شــــقرا ..!
السلآم علـيكم ورحمـة الله وبركآته
يسعد جمـيع أوقـآتكم بالخـير .. قصـيدة تعبّر عن حآلهآ : أنا شقرت القاف ياحمود شقرا ولاني بمن يشقر عصا الربع شقرا والوشم تال الوقت سموه شقرا والشمس لا حميت يذوب الجليدي قالوا لي اهدا وقلت ماني بهادي مادام فيه إشكال في دار هادي ولا فيه غير الله للناس هادي والأمر لله والحكي ما يفيدي بغيت أقرّب لابن عمي وأبرّه وانحاش عني مع صحاصيح برّه والسوس جاء فالحب دخنه وبرّه وصار القريب عن القرابة بعيدي قالوا ترى العمدة كفو لو تمرّه تلقاه فالواجب كما شيخ مرّه واللي يذوق الحنظلة قال مرّه ولا أحدٍ صرف شيكٍ بليّا رصيدي وقالوا رفيقك جاه علمٍ وصرّه وحطّه على ما قيل في وسط صرّه وإن طوّلت جاء للمحاحيل صرّه من يمنع الهاتف وساع البريدي الوقت هو الوقت برده وحرّه والأرض هي الأرض رملة وحرّه ومن راقب العالم توفّى بحرّه والموت يجري في عروق الوريدي قامت تثور أتوام منّا ومنّا وصارت مثل ما قيل منهم ومنّا ولا أحدٍ خذاها غصب من دون منّا لو فكّر إنه خالد بن الوليدي إصلاح ذات البين غاية مرادي اسمع كلامي جعلكم فالمرادي