السلام عليكم ورحمة الله
بداية احيي جميع اعضاء المرقاب هذا الصرح الشامخ .. واتمنى أن نقضي سوياً وقتاً طيباً ولا انسى أن اشكر اخي الغالي معيض العتيبي على كل جهوده تجاه هذا الصرح واحيي اخوي الحجازي واقوله استلم لاعدمتك: مرحبا ترحيبةِ طعمها طعم المطر ................................... بخرت بالعود الازرق وطيب فالها يالحجازي كل الامه تلد لك النظر ................................ عقب طالت رحلتك والوزى يبر الها |
هلا بالجميع
ارحب ياسلطان واستلم البقا ياللي ترحب بعد ربي ومر .............................. والعلوم الطيبه مربح اللي قالها علم اللي لد بان الخطر مامن خطر .............................. فيه خطه محكمه كان ما تصحالها |
هلا هلا وغلا بالجميع ... وعكاشه شد حيلك;)
هلا يالحجازي واستلم: صابرِ صبر المودع على الموت الحمر ............................... اتحرى غيبتلك يبين هلالها اه لو انك تطّرف عن البيت الشعر .............................. الكحيله ياعميلي تبى خيالها |
طيب طيب
ياطويل العمر سلطان واصلك الخبر ............................. والحموله ياجملنا عسا تشتالها لاتحسبن ان الدعاوي سنه ولا شهر ............................ خابرين المشكله مير من حلالها |
الله ...........الله
انت جنب واترك الباخره فوق البحر ................................. يوم قام الموج بالحيل يصفق جالها وابشر بعلمِ(ن) على بال مثلك ماخطر ................................. النفوس اللي تردت تطيب احوالها |
الله الله
استلم يا سلطاااان اسمع اسمع يا العتيبي معي وجهة نظر .............................. روح كب الباخره ثم شوف بدالها من علامات القيامه وش اللي ماظهر ............................. مابقا الا ام الكباير تموت عيالها |
طيب طيب استلم يالحجازي:
ويش رايك لو اطببك في دوله قطر .................................... طالت المده ونفسك طويلٍ بالها باقيٍ من هالعلامات دجالٍ عور .................................... عايشٍ في شجرةٍ مايظل ظلالها |
الله الله
قالوا اقرب ياالحجازي تحضر المؤتمر .............................. قلت نبغا دلة كايفن فنجالها انت ياسلطان شاعر وشعرك معتبر ............................. مير جوّد غترتك لا يطيح عقالها |
استلم يالحجازي لاعدمتك:
اكثر العالم ولو نبحث الخافي صور ...................................... الله يخلي لبعض الرجال رجالها دام بيتك من قزاز احرص تحذف الحجر ...................................... والا انا شف هرجتي مبرمات حبالها |
طيب استلم لاهنت
بيض الله وجه سلطان وابليس انعثر ........................... ماحصل له حيلتن في العرب يحتالها مد لي يمناك مشكور طولت السهر ........................... والرجال الحاضره جملّ الله حالها الشاعر العزيز سلطان بيض الله وجهك مية مره اشكرك وصح السانك والشكر للاخ معيض على هذه الدعوه وكذلك للاخوه اللي ردوا وحضروا المحاوره وارجو ان اكون وفقت في مجارات اخي سلطان دمتم على العز والطيب ولاهنتوا جميعا وتصبحون على خير الحجازي محمد العتيبي |
مد لي يمناك مشكور طولت السهر
........................... والرجال الحاضره جملّ الله حالها الله ....... الله عليك يالحجازي انا والله اللي حصل لي الشرف باللعب معك ... وماقصرت وبيض الله وجهك مليون مره .... لاعدمتك وانا اخوك والشكر موصول لجميع الاخوان المتواجدين معنا وكل الشكر للغالي معيض العتيبي .. صاحب المجهود الجبار تحياتي :) |
| جميع الأوقات بتوقيت GMT +3. الساعة الآن 06:29 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية