[ إبتـسم .. ودّعتك الله ..!]
http://up.mergab.com/uploads_pic/b0c54b1dd5.jpg
[ إبتسم .. ودّعتك الله ] [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"] ياوجودي وجد من غاب ورجع لدياره = جابه الشوق القديم اللي لعب بافكاره بعد ماعاش الفراق وذاق .. مرّ الغربه= عاد والدنيا الصغيره دائماً دوّاره حين مرّ المنزل اللي قد قضى به عمره= غاب عن واقع زمانه لين .. حبّ جداره ولجّت أشواق الحنان الخافيه في صدره= والدموع تفوح ودموع الوفاء فوّاره وسار فيه وفكّ كل ابوابه المقفوله = بعد ماخيّم عليه من الزمان غباره كل بابٍ يفتحه يفتح عليه جروحه= ويتذكر جوهرة عمره وشمعة داره قام يذكر ويتذكر ما مضى له كلّه= مع حبيبة عمره اللي رافقت مشواره قام يذكر حسنها وأخلاقها المحموده = قام يذكر ويتذكر وقتها وأخباره قام يذكرها وهي تضحك معه وتسولف = يوم تسمع مايقول وتبتسم لأشعاره قام يذكر يوم تترك ماتبي لعيونه = لاجل يرضى تترك اللي ودّها تختاره قام يذكر لوعة الفرقا وتلك الليله= وكيف كان الدمع فيها ماتجفّ أمطاره قام يذكر يوم فاضت روحها قدّامه = لحظةٍ يفقد بها الرجال كل أطواره وقبل تلفظ روحها وأنفاسها الأخيره= إنظرت نظرة مودع ماوراه .. زياره من رضاها رددت ليه البكاء يا .. باكي = ضحكتك تسوى زماني لو طفنّ انواره لاتكدر خاطرك .. خاطرك عندي غالي= وانت مؤمن بالقضاء خيره وشرّ اقداره ابتسم .. ودعتك الله وادع لي بالرحمه = والوقايه والنجاه من العذاب وناره رددت ودعتك الله يالحبيب الأوحد = وخنقتها العبره اللي .. وقفت محتاره قام يذكر لين صاح الصيحه المذعوره= صيحة من قوّ .. أثرها صاحوا أهل الحاره وفزعوا له بالطبيب وبالحكيم ..القاري= وأعلنوا سرّ الوفاه .. أعصابه المنهاره ذاك وجدي ياحبيبي في غيابك عنّي = والغلا يزداد عندي مانقص مقداره ايه أنا عاشق واترجم مايكنّ إحساسي= والهوى لو زاد وجدي ماتبوح .. اسراره ياحبيبي والله إني مانسيتك لحظه =لكن اذكرني رعاك الله لو بزياره .![/poem] |
الله الله الله الله الله على هالتوجّد المؤلم ..
قصيدة حلوه بطرقها وبفكر شاعرها .. صح لسانك يابوتراحيب .. تحيتي لك ..، ولاهنت |
الله
الله الله يابوتراحيب , مبدع كالعادة ومافي الحتسى فايدة وكان صح لسسسسسسسسسسسسسسسسسسسسسسسسانك مليار X مليار |
اقتباس:
ابو تراحيب صح لسانك صح لسانك مدد قصيده لا تترك منها الذائقه السليمه حرف بدون اقتباس وحفظ في اقرب نقاط الذاكره ابداع ابداع ابداع من اول حرف لآخر حرف واقسم بالله انها اخذتني لاجمل مواطن الاحساس والشعر البديع اعذرني ان اكتفيت بقول اني اشعر بعجز الثناء عن ان يوفيك ويوفي هذا النص الفاخر حقه سلمت ودمت ودام هطولك اخوك |
قسم بالله انها شيخة قصايد وعفاك
صح لسانك يالسمي سلامي واحترامي |
الله الله يا ناصر
نص فاخر وحضور فاخر صح السانكـ أخـــــوكـ... |
[align=center]ناصر تراحيب
صح لسانك مليون ولاهنت ياغالي تقبل تحياتي أخوك : مشعل المطيري دمت بود[/align] |
ناصر تراحيب
لله درك قصيده في قمة الابداع من شاعر مبدع مبدع مبدع مبدع صح لسانك لين ترضى سجل اعجابي الشديد بهذه الفاتنه وسجل متابعتي تحياتي وتقديري اخوك |
يا سلام عليك يا ناصر
ابداع جميل ورائع صح الله لسانك ولا هنت لك كل الود والأحترام :) |
أبداع يا ابووليد
سهوله فالمفرده وحضور كبير لا يشابهه حضور النص يحتاج الى أكثر من قراءه صح لسانك صح لسانك صح لسانك تحيتي ومحبتي كثر مافي هالنص من أبداع :) |
وش هالتوجد يا ناصر ياوجدي عليك.
اشهد انها موقفه صح لسانك ...... صح لسانك ...... صح لسانك ...... صح لسانك ...... تقبل مروري البسيط ............ ودمت |
11 :)
|
الله اكبر
تصوير جميل وشعر مزدهر بالصور الشعرية لافض فوك تحيتي لشخصك |
ذاك وجدي ياحبيبي في غيابك عنّي
والغلا يزداد عندي مانقص مقداره ايه أنا عاشق واترجم مايكنّ إحساسي والهوى لو زاد وجدي ماتبوح .. اسراره ياحبيبي والله إني مانسيتك لحظه لكن اذكرني رعاك الله لو بزيــاره ياوجدي من وجدك ياناصر :) عز الله قصيدة ذهبة صح لسانك ولله درك ولا فض فوك تقبل ودي وتقديري مع أجمل تحية أخوك |
اقتباس:
صح لسانك بما تعنيه هذه الكلمة تقبل تحياتي |
كل بابٍ يفتحه يفتح عليه جروحه
ويتذكر جوهرة عمره وشمعة داره كل بابٍ يفتحه يفتح عليه جروحه ويتذكر جوهرة عمره وشمعة داره من الوجدانيات المتوشحه بالجمال قصيدة نابضه يا بو وليد وفيها كميه كبيره من الابداع المحبب صح لسانك وسلمت ، .. |
صح اللسانك يابو وليد
ولاهنت على الإبداعيه الغير مستغربه :) |
ايه أنا عاشق واترجم مايكنّ إحساسي
والهوى لو زاد وجدي ماتبوح .. اسراره احساس عذب من جزل ياحبيبي والله إني مانسيتك لحظه لكن اذكرني رعاك الله لو بزياره .! ااابو لايمك والله صح لسانك يابو وليد اخوك,,, |
طيب هنا حضور مدوّن آخر ,, واجباري بعد :)
اتمنى انه ما يزعجك فوق فوق |
اقتباس:
صح لسانك لاهنت قصيده قمه بالفعل وانت من مصادر الابداع في المرقاب |
الله الله يا ابو وليد !!
وجد محّزن .. وابداع غير مستغرب صح لساانك وبقية مبدعاً تقديري واعجاابي |
ايه أنا عاشق واترجم مايكنّ إحساسي
والهوى لو زاد وجدي ماتبوح .. اسراره ياسلااااام عليك ياناصر رااائعه وموجعه صح لسااااانك وانا اخوك |
| جميع الأوقات بتوقيت GMT +3. الساعة الآن 04:01 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية