مقتطفات من قصيدي
 

[align=center]هذي هي الدنيا وهذي هي الشمس
وهذا القمر ماشوف شـئً تغيّـر

واليوم هذا اليوم واللي سبقه امس
لكن مازال هنـاك شـئً يحيّـر

راح الرفيق بعيد لو يسمع الهمس
والجار يم الجـار معـاد سيّـر






مابغيت اصيح من همً مقيـم
ماكنً وسط المعاليق ولجـا
قد سمعت يقال من وقتً قديم
مابه احدً صاح من شي ونجا







مالاً قصر من دون جايع وعطشان
نفس الذي نمـاه منـه محرومـه







طبيعتي والطبع يغلب على الراي
يموت سـري كاتمـه ماحكيتـه
واليا بغيت اسند معاناة شكـواي
وجهتها صوب الكريم ورجيتـه







انا اللي تعبت وشفت انا واقع الاحلام
مثل من طبخ له فاس طمعان بمرقته
ويوم اكتشفته واتضح لي بشكلً عـام
تراجعت للواقع وعايشت انـا وقتـه







اطلق نظر عينك تشوف الطبيعـه
دنياك ماتسـوى تعقـد حجاجـك
وابعد عن اصحاب الردا والقطيعه
واصحب رفيقً مايعكر مزاجـك







ياروح روحي ياعنود الجوازي
غلاك عن هالناس روحي فرزها

انا معا غيـرك ثقيـلً مـرازي
ولا معك سبحه خفيفً خرزهـا[/align]