--- ((( فرصه بهذا العيد تجديد العلاقة من جديد ))) ---
 

[frame="9 80"]بسم الله الرحمن الرحيم

أخواني إداري وأعضاء وزوار هذا الصرح الشامخ كل عام وأنتم بخير ومن العايدين الفايزين قبل الزحمة أحب أنضع بين ايديكم هذه المتوااااضعه وكل عام وانتم بخير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]

شهر الصيام الله يعيده راح وأقبل يوم عيد = الله يعيده في نعيم وأنس و أفراح وسرور
حبيت أبارك للجميع العيد يا جعله سعيد = وأطلب من المولى يكافينا المصايب والشرور
وأطلب عسى يقبل تعالى صوم وقيام العبيد = والله يغفر ذنوبنا رب العباد أهو الغفور
والله يجنبنا لهيب النار في يوم الوعيد = والله يرزقنا جنان الخلد و أنهارٍ وحور
قلتة وانا حبيت أعايدكم بقيفان القصيد = والله يجعل للعباد بكل درب يضاح نور
رسالةٍ تظهر بها الاشواق ما تنقص تزيد = أقولها وأعيدها وأزيدها وأنا فخور
وأقول لي قولٍ ورب البيت بالنيه شهيد = على كلامي والصحيح إن قيل ظني ما يبور
بأبين أوضاعٍ تميزها هل العقل الرشيد = والناس تفهم ما نقول وكل زور وفيه شور
والناس ما بين الجهل والعقل والعلم الاكيد = تاخذ وتعطي والصحيح إن البشر مليون طور
أحدٍ من الدنيا إستفاد وحد يفيد ويستفيد = وأحدٍ يوفق في الزمن ويبان له في الوقت دور
والناس كلٍ له نظر ما بين عبد وبين سيد = كلٍ يورى له من الدنيا وكلٍ له شعور
وأحدٍ يشوف إنه من أهل الطيب والمجد التليد=والناس تدري به وهو ماغير حكايٍ هذور
وأحدٍ على عز وعزاز وتيد جاء من راس تيد = والناس تدري به على ماقفه صمال وجسور
وأحدٍ عرف قدره مع العالم ولا عنده رصيد = يمشي على ظل الجدر مكسور والحظ معثور
وكلٍ يحب اللي يريد وينبذ اللي ما يريد = و لأحدٍ يحب الا هل الاموال وأصحاب القصور
وأهل الكرم والمرجله والمدح و الساس الجويد=لو كان ما تملك فلوس تكب والدنيا تدور
وأحدٍ رفيقه ما يحبه لجل قاعٍ تحت حيد = هو مدرى بأن الحياه تزول والوعد القبور
قصر سلام .. وهجر دار .. وحقد . و أخفا كل كيد = ولو فكر إن الموت قافي ما تمادا فالقصور
الله يوصل من وصل رحمه ولو كانه بعيد = ويقطع قطوع الرحم ويعذبه في يوم النشور
فرصه بهذا العيد تجديد العلاقة من جديد = والطيب يبقا لرجال الطيبه والجور جور
ولحد يتغانا عن رفيق الجنب لو شوره سديد = ترى الرفيق اللي بلا ربعه تلاطمه البحور
هل من مزيد النار قالت يا عرب هل من مزيد= الله يكافينا البلا والنار في يوم النفور
أقولها وانا مقصر لكن أبدي ما أريد = والله يريد الوصل والألفه مع نظف الصدور
فحبيت أذكركم وأهنيكم مع العيد السعيد =الله يعيده في نعيم وأنس و أفراح وسرور[/poem][/frame]

فحبيت أذكركم وأهنيكم مع العيد السعيد
الله يعيده في نعيم وأنس و أفراح وسرور

عساك من عايد العيد والعمر المديد ياعبدالله


وصح لسااااانك وانا اخوك

فحبيت أذكركم وأهنيكم مع العيد السعيد ......... الله يعيده في نعيم وأنس و أفراح وسرور


الله يعيده علينا وعليكم وعلى الأمه العربية والاسلامية بالخير


عيدك مبارك وجعلك من عواده


وصح لسانك يا عبدالله


تسلم ولاهنت يالغالي


دمت بود

وكل عام وأنت بألف خير ياعبدالله

وصح لسانك ملاييييييييييييييييين

تقبل كل الود

أخوك

كل عام وانت بالف خير يا عبدالله


وصح الله السانك مليون على مشاعرك الجميله والصادقه



اخووك :)

قلتة وانا حبيت أعايدكم بقيفان القصيد
والله يجعل للعباد بكل درب يضاح نور

وحنا بدورنا نعايدك


ونقول كل عام وانت بخير


وصح لسانك على هذه


العيديه الجزله ..

كل الود

الجميع يا سلطاااان


وصح بدنك


شاكر ومقدر على المرور


تحياتي

عبدالله

صح لساانك

ولاهنت

وعيدك مبارك

اخوك

سالم اليامي

والناس ما بين الجهل والعقل والعلم الاكيد
تاخذ وتعطي والصحيح إن البشر مليون طور
أحدٍ من الدنيا إستفاد وحد يفيد ويستفيد
وأحدٍ يوفق في الزمن ويبان له في الوقت دور




عبدالله المهداني .. عزالله انها قصيده مليانه بالجزاله والحكم وجزاك الله خير


ومن العايدين والفايزين .. وكل عام وانت بخير



صح لسانك ودمت

الله يسمع منك يا كحيلان

وصح الله بدنك وكل عام وانت بألف صحة وسلامة


تحياتي

صح بدنك يابو ناااااايف

مرورك يشرفني


ولك تحياتي


اخوووووووك

أخواني إداري وأعضاء وزوار هذا الصرح الشامخ كل عام وأنتم بخير ومن العايدين الفايزين قبل الزحمة



مودتي

صح لسانك ملايين


وكل عام وانت بخير وصحه وسلامه



لاهنت

وتقبل تحياتي

ابو فيصل جعلك ما تموت وكل عام وانت بألف صحة وسلامة


مودتي