياتي اخوك خالد بن سكران |
هنا تجد الماضي ....بكل مااسيه... بكل الامه.....بما يحمل من عرااااقه ومجد......
هنا الشعر ...هنا عامر عمار.............. تحيااااتي.......... |
الشاعر الأخاذ سنجار
بما تحمل الكامات من معانى وبما تحمل الحروف من احجام فلن تحيط بما اكنه لك
شكرا بمعنى الكلمه وشكرا بملىء الحرف اخوك عامر عمار |
ســـلطان
السلطان سلطان
تحيه عذبه لكل ما ابديت فى حقى غمرتنى بكرمك الذى عوتنى عليه اخوك عامر عمار |
الغالي محمد الكرشمى
الروعه في وجودك يابو حمود
اهلا بحضورك وشكرا لمرورك سالم وغانم اخوان عامر عمار |
الأعجوبه عكاشه
لن اخفيك سرا بأنني شعرت بالغبطه ولم انم ليلة ردك
فجزاك الله كل خير على هالتعقيب الذي اخذني الى الفضاء وسامحك الله على مانتابني من سهر بعد تعقيبك اخوك عامر عمار |
| جميع الأوقات بتوقيت GMT +3. الساعة الآن 06:33 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية