سلطان ياسلطان
اخوي سلطان مساك الله بالخير
استلم لاهنت سلطان قالوا قبل قرن من الزمان احلى كلام .....................................باب(ن) يجيب الريح ياسلطان سده واستريح الـعـام جـاء مـنـدوب مـن مكـه يـبلغـك السلام ....................................تـشـابـه الاسـمـاء كـذا ولايـصـح الا الصحيح |
هلا ومرحبا ياخالد ومسيت بالنور... واللعب معك شرف
استلم لاعدمتك: قالو ا بعد نور الصباح ان حل جلاي الظلام ...................................... خلك صريح وصاحبك سلطان في قوله صريح المشكله في كل يوم وكل ليل وكل عام ..................................... (( واحد من الايام سالم وأكثر العالم جريح)) |
واصلوا ياخالد وياسلطان متابعينكم
وازهل الصف ياخالد بس سنع سلطان تكفى <== جحد سلطان يوم يمسك صفهhttp://www.sh3byat.com/vb/images/smilies/green.gif |
وازهل الصف ياخالد بس سنع سلطان تكفى
<== جحد سلطان يوم يمسك صفه عكاشه اللي يشوفك يقول اني ماسكن صفك تراي ماغير اعطيك دفعه معنويه:p <== (( مهوب منك من القهر والله )):) حياك ياعكش حياك |
سلطان ارحب
واللعب معك مكسب استلم لاهنت العـام فـي سوق البـخت ضاع المباح مـن الحرام ...................................الـزول زولـه لكـن الطـيّـب يـغـثـربـه القبـيح جيتك وانا طرقي واسولفلك عن اسراب الحمام ...................................رد الهروج السابقه عني ليا جاك الشحيح |
عكاشه مرحبا مليون
وجودك فخر وفالصف بعد لاهذي قوويه دمت فالوجود ياعكاشه لاخلا ولاعدم مير عسى الله يستر من سلطان ويخارجنا من هالمحراف على خير:) |
مراحب ياخالد واستلم لاعدمتك:
العام اشوف شعيل له حيله وتنقله العظام .................................... واليوم من كثر الحموله ياقف شوي ويطيح انته سواة اللي يبى درب اليمن ويروح شام .................................. ابطيت وقدروك على هالحال عيت لاتفيح |
سلطان حياك يبه حياك
استلم لاهنت شعيل مثلك خابره رفيع قدره والمقام .......................................والا علوم اهل الوطا والزوبعه موجات ريح ياصاحبي خلك معي لاحق على حلو المنام ........................................مالك ومال الحنظله قدام عينك نبت شيح |
الله ..... الله
استلم لاهنت: لكل سلعه مشتري والسوق يمشي بالنظام ........................................... والزبده اللي تقتفيها الشمس ياخالد تسيح الضرب ياخالد على ماقيل من تحت الحزام ................................................ والمدح ماينساق للي فعلهم دون المديح |
ياسلام ياسلام
استلم ياسلطان لكل سـلـعـه مـشـتـري ولكل سّـوام احـترام .....................................ماكل هـرجه تـنقبل لو جت من لسان(ن) فصيح سلطان وش وجهة نظرك لما فعل هاك الغلام ....................................وش به ترك نهج النبي واقدم على نهج المسيح |
الشاعران 00 المبدعان:ـ،
خالد الحويماني و سلطان محاورة قوية 00 والجميع متابعون واصلوا لاعدمناكم00000000 |
المنصوري ...... هلا ومرحبا لاعدمناك:)
استلم ياخالد : ترىالصلاه اللي لها ماموم من خلف الامام .......................................افضل . ولامن طعت شوري صر سدك لايبيح ماني وكيل الله على خلقه ولي فيها مرام ..................................... بس الحقيقه فرق واضح للذهب عند الصفيح |
المنصوري مرحبابك يالغالي
سلطان مشكور على هالمحراف الطيب طال عمرك وانشالله لي معك وقفات لاخلا ولاعدم ياسلطان،، |
| جميع الأوقات بتوقيت GMT +3. الساعة الآن 09:00 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية