اللي يحب وقلبه خضر لايدخل رجاءً
 

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياجارحٍ قلبي بيدينك وانا اشوف = حرام قلبك ليه مآ به مرافه
ارحم جريح جاك وافي وملهوف = واللي حياته لااجل فرقاك عافه
تركتني في ظلمه الخوف مكسوف = والبستني ثوب الشقاء والكسافه
يابو جديلٍ فوق الامتان منسوف = تلحق على حيد الردايف ضفافه
وعيون سود وخد ونهود وردوف = واليا ابتسم تجذب عيون رهافه
وجسمٍ حسين الطول والخصر منحوف = عليه من تفصيخ ثوبه كلافه
والورك والفخذين والساق ملفوف = والوجه ناعم مااشتكا من جفافه
ادعج غنج بالملح والزين موصوف = من ينهبه يملك عذر لا اختطافه
في حب سيد الغيد مغرم ومشغوف = اللي جمع بين الجمال وعفافه
تبدأ حياتي ليل لي كان مزفوف = ونهايتي ليلٍ لغيري زفافه
وآوجد حالي وجد من جيب مكتوف = وحطوه في سجنه وشدوو كتافه
مطلوب دم ولحظه الجرم مشيوف = واخو القتيل اللي له الثار شافه
ومن جيب للتحقيق بادوه بكفوف = وسجل بتقدير السجون اعترافه
عليك ياللي لااجلك الدمع مذروف = دمعي على فرقاك زاد انذرافه
انا على فرقاك يااانوف ملهوف = والقلب هم الود والبعد لافه
بالقلب من فرقاك هاجس ولافوف = يزود مع زايد جفاك التفافه
صارت دقاته لهن بالحشا رجوف = زود الجفا والصد زاد ارتجافه
يانوووف باسمك جيت ألبي ولا أطوف = وكلن يلبي للولي في طوافه
هم ؟؟؟؟؟؟وانا ارجيك يانوف = ارجيك رغم انك بعيد المسافه
ارجيك رجوى اللي مع الموج مجروف = والموج حطم مركبه بانجرااافه
في ليل مظلم واعتلى فوقه الطوف = واطلق عنان الصوت باخر مطافه
سوي ولو مره بدنياك معروف = تماكني قلب بدابه تلافه
اجاوب النايح ليا ناح مشغوف = واقنب كما ذيب عنا الجوع حافه
روفي بحال اللي طعنتيه بالجوف = اللي على شانك حلا النوم عافه
انا سجينٍ بين اياديك موقوف = فكي قياده واسمحي بأنصرافه
وردي علي وبددي ظلمة الخوف = لا تتركيني في هوان ومخافه
وان مارجعتي لي ترى اموت يانوف = ولا على دنياي بعدك حسافه[/POEM]

ابن قويعان


وجهود جميلة



شكرا جزيلا

سعود بن قويعان

مرحبا واهلا بك غالي ولا تجيب الاغالي

اشتقنا لإبداعاتك

وصح لسان الشاعر ابو نهير

عز الله كفيت ووفيت

وابدعت حقااااااااا ً

صح لسانك ملايييييييييييييييين

ابو نهير

صح لسانك
واشهد بالله إنك لوصفت

وصف أساسي ماهي كوبون

تحياتي
فارس الدلبحي