بين النساء بالشكل تلقى بديـلـه
آخر الجديد آمل ان تنال رضاكم واستحسانكم
[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/17.gif" border="none,4,gray" type=2 line=0 align=center use=ex num="0,black""]الشعر ولّع في خفوقي فتيله=باقصى معاليق الحشا تشعل اشعال ماكل بيتٍ نسمعه نهتويله=بعض البيوت يمر ماكنه انقال ان ماكسبت الشارده والجزيله=مالي مع اهل العرف مخرج ومدخال الهرج واجد والفوايد قليله=وقت الصمايل تختلف بعض الاقوال قولٍ بليا فعل وش ترتجي له=ضربٍ من التظليل وازعاج واجدال احدٍ يحصل من كلامه فشيله=واحدٍ تشيله كلمته فوق ماطال اللي يبي درب الخنا والرذيله=يطلق عنان النفس ويعاشر انذال على طريق الغي يلقى زميله=والكل منهم لاسود الفعل يحتال واللي يبا العليا يروم الطويله=يسعى لها ويثبت اقوال بفعال يمشي على درب الشرف والفضيله=ماينحني لو فيه كف الدهر مال يسعى لكسب الغانمه والجميله=ويحط له في ماكر العز منزال اللي يبي قطف الزهر ينحني له=ماتكفي النيه لتحقيق الآمال نيل المنى لابد له من وسيله =بالصبر والمجهود يتغير الحال من غاص في غب البحور المهيله=لابد يصبر لين ياقف على الجال لاصرت في غربه يبي لك دليله=بس البلا لاصار في مخك هبال مايقنعك شرح العميل لعميله=يبلش بك اللي مقصده ينصح الضال الحر في دربه يخاوي مثيله=والبوم ماله بالمراقيب مدهال ممشى الهبيل بجنب ناسٍ هبيله=لو يعرفون الدرب مافيهم الدال العاقل ان ماجاك حاول تجي له=احذر تماشي في مماشيك جهال ترى الخوي لازم خويه يشيله=واحد من الاثنين لابد ينشال النفس تهوى كل برقٍ تخيله=لاهملتها ترميك في وسط الاهوال احذر تطاوعها بما تشتهي له=اضغط عليها لين ترضى بالاحوال ترى القناعه للنفوس العليله =تحصين حتى عن مرض جمع الاموال اد الصلاه الواجبه والنفيله=صم وتزك وحج ياطيب الفال احرص على الارحام واللي تعيله=وامك وابوك اجزل لهم كل مكيال والجار له حقٍ حرامٍ تزيله=وفه حقوقه واعذره كل ماعال البخل رسمٍ بالوجيه البخيله=يبين لاجا صاحبه يدفع ريال والبيض يكفي من هواهن حليله=تحفظك في غيبتك وتربي اجيال بين النساء بالشكل تلقى بديله=فرقٍ بسيط وجوهر الشكل لازال الفرق يظهر بالصفات النبيله=بالعقل والاخلاق ماهو بالازوال احرص على بنت الرجال الاصيله=السالمه من هرجة القيل والقال اسئل عن المنزال قبل تعني له=ماكل شجره ينوجد تحتها ظلال ماكل وادي لو تسايل مسيله=تطلع بوادر بذرته عقب ماسال وقت الرخا يطلع لك الفين حيله=تلقى الخوي والجار والعم والخال ووقت الشدايد تنصدم بالحصيله=يطلع لك النصاب والنذل والذال تلقى خويٍ شهم يسوى قبيله=والا الدويني منظره بس تمثال الطيب ميزه والفعول تهدي له=ماكل من يلبس من الشمغ رجال قافٍ دعاني مابغيت استويله=فجر بجوفي من عنى الوقت زلزال حاولت ابين زبدته وتحليله=في نص ساعه سقته اقفاي واقبال قلته وقلبي فوق صلو المليله=وارتاح بالي يوم روضت الامثال وصلاة ربي عد وبل المخيله=على الصدوق الصادق بكل ماقال[/POEM] |
عبد الله
لله درك على هذا الابداع والامتاع قلت وطلت صح لسانك مدد ولك تحياتى |
المرشدي عبدالله
صح لسانك وسلم بنانك يالغالي لاهنت |
