المدح ما زاد الردي ربع توله
 

[POEM="font="Simplified Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه ضاقت علي المداخيل = بسباب زومات العقول الجهوله
اهموم اداقلها والاخرى مقابيل = في معتركها خذت صوله وجوله
تداحمت بالجاش مثل المخاييل = حن الرعد والمزن دلّت ثعوله
وجهّا الرباب اللي ترادم كما الليل = جفّت خباريه ومدارج سيوله
وادنيت ما تصلح عليه التعاليل = كيفٍ يداوي كل كبد امعلوله
وركب الرشا واسترسلن المحاحيل = ورويت عروشٍ مهجرات ومحوله
غصت بمحيط اهل العقول الدواليل = عمته وصدت افذاذ حصه ولوله
لولاي ادله خاطري بالتماثيل = يمديه من ما حل به طق جوله
دنياً بحر يفتر بها ممدي الحيل = لو اضحكت دورة بكاها عجوله
يفنابها جيلٍ وياتيبها جيل = ولاهي بفرحة ما تودع خجوله
افنت لروس مخضبين المصاقيل = يوم المراجل للنشاما بطوله
إقبالها فيه العجب والتهاويل = وإقفايها حربٍ تقارع طبوله
الرابح اللي سن كل التنافيل = اهتم في دينه ودوّر قبوله
النفس عجله والخطايا تحابيل = وعدو ابونا ادم ما نوّخ ذلوله
والرجل ما يشقى بدق التفاصيل = وليا اشتقى يطعم مرارة فضوله
لو كل من يخطي نجاريه ونعيل = ما كان باب الطيب زلنا قفوله
لهل الوفا ندمح خطايا الجهاهيل = سلم غذانا من زمان الطفوله
والذم ما يدقم شبات الحلاحيل = والمدح ما زاد الردي ربع توله
وشبل الرخا فالضيق ما يوفي الكيل = نفسه ليا جات النوايب جفوله
لو الدهر ساوى متون الرياجيل = وتخالفن فعل الرهاوي وقوله[/POEM]

1
اكد الحجز
ياسمي

الله عليك ياسعود

فعلا تصطاد الدر واللول وليس فالماء العكر
بل تغوص اعماق بحور الشعر بجماله البديع

والرجل ما يشقى بـدق التفاصيـل
وليا اشتقى يطعم مـرارة فضولـه
الله الله الله عليك


لو الدهر ساوى متـون الرياجيـل
وتخالفن فعـل الرهـاوي وقولـه
كلام ولا عليه اي كلام

صح لسانك
ياسميي القت
دمت بخير وعافيه

صح لسانك ياسعود .على هالجزله

إقبالها فيـه العجـب والتهاويـل
وإقفايهـا حـربٍ تقـارع طبولـه
الرابح اللـي سـن كـل التنافيـل
اهتـم فـي دينـه ودوّر قبـولـه
النفس عجلـه والخطايـا تحابيـل
وعدو ابونا ادم مـا نـوّخ ذلولـه



الله الله ياسعود القت لله درك


وصح الساااانك وسلم بنانك


رااائعه من رائع وجزله من شاعر جزل


سجل اعجابي وتقبل تحياتي وتقديري

الله الله الله الله الله

شعر جزل ورااائع ياسعود ,,

صح لسانك

لهل الوفا ندمح خطايا الجهاهيـل
سلم غذانا مـن زمـان الطفولـه
والذم ما يدقـم شبـات الحلاحيـل
والمدح ما زاد الردي ربـع تولـه
وشبل الرخا فالضيق ما يوفي الكيل
نفسه ليا جـات النوايـب جفولـه
لو الدهر ساوى متـون الرياجيـل
وتخالفن فعـل الرهـاوي وقولـه
الله الله حكمه ياسعود سلمت

اخوي سعود
حجزك موكد
تقبل التحايا

سعود،

صح لسانك يالعزيز


قصيده جزله وراعيها جزل


تحياتي لك

بدر

اخوي سعود
صح لسانك مرتين
تقبل التحايا

الرابح اللـي سـن كـل التنافيـل
اهتـم فـي دينـه ودوّر قبـولـه

قبووله


صدقت

صح الله لساانك وتسلم يمينك

رااائعه

لاهنت ياخوي

تقبل مروري

يا سلام يا سعود

قصيدة وافية وعصماء ........

حكم في حكم .......

وصدقت يالقت ... والمدح ما زاد الردي ربـع تولـه

سعود القت

صبحك الله بالخير

وصح الله السانك ولاهنت
وافي وجزل


تقبل تحياتي
اخوك خالد بن سكران

سعود القت

اشهد بالله انك من الاشخاص اللي مايختلف على شعرهم اثنين


سعود القت متابعتي مستمره لك سوا ً في المنتدى او عبر القصايد التي استمع لها عن طريق الكاسيت


اتمنى لك التوفيق من اعماق قلبي وصح لسانك يابحر


وانتظر القادم بكل لهفه


سلامي واحترامي وتقديري .