لي بنت عمٍّ ما وطت درب الادناس !!
 

غضب وتسرّع فضربها وطلّقها ودفع الثمن غاليا

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ياراكب ثنتين يشدن الاقواس = من دار ريضان الحجر حركنّي
مافوقهن كود الدويرع وجلاّس = سفايفٍ بين اربعه يلعبنيّ
توجهن من عندنا حين الادماس = ومضى سواد الليل ما بركنّي
حطن على معذفه يسارٍٍ من الراس = الظهر مع ورد الحفر يشربنّي
وحطوا لهن عن هثلة الحضر بلاس = عن الحضر واللي بالخلا يسرحنّي
وايلا لفيتوا عند مدقوق الالعاس = الجادل اللي بالمحبّه محنّي
قولوا على حبل الرجا نطوي الياس = والبيض غيره كلّهن يحرمنّي
ولو يندوي جرحي دويته بزفواس = ولاابني رفاف البيت منكم ومنّي
والله يعلم بالخفايا والاوجاس = حبٍ بدى من صغر سنّك وسنّي
ياعمّ يلّي طعت بي هرج الانجاس = طاوعت هرج الناس واخلفت ظنّي
اطعت بي ياعمّ دايس ودرباس = وعوارضٍ صدّقتها وابعدنّي
ومن لا خذا من درس الاسلاف نبراس= تمضي حياته بالرجا والتمنّي
واقفيت ادير بضامري كل هوجاس = على وليف بالحشا غاب عنّي
تكبي خواطرهم ايلا جيت عساس = ماتقل انا منهم ولا صار منّي
ومريت دار ماتقل جته الاوناس = وونيت ودموع العيون اذرفنّي
جيت المراح اللي به العشب محتاس = العشب في مضرب وساده معنّي
محلا سماد النار ومشاقة الراس = وثلاث لايبكن ولا ينبكنّي
لي بنت عمّ ما وطت درب الادناس = ولا دنّست يوم النسا يدنسنّي
ضربتها وانا احسب الضرب نوماس = وطلّقتها يوم افخت العقل منّي
ياناس كيف العين تبكي على ناس = وكيف العيون بلا رمد يسهرنّي
لو ينشكي حبه على الطير قرناس = جاه الضحى في ماكره مستكّني
ولو ينشكي حبه على قبّ الافراس = عيّن نهار الكون لا يفزعنّي
ولو ينشكي حبه على الميت ماناس = يثور من بين النصايب يونّي
ولو ينشكي حبّه على ذيب الاخماس = يمشي مع الطليان ما يجفلنّي
ولو البيوت مشدّدينه بالامراس = عيّن مع الخفرات لا ينبننّي
وحتى النجوم اللّي مع الليل غلاّس = لو ينشكي حبّه لهن وقفـنّي
ولو ان غوطه وام سلمان وضراس = يدرن بما قلبي لحبه يكنّي
تلقى سهل جبّه هضاض و منحاس = وحتى الجبل بالقاع صار متـثنّي
اشرفت راس ضراس من فوق الاطعاس = و مالوم طرّاد الهوى لو يجـنّي
وهلّيت دمع العين واوميت بالراس = ورافقت كور العيس يوم ابعدنّي
وابعدت نفسي عن شبا كل وسواس = والبعد احلا من حياة التمـنّي
انا زبون الحـرد للخيل مدباس = ياكل شنّ شهب الشوارب نخنّي
نفسي تشوم عن التدلبح مع الساس = ولاعاش من هو عن خصيمه يكنّي
من شيّدوا زبنه على غيد ورّاس = ايلا نسيت رسومهم ذكرنّي
يا عم انا لي طلبة الراس بالراس = يا عمّ شوف رسومهم ما محـنّي
ولو صرت انا المقلاع ما شلت الاضراس =والموس ما يقطع بليّا مســنّي
يا صار ما ربعك على الراي جلاّس = وجنحان طيران السعد يلفحّني
تصير دومٍ للصقاقيـر مدواس = مثل الذي يسمع صفير المغنّي
والله لولا بكرة يا بو ونّاس =وحبّه سكن وسط الضماير مكنّي
والله لوها ما تبيني فلا باس = لكن خبثان النجوس اطردنّي
والحمد للّي خالق كل الانفاس = واعطى وساع القاع ما فيه مـنّي
دار بدار ولا مناحاة الانجاس = يا صار من يمناك عينك تقــنّي
في بلدة الغراف من جملة الناس = ولا ني بمن يرجي الفطايس تحنّي
دار بها الاكرام لولا بها الحاس = دايم يذكرني ليالي مضـنّي[/POEM]

__________________

لمشرفي القسم :
عذراً إن كانت هذه ( القصيدة ) نشرت من قبل ( هنا ) .. ولكم كل التقدير والإحترام .

_

حتى لو نشرت ،

تستحق التكـراااار !


لله درّك ياأبا محمّد ، أتيت بما كنت أبحث عنه :)


هذه القصيده تكاد تكون إحدى القصائد الحائره ، أو التي لايعرف من قائلها بالأصح ..


ولكنّك أمطت اللثام الذي بات يغطي وجه الحقيقه منذُ زمن ، يا أيها الرجل الكريم :)


أشكرك وجعل يفداك دايس ودرباس !


سلام’ عليكم

فالح

الله الايهينك من مبطي وذى البيت اردده ولا ادري منهو له ((لو ينشكي حبـه علـى الطيـر قرنـاس=جـاه الضحـى فـي ماكـره مستكّنـي))ولكنّك أمطت اللثام :) على قولت عبدربه


بيض الله وجهك

..

بيض الله وجهك يا فالح


عز الله أخترت لنا وأحسنت الاختيار ..


القصه كانت غامضه بالنسبه لـ الكثير .. والابيات لم تكتمل أم الآن أتضحت وأتضحت أبياتها



شكرااااا ً يا أبومحمـد :)

مسموووووووووح يافالح
والتكرار لمثل هذه المواضيع مفيد جدا جدا جدا
ولايمل منه

فديت راسك


لاهنت لاهنت

الغالي

ابا عتيق
________

شكرا لك على ردّك وتفاعلك وتواصلك المستمرّ ،

دايس ودرباس ( فدوني ) من زمان من دون لا اطلب منهما حيث سقطا بالتقادم :)

رحمهما الله وغفر لهما ________

_______________ خالص التقدير والودّ

مواضيعك دايما طيّبه

لاهنت يافالح لاهنت

امتعتنا عزالله

اخووك :)

تسلم والله يابو محمد على السالفه والقصيده


فيها من الحكم كثيره

اسمحلي راح بنسخها وبحطها بمنتدى عيال اختي

ووجهك ابيض


التحيه

مواضيعك دايم مميّزه يا ابو محمد



لله درّك امتعتنا بهالقصه وقصيدتها



كل الشكر لك

اخي فالح

مرحبا بك وهذا القسم يتشرف بك وبمشاركاتك


حقيقة لأول مرة ارى هذه القصة بهذا الشكل الكامل


الف شكر وتحية وسلام