الى المرقاب
 

السلام عليكم ورحمة الله وبركاته
يشرفني الانضمام الى هذا الصرح الشامخ وهذه الهامة الباسقة في سماء الفكر
واقدم لكم اولى مشاركاتي وهي هدية متواضعة الى منتدى المرقاب واتمنى ان
تعانق قلوبكم وان ترتقي الى ذائقتكم


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]سلام وتحية عدمالاح نوض البرق=عدد دمع مزن(ن)فوق خد الثرى سكاب
عددمااشرقت شمس الصباح وبدت من شرق=عددماسطع نور القمرفي سماه وغاب
سلام(ن)بريح العودلاذاق جور الحرق=على الشعر واهل الشعر في منتدى المرقاب
على صرحنا اللي فيه عن كل صرح(ن)فرق=تناثر به الابداع والمنطق الجذاب
سرق نظرة الاعجاب من كل عين(ن)سرق=بزع فالسما ثم التوت يمه الارقاب
تعد الجدي وسهيل عد النعايم وارق=مكانك مكان الشمس لا عزت الالقاب
جمع صفوة الشعارمن كل لون وعرق=نجوم(ن)تجلت في سما الفكر والاداب
نصوا للفرايد كل قارة وريع وعرق=ورا الكايدات الشرد وسعيهم ماخاب
يغوصون للولوعميق البحور الزرق=بريق الدرربعقودها منظره خلاب
سمو في معانيهم على كل قاف وطرق=تشيب العمار وقافهم يافع(ن)ماشاب
بيوت القصيد الفاتنات العذاب الطرق=تهز القلوب وحسنها يسلب الالباب
كلام(ن)بدا من خاطري مادرقني درق=شعور وتحية جات فالموقف الغصاب
تحية وفا ماخالطتها النوايا البرق=ولاينقص التقدير لوكان فيه عتاب
وانا اللي طرقت الباب حسب القواعدطرق=ولا جا من اهل الدار زول(ن)يفك الباب
جريح(ن)زرقني رمح عذب السجايا زرق=جرحني وقلبي من بعد زرقته ماطاب
ليا قلت عالجني واقر فوق جرحي وارق=يقول الزمن يبري جريح الهوى المنصاب
هنوف(ن)سبتني بالنحر والثنايا الفرق=وتمايل جسدها المترف ورمشها النهاب
تعدت وخلتني بغبة هواها غرق=وانا اللي من اول للهوى ماحسبت حساب
بعدها يهيض القلب من نايحات الورق=واجاوب حمام الورق وجد(ن)على الاحباب
حياتي بعد ما افترقت دروبنا والطرق=على ذكريات وطيف عن عالمي ما غاب
وانا لا ذكرت عيونها والثناياالفرق=علاجي بقسم الشعر في منتدى المرقاب[/POEM]

1
وعليكم السلام ورحمة الله وبركاته

وحياك الله في مرقاب الشعر

اقول


مرحبا يالذيابي


ويامرحبا ومسهلا في مرقابك



صح لسانك
صح لسانك



اسلم وسلّم:)

بيوت القصيـد الفاتنـات العـذاب الطـرق ... تهـز القلـوب وحسنهـا يسلـب الالبـاب

صح السانك يالذيابي

رائع

*********
هلا ومرحبا يالذيابي

وحياك الله قي مرقاب الجميع نورتنا يالغالي


وصح لسانك على هذه المصافحة الرائعه

وبانتظار ابداعك

لك تقديري واحترامي

************

اهلاً وسهلاً اعداد من يترقب الشهر الفضيل .....

ابن العم مشعل فالح الذيابي .......... يشرفني ان ارى اسمك في منتدى المرقاب منتدى الصرح العالي الذي يسعد اي شاعر بالانضمام له ......... تحياتي وتقديري ......

الغالي سعود الحارثي

الله يبقيك ويعطيك العافية

اسعدني مرورك العذب يالغالي

وعليكم السلام ورحمة الله وبركاته

يا مرحبا ومسهلا يا مشعل

والله يحييك بين اخوانك في مرقاب الجميع

نسعد بك وبمشاركاتك معنا



وانا اللي طرقت الباب حسب القواعدطـرق
ولا جا من اهل الدار زول(ن)يفـك البـاب


الله الله



صح لسانك ودام تواصلك ،


..

الله الله الله

مشعل الذيابي
وحضور اول .. يدل على اننا كسبنا شاعر .. كبير وقدير
مشعل .. بيض الله وجهك
ويامرحبا يامرحبا يامرحبا

شعر .. يستحق ان نحتفي به

أول شي مرحبا ومسهلا في مرقاب الجميع وبين اخوانك

ثانيا قصيدة تدل على تمكن شاعرمما يجعلنا نتابع مايكتب باستمرار

ثالثا صح لسانك عدد البروق اللي تلوح 0

رابعا تقبل ودي وتقديري

مع اجمل تحية

أخوك

الغالي فهدبن عبدان
الله يبقيك يافهد وصح بدنك
تشرفت بمرورك العذب وترحيبك الرائع

الغالي فخري السريح
اسعدني مرورك العذب واطلالتك المشرقة

لا هنت يالغالي وبيض الله وجهك

الغالي عدنان مرضي

مرورك وثناؤك مكانه القلب والله يبقيك ياالغالي

لا هنت وبيض الله وجهك

مشعل الذيابي

صح لسانك
صح لسانك
صح لسانك

وحياك الله .. بين اخوانك .. !

وفي إنتظار القادم ..

الغالي فهد فلاج
الله يبقيك ويعافيك يابن العم
اسعدتني اطلالتك ومرورك العذب

المعجزة سداح
ياهلا والله ووجود اسمك في المتصفح وسام يتمناه اي شاعر

لا هنت يامبدع والله يبقيك رمزا للابداع وللمرقاب

العذب مشعان البراق
الله يبقيك ويعافيك والترحيب والعلم الغانم عادتك
وشكرا على مرورك المشرق وثناؤك العذب الذي اعتبره وسام يالغالي

الغالي ناصرتراحيب
اسعدتني اطلالتك المشرقة التي اضاءت المتصفح وثناؤك وسام وشرف
لا هنت يالغالي وبيض الله وجهك

الغالي نواف نايف
كل الشكر والود على عذب مرورك وعاطر ثنائك
لا هنت يالغالي وبيض الله وجهك

الغالي محمد السواط
اشرق المتصفح بمرورك العذب واطراؤك الجميل
لا هنت يالغالي زبيض الله وجهك