(( ضبطني ))
 

سلام عليكم

متواضعه جدا ارجو لها القبول

[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]اقول حبك تعب وتقول: وش حدّك؟=واردّ واقول لك : حبّك مربّطني

لولاه ماجيت لك يالعنبو .......=دايم ردودك وكلماتك تحبّطني

كانك تقول الكلام اعلاه ^ من جِدك=مااحد ٍ على حالتي وياك يغبطني

اعطيك ولااتحرّى بالعطا مدك=ومن عرفتي فيك ماقد قلت لك عطني

اهديك قلبي ربا والقلب ماسدك=وشلون ابا ارضيك مدامك تغالطني

احاول اكسب رضاك ولااخسر ودك=واسفط لك الخير واشوفك تورطني

ببعادك وهجرك وبفراقك وصدك=ماكن بيني وبينك شي يربطني

ابسطك وابغى هناك ولاانتظر ردك=وابسط لك يديّ مافكرت تبسطني

لعبت بي بين جزر وصالك ومدّك=لاانت اللذي قلت:روح ولاتقلّطني

اليا متى وانت تخطي والسنع ندّك=تطوفني بين هفواتك وتلقطني

ولاجيت اجادلك واواجهك واردك=مدري وش اللي لياشفتك يلخبطني

اجي وكل الكلام بداخلي ضدك=واروح ماقلت وعيونك تحاوطني

لكن اذا طوّلت بروح واهدّك=اليا زعلت انتبه لي لاتبَاسطني

انساك وارتاح من جورك ومن كدك=واشخطك من لستة الغالين واشخطني

انا رجل والرجل يغليك ويوّدك=وسهم مزاجك يعلّيني ويسقطني

مانيب سلسال والا ساعه بيدّك=ولانيب ثوب ٍ على كيفك تخيطّني

كان الغلا والهوى والشوق ماشدّك=لاتصدّق ان كان يقدر حبّ يربطني

اختار بالحالتين وشوف وش ودّك=ياتعلن البعد والا انّك تضبّطني[/POEM]

وسلامتكم

.

فيتامين ( و ) !! ( الأوّل )
و :
ضبطني .. يالمرقاب
http://www.shathaaya.com/vb/images/smilies/i.gif
.

1

جميع انواع الفيتامينات

مانيب سلسـال والا ساعـه بيـدّك
ولانيب ثوب ٍ على كيفـك تخيطّنـي

الله الله كفو ولاهنت

صح لسانك ولك تقديري

اخوك

ابو نايف

اختار بالحالتيـن اللـي علـى ودّك
ياتعلـن البعـد والا انّـك تضبّطنـي


هذا الكلام اللي الكلام

صح لسانك يامبدع


تحياتي لك


اخوووك

هلا وغلا ياسلطان
ياسلام عليك والله :)
صح السانك ولاهنت
أبدعت وأمتعت. لله درّك
لك التقدير والاحترام

كان الغلا والهوى والشوق ماشـدّك
لاتصدّق ان كان يقدر حبّ يربطنـي
اختار بالحالتيـن اللـي علـى ودّك
ياتعلن البعـد والا انّـك تضبّطنـي

يا سلام عليك يا سلطان

صح لسانك X صح لسانك
ابدعت وامتعت
تحياتي لك ...

اختار بالحالتيـن وشـوف وش ودّك
ياتعلـن البعـد والا انّـك تضبّطنـي

لالا إن شاء الله يضبّطك ياسلطان :)
.
قصيده رائعه وقافيه غريبه الا انك اتقنتها ...لله درك
متابعتي
.
.
تحياتي وتقديراتي..

.
.
.

يا سلام عليك يا سلطان ..
رائع في كل مرّه اقرأ لك ..
تقبل الإعجاب والتحايا ..





عبيد

كان الغلا والهوى والشوق ماشـدّك
لاتصدّق ان كان يقدر حبّ يربطنـي
اختار بالحالتين وشـوف وش ودّك
ياتعلن البعـد والا انّـك تضبّطنـي


دوووووم قصيدك غير وله طابع خاص

لا يجيده الا انت الشاعر العملاق سلطان بن بتلاء

لا فض فووووووووووووووووك

B


\




اقول حبك تعب وتقول: وش حـدّك؟
واردّ واقول لـك : حبّـك مربّطنـي


الله يكفينا شر الحب ومذلته يا شيخ والله يجيرك

،

ابن بتلاء شاعر نطرب لقصيدة ونستمتع بكل حرف منه
صح الله ألسانك ولالالالاهنت
بانتظار القادم من جديدك

تحياتي لك اخيك



العجمــ بـــــدر ــي...@@


\



B

انا رجـل والرجـل يغليـك ويـوّدك
وسهم مزاجـك يعلّينـي ويسقطنـي
مانيب سلسـال والا ساعـه بيـدّك
ولانيب ثوب ٍ على كيفـك تخيطّنـي


ابن بتلاء

الله

الله

راااااائعه برووعة حضورك

صح لساااانك

ولاهنتتتتتتتتتتتتتتتتتتتت


النااايف

الشاعر سلطان بن بتلاء
..

لكـن اذا طوّلـت بـروح واهــدّك
اليا زعلت انتبـه لـي لاتبَاسطنـي
.
.
ترجمت لنا بخل المشاعر الموجع.. تسلم وصح لسانك مليون

ببعادك وهجـرك وبفراقـك وصـدك
.........................ماكن بيني وبينـك شـي يربطنـي
الله الله ياسلام
شكرا للشاعرنا القدير سلطان بن بتلاء على ذا الرائعه ابداعك مانستغرب فيه الجزاله وانت في غناء عن التعريف
تقبل تحياتي وتقديري
اخوك حسين الدوسري

صح لسانك
مبدع
تقبل التحايا

صح لسانك

قافيه تنقط رومانسيه

واسلوب جذاب

لاهنت وتقبل مروري يالذيب

الله الله يا سلطان


صح لسانك ولاهنت

الاخ الشاعر سلطان

صح السانك على هذه النرجسيه


تقبل تحيات مودعك

حمود بن فطيس

كان الغلا والهوى والشوق ماشـدّك
لاتصدّق ان كان يقدر حبّ يربطنـي
اختار بالحالتيـن وشـوف وش ودّك
ياتعلن البعـد والا انّـك تضبّطنـي


الله عليييك يابن بتلاء الله ..

عذوبه وفن وابداع .. والشاهد الله

الف صح لسانك ..

وسلامي عليكـ ..:)

سلطان النواف


تشرفت بوجودك كأول شخص يحضر هنا بمتصفحي


اهلا اهلا ياسلطان

الله الله يابن بتلاء

شاعر ولكـ نمط خاص

وقصيدكـ غير

الله لا يضركـ

وصح السانكـ

أخــــوكـ...

الله الله ياسلطان ..

قافيه عسره ومعاني و1فيه ..

صح لسانك على هالابد1ع ..

تقبل فائق ودي وتقديري ..