عبدالله مرزوق المرشدي
صح لسانك وبيض الله وجهك كفيت ووفيت تقبل مني كل التقدير والاحترام |
عبدالله المرشدي
نصح وارشاد ودرس وحكمة وجنون شعري وظّفته في فن كم هي رائعة هذه الواحدة والأربعين بيتاً وكأنها واحد واربعون عاما جمعتها الابجدية من كل قلب عاش في مدرسة الحياة تعلم فيها .. واتى بحصيلة هذه السنوات لتكون النتيجة .. امتياز مع مرتبة الشعر .. عبدالله المرشدي جعلت من الشعر رسالة وكانت الرسالة الأجمل صح لسانك |
عبدالله المرشدي
صح لسانك على هذه القصيده الرائعه الجزله نص في قمة الروعه تقبل تحياتي وتقديري اخوك حسين الدوسرى |
الغالي
عبدالله المرشدي _________ اللـي يبـي درب الخنـا والرذيلـه يطلق عنان النفس ويعاشـر انـذال على طريـق الغـي يلقـى زميلـه والكل منهم لاسـود الفعـل يحتـال واللي يبـا العليـا يـروم الطويلـه يسعى لهـا ويثبـت اقـوال بفعـال يمشي على درب الشرف والفضيلـه ماينحني لو فيه كـف الدهـر مـال يسعـى لكسـب الغانمـه والجميلـه ويحط له فـي ماكـر العـز منـزال ___________ صح لسانك ،،، __ |
نيل المنى لابـد لـه مـن وسيلـه
الله يبيض وجهك صح فكرك ولسانك تقبل التحيه |
الله الله الله
مكتمله وبحرها غزير يا بوعابد احـدٍ يحصـل مـن كلامـه فشيلـه واحدٍ تشيلـه كلمتـه فـوق ماطـال هذا الكلام وكلها نقوه صح لسانك وسلمت ، .. |
اقتباس:
خالد الذيابي صح بدنك وعلى شانك ولاهنت تقديري |
اقتباس:
صح بدنك ولاهنت تقديري |
عبدالله صح الساااااااانك ملاااااااييييييييييييين صح الساااااااانك ملاااااااييييييييييييين صح الساااااااانك ملاااااااييييييييييييين رائع يا عبدالله رائع ... سجل المتابعة ... |
اقتباس:
عبدالله المرشدي صح لسانك مبدع ياشيخ والله انك كتبت قصيدة شامخه كل الود |
اقتباس:
فارس بن عبدالمحسن صح بدنك ولاهنت تقديري |
ماكـل بيـتٍ نسمـعـه نهتويـلـه
بعض البيـوت يمـر ماكنـه انقـال ان ماكسبـت الشـارده والجزيـلـه مالي مع اهل العرف مخرج ومدخـال الهـرج واجـد والفـوايـد قليـلـه وقت الصمايل تختلف بعض الاقـوال قـولٍ بليـا فعـل وش ترتجـي لـه ضربٍ من التظليل وازعاج واجـدال احـدٍ يحصـل مـن كلامـه فشيلـه واحدٍ تشيلـه كلمتـه فـوق ماطـال الله الله ياسلام عليك يالمرشدي عبدالله صح السانك مليون جزله من جزل تقبل تحياتي |
اقتباس:
صح بدنك وعلى شانك لاهنتي تقديري |
اقتباس:
مشعان البراق صح بدنك لاهنت تقديري |
اقتباس:
الشاعر حسين صح بدنك ولاهنت تقديري |
الله الله يا عبدالله
كلام كلام حكمه وجزاله واسترسال رائع صح السانكـ أخــــوكـ... |
اقتباس:
الشاعر فالح صح بدنك ولاهنت تقدري |
ترى الخـوي لازم خويـه يشيلـه
واحـد مـن الاثنيـن لابـد ينشـال ترى الخـوي لازم خويـه يشيلـه واحـد مـن الاثنيـن لابـد ينشـال ترى الخـوي لازم خويـه يشيلـه واحـد مـن الاثنيـن لابـد ينشـال الله الله الله ياسلام عليك .. ياعبدالله .. صح لسانك صح لسانك صح لسانك إعجابي الكبير .. وتقديري ..لك |
اقتباس:
سعود القت صح بدنك ووجهك ابيض تقديري |
| جميع الأوقات بتوقيت GMT +3. الساعة الآن 04:36 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية