باختصــار ,, مرزوق العتيبي ومحمد جارالله
بسم الله الرحمن الرحيم
السلام عليكم ورحمة الله وبركاته عندنا اللي يتأخر عن الاحداث المهمه يعاقب نفسه بالتنسيق :) اســــتلامكم الابداع محمد جارالله يا سلام الله سـلام ملـوك وشيـوخ وفخامـه ما يساق الا على رجـال يسـوى لـه قبيلـه عطلّـوا ثلثيـن خلـق الله ومـرزوق بدوامـه مادخل في روضة المسجد مع اصحاب الفضيله مرزوق العتيبي مرحبا رحب امبراطوري وفي راسه قرامه في الحضور وفيك يا رجال ما نلقى بديله يا محمد لا تلحقّني مشاريه وملامه وانت خابرني طويل وخطوتي مثلي طويله محمد جارالله من غلا مرزوق .. نتركها ذكا ولا غشامه ؟ في الامور الممكنه ولا ّ الامور المستحيله ! ليلة البـارح تغشّتـك المخيلـه والغمامـه مير ما ابتلت يدييك من الغمامـه والمخيلـه مرزوق العتيبي الوسيله .. دون .. والغايه على راس العدامه وانت في الغايه تبرر لك يجي 100وسيله بكرة المصلاح جتك مشمله يا ابو دلامه وانت ضيّعت الصرار ومنك يا كبر الفشيله محمد جارالله لاتقول انك الوحيد اللي على راسك عمامه خابرك قدام هـذي كـل حمـل ٍ ترتكيلـه عيبك انك تنشد الكذاب وتصـدق كلامـه وضعت باول متر وانا احسبك رجال ٍ دليله مرزوق العتيبي انت لو تنزل بك الاقدار في وادي تهامه تلدغ لحيه وتشرب سمها في كل ليله مرثعن في نصف خلق الله وقوّمت القيامه ما تخبّا غير في لبا وفي العين الكحيله محمد جارالله صاحبي مرزوق .. واستاذي ويعجبني نظامه آتعلم منه .. وآساعد علـى تطويـر جيلـه ما يجوز انّك تصلي دون .. تكبير وإقامـه خل قوم الليل للي تقدر عظامـه تشيلـه !! مرزوق العتيبي يا سلامه لا تحاول .. لانجاه ولا سلامه لين تهدر للجمال ولين تشتال الثقيله انت شاعر ما علي من اللي يقول الوسامه يا حليل اللي يقول القول هذا يا حليله محمد جارالله مشكلة مرزوق .. يحسبني بلا عقل وفهامه يوم انا غالبه حيل ويوم انا غالبـه حيلـه ما بلشت بضايع التفكير والخبـل الهلامـه جا على بند الاجور وقام يشمت في كفيله! مرزوق العتيبي كل واحد محترم يفرض على الناس احترامه والجزيله مالها الا كف عشاق الجزيله يا محمد واصل الغارات في حرب الرغامه لين تطلع سابق الفارس ونعرف وش حصيله |
وش دراك اني اتسابق انا وياك في تنسيقها يامال العافية
فعلا كانت محاورة رائعة وليلة من اجمل ليالي المرقاب المعهودة عنه تقديري الجمّ ؛؛؛ |
احسنتو
|
الله يجزاك خير يابو راكان
كان ودي اقراها ولا لي خلق ادش ادورها ماشالله مدري كم صفحه :) شكرا لك |
ياسلام سلـّم
محاوره مميزه شكرا لشاعرنا الكبير مرزوق العتيبي وشكرا لنجمنا المبدع محمد جارالله وبيض الله وجهك يا بوراكان ، وسبقتني على العقاب الذاتي :) .. |
^
^ أنـا اللي يستحق العغاب الذاتــي :(! لكن بارك الله فيك يابوراكـاااان :) وبيّض الله وجـيه اشعرانا الكبــار :) عذراً والسلام, عليكم |
محاوره كايفه ونايفه ونقاش جيلين راااقي جداً جداً :)
شكراً محمد شكراً مرزوق ولاهنت يابوراكان |
شكرا مرزوق وتحية محب يامبدع
شكرا محمد جارالله شكرا مرزوق العتيبي للجميع محبتي |
عبداللطيف
شكراً شكراً وأنشهد محاوره من العيار الثقيل الأسماء كبيره وكانت عند حسن الظن |
ليله من احلى واروع ليالي المرقاب يشهد الله .. وبيض الله وجيه من قاموا على تنسيق هذا اللقاء ( القمه ) .. واخص بالذكر الاخ نواف نايف والاخ مطلق بن شويه .. وكل الشكر وأجله واعلاه .. للمبدع الكبير .. مرزوق العتيبي .. ولمبدعنا وحبيبنا .. محمد جارالله .. وبيض الله وجهك يابوراكان .. :) |
:
: محاورة .. من ذهب .. !! البـارح أستطعمنا (( المتعه )) و (( الونـاسه )) .. !! الله يجزا .. محمد جارالله ومرزوق العتيبي كل خير .. بأمانه كسبوا فينـا أجر واجمعونا وامتعونـا .. وكانت ليلة (( شعر )) حقيقية .. !! وبالنسبة لي ليله لن تنسى .. !! الشكر لهم .. وللأخوه اللذين أحيوا المحاورة بتفاعلهم (( خفيف الظل )) .. !! الشكر موصول لـ (( مطلق بن شويه و نواف نايف )) على جهودهم فالتنظيم .. !! وينتهي الشكر عندك يابوراكان على هالتنسيق والترتيب والتوثيق الخاص .. !! وكل ليله ونحن على مثل هذا الحب .. !! :) |
محاوره قمه في الفتل والنقض والجزاله
وكليكماااااااااااااااااااااااااا ابدع ايما ابداع لله دركما من شاعران مبدعان لكما مني الشكر والتقدير الجزيل اخوكما سهيرالليل |
شكراً من الاعماق يابو راكان
. |
الف شكر ياأبو راكان
سبقتنا على الطيب |
عاشوا..
عاشوا.. الشباب... محاوره جميله وتفاعل يليق بالمرقاااااااااااب تحياتي للجميع .. ,, .. |
بالفعل كانت .. من اجمل الليالي المرقااابيه
مرزوق و محمد اشهد انكم امتعتونا .. يا كبار لا هنت يا ابو راكان تحيتي |
السلام عليكم ورحمة الله وبركاته
لاهنت والله يا عبداللطيف على مؤجز المحاورة بيض الله وجهك .. ولاهان شعارنا .. تقديري ابو نايف |
عبداللطيف الغامدي
شـكرا جزيلاً على التنسيق ,, محاورة كبـااار تحياتي |
محاورة متميزة وطيبة من طيب شعّارها...
صح الله ألسنتهم.. وبيّض الله وجيههم.. ولاهنت يا الغامدي على التنسيق... تحياتي.. |
قمّه الابدااااااااااع .. للشعراء عمااااالقه .. لاهنت يابو راكان .. تحيتي .. أبوشاهر |
شعراء كبار
ومحاوره من الوزن الثقيل لاهنت على التنسيق يا ابوراكان ,, :) |
عبداللطيف الغامدي
اشكرك على جهودك الجباره وصح لسان الشاعرين عز الله انا استمتعنا الله يوفق الجميع محمد بن مريبد |
| جميع الأوقات بتوقيت GMT +3. الساعة الآن 02:09 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية