رشيد الزلامي ...و...محمد السناني
يسرني أن أنقل لكم محاوره جمعت كلاً من الشاعر الكبير العلم رشيد الزلامي والشاعر الكبير محمد السناني ( رشيد الزلامي ) أشوف الليل طرّف وإسمحولي ياهل الحلة على دربي حصاتن ودي أقلعها وأكسرها أنا أضن السناني لوضمي شرب البحركلة ولو شرب البحر شاعرجهينه عاد دبرها ( محمد السناني ) أشوف الليل طرّف وش يخارجني من العلة على دربك جبل يضرب عتابه مع مناخرها أبو زيد الزلامي لودخل لصين يحتلة ولكن باقي العتبان من يقدر يسفرها ( رشيد الزلامي ) ياليتك في المدينه تحكر البراد والدلة بعيدن عن مطير إللي قبل حمرن نواضرها ليا دندن رعدها وأصبحت غترتك مبتلة ترى واحد عتيبي يحكم جهينه عن آخرها ( محمد السناني ) ياليت الله عطاك الحظ وإن رشحك لشلة تقص أشنابها ولا تقلّم رؤوس أضافرها على شأن الزعامه زل حظك وأبعد الزلّة يالين إنه وقع في حفرتن في الأرض حافرها ( رشيد الزلامي ) هذي كلمت زعل لكن تزعل ويش تزعلة هثر بعض العرب بالمزح أسندهاوأحدرها تحسب إن الزلامي مرتبك ويخاف من ظلة الأحسن روح مالك عندنا حاجه تدورها ( محمد السناني ) ليا صار الغلط من رجل لامذهب ولاملة ترى العقال يابوزيد مايجرح مشاعرها أعرف إن الزلامي شيخ لاميلة ولاخلة لكنه جابلة كسبه على رأسه يدحدرها ( رشيد الزلامي ) أنا أبا أعطيك شئٍ يعجبك مايعجبك خلة نبي نعطيك غزّه بس شرط إنك تحررها ليا أذن لك بلال وحان وقت الفرض قم صلة ترى النيه سليمه وأنت عارفها وخابرها ( محمد السناني ) ترى شارون واقف دونها وانته كفيل إلة لكن غزّه نصيبك والعجم شدت مؤازرها |
سلمت يامشعل لاتقطعنا من هالمحاورات الجميله الله يستر عليك
|
الغالي
مشعل الريمان بيض الله وجهك على النقل الجزل.. وشعراء عمالقه ...ومحاوره كبيره ...ورائعه ..! ودمت بخيــر ..! |
حامد بن عوجان شاكر لك مرورك ويعطيك العافيه وأبشر بالسعد تحيتي |
ناصر بن سعدي ووجهك أبيض وشاكر لك مرورك تحيتي |
محاوره شعراء
الزلامي مدرسه شعريه وصنفرة الشه\عراء والسناني جنيه الشعر والمحاوره قمه لاهنت وبيض الله وجهك |
لاهنت يامشعل
والله محاورة قمة لك كل الشكر أخوك |
بيض الله وجهك يامشعل
فعلاً طارق رائع صحت السنتهم وشعراء كبار لاهنت |
احسنت يا مشعل
الله يعطيك العافية |
ماشاء الله على ذايقتك يامشعـل ..
دائماً ماتجلب لنا المتميّز .. والدليل هذه المحاوره القمه بين عملاقين من عمالقتها ,, ملاحظه صغيره :- هناك خطأين أو ثلاثه في الطباعه . يرجى التنبّه لها. وسلمت |
مشعل
عزالله ...انها محاورة رائعة . . لله درك على هذه الذائقه . . . تحيتي ..لك |
0
لاهنت يامشعل على النقل الطيب 0 |
| جميع الأوقات بتوقيت GMT +3. الساعة الآن 11:36 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية