نايف صقر
الإخوة أعضاء وزوار منتديات المرقاب
إليكم بعض من مشاعري تجاه الشاعر المعروف نايف صقر بمناسبة زواجه في 1 / 1 / 1429 هـ أتمنى أن تنال إعجابكم . [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] مع مطلع العام الجديد المسرات = صالت وجالت في القلوب النظايف وإنهالت الأبيات مع درب الأبيات = وأفراحها من فرحة الصقر نايف ترقص طرب والشعر في طيب الذات = ينقاد لي قود المهار العسايف أنتم دعيتونا بأرق العبارات = وحنا حظرنا ما حسبنا الكلايف جينا نقدم لك من الشعر باقات = يا ذخر قوم(ن) ينطحون العنايف قوم(ن) لهم تاريخ ناصع ووقفات = قبل الرفاهية وقبل الوظايف تاريخ ابن مسعد لمع في السجلات = وانساق ذكره مع جميع الطوايف وآلاد دلبح في السنين القديمات = معهم يصيرن الثقايل خفايف تاريخهم معروف في فايت(ن) فات = واليوم نايف رام روس النوايف في شعره التجديد والإبتكارات = وطلع(ن) مثل طلع أمهات السعايف قصايده مثل الحلي والجنيهات = وألذ من در البكار العطايف يا نايف اسمك ما عليه اختلافات = عند العقول الراجحات الحصايف عظيم وأشعارك تجوب المسافات = والشاهد أحبابك مثل ما أنت شايف شعرك علام فارقة وأكبر إثبات = نهجت لك نهج(ن) مميز وكايف صحيت لك جمرة وأنارت مدارات = شوارد أفكارك تفوق الوصايف وأنصفت حرفك وإعتليت المنصات = بقلوبنا خلف الضلوع النحايف ولو قالوا الحساد هيهات .. هيهات = قد لافهم من حجم شهرتك لايف لا تلتفت في مذهب أعدا النجاحات = خل الحسود يموت غيظ وحسايف وإن كان شفته زود الإنتقادات = بس إرجمه في بيت ويعود عايف قلته وأنا من مقحمين الأصيلات = اللي لهم مجد(ن) ينير الصحايف مجد(ن) مع الحيين بقوه الأموات = ما زال من وقت السنين العجايف مغايره على ظهور المغيرات = يثنون دون ملافحات السفايف وكل القبايل والنعم سبع مرات = من ينصف الأجواد ما هوب زايف أبا أمدح الأجواد في كل الأوقات = وأراقب اللي بالمخاليق رايف شاعر وشعري كالورود الطريات = في حال والا حال مثل القذايف والله يعز أهل الفخر والبطولات = آل السعود مخضبين الرهايف[/poem] |
حجز
1 وعلى البركه زواج نايف صقر ,, |
يسلام
ياسلام يامغيري يستاااااااااااااااااااااهل نايف وانت ماقصرت وبيض الله وجهك |
مرحبا مليون يا راجح
وحياك الله والله يبارك للصقر نايف مسعاه أبا أمدح الأجواد في كـل الأوقـات وأراقـب اللـي بالمخاليـق رايـف شاعر وشعري كالـورود الطريـات في حال والا حـال مثـل القذايـف والله ان شعر المغايره غير صح لسانك مدد وسلمت ، .. |
شعرك علام فارقـة وأكبـر إثبـات
نهجت لك نهـج(ن) مميـز وكايـف صحيت لك جمرة وأنارت مـدارات شوارد أفكـارك تفـوق الوصايـف وأنصفت حرفك وإعتليت المنصـات بقلوبنـا خلـف الضلـوع النحايـف ولو قالوا الحساد هيهات .. هيهـات قد لافهم من حجـم شهرتـك لايـف يستاهل الشاعر الكبير / نايف صقر وصح لسانك يا راجح قصيده ثمينه وجزله وشاعر مبدع دمت بخير :) |
اخي الشاعر راجح المغيري
مع مطلع العـام الجديـد المسـرات صالت وجالت في القلوب النظايـف بداية اكثر من رائعة خصوصا انها تزامنت مع مطلع العام الهجري والميلادي وإنهالت الأبيات مـع درب الأبيـات وأفراحها من فرحة الصقـر نايـف مناسبة كانت كفيلة باغراء الابيات التي انهمرت بكل عذوبة وسلاسة بكل الترحيب نستقبل هذا الراجح خصوصا انه من المقلّين في مشاركاتهم في المنتدى صح لسانك ياراجح والقصيدة كانت مليئة بالافكار الناضجة والابتكارات الجميلة والتسلسل المنطقي خصوصا انها كانت مشاركة لافراح ذلك الرمز نايف صقر والذي قدم ماقدم لجيلة ولمن سيأتي بعده تحياتي واتمنا ان تكون اكثر حظورا مع اخوانك المرقابيين اخوك نادر مشعل |
صح لسانك يا راجح
ويستااااااااااهل نايف وعساه مبروك دمت بود |
[align=center]شاعر بـ قامة
الصقـر النـايـف يزهو به شعر يعانق السمو صح بوحك وسلم فكرك لك أعذب التحايا[/align] |
ابو نايف
ياسلام عليك صح لسانك مليووووون لك فائق احترامي وتقديري |
مرحبا مليون يا راجح
وحياك الله والله يبارك للصقر نايف مسعاه صح لسانك مدد وسلمت ، |
قوم(ن) لهم تاريخ ناصـع ووقفـات
قبـل الرفاهيـة وقبـل الوظـايـف تاريخ ابن مسعد لمع فـي السجـلات وانساق ذكره مـع جميـع الطوايـف وآلاد دلبح فـي السنيـن القديمـات معهـم يصيـرن الثقايـل خفـايـف تاريخهم معروف في فايت(ن) فـات واليـوم نايـف رام روس النوايـف معلقه يا راجح الله لا يضرك والله يوفق نايف ويرزقه بالذريه الصالحه صح لسانك مدد بلا عدد تحياتي ومتابعتي الدائمه يا راجح |
[align=center]صح لساانك
والله يبارك لنايف في زواجه وكل مقدم على الزواج وكل متزوج ابيات جميله لك فائق الاحترام والتقدير تحياتي[/align] |
( راجــح المغــيري )
مناسبه سعيده .. وقصيده فريده يستاهل النايف .. كل هذا الإحتفاء وتستاهل انت .. ان نقول لك .. ابدعت وكسبت الإعجاب ومبروووك نكررها .. لـ نايف صقر ولك عظيم التقدير |
صح السانك ياراجح
ويستاهل عملاق الشعر نايف ويستاهلون اكثر الاد دلبح تحياتي ،،، |
الله الله يا راجح
صح لسانك صح لسانك ويستاهل الشاعر نايف صقر محبتي واحترامي اخوك |
اقتباس:
|
اقتباس:
فايز ابو رجيلة الثبيتي وجهك ابيض وصح بدنك وشكرا على زيارتك |
اقتباس:
وانت اللي والله شعره غير ومنومسنا ونعتز بما ذكرت وتقبل صادق امتناني |
اقتباس:
صح بدنك اخوي مناحي وشكرا على ماذكرت تقبل تقديري |
اقتباس:
مشعان البراق صح بدنك وشكرا لتواصلك تقبل مودتي |
اقتباس:
الاخ الشاعر المبدع نادر مشعل شكرا لسخاء اطراءك واعتز بشهادة الانقياء امثالك تحيتي يابو مشعل |
اقتباس:
اخي عدنان شكرا لهذا النور الذي اضاء متصفحي صح بدنك ودمت بكل خير |
| جميع الأوقات بتوقيت GMT +3. الساعة الآن 06:24 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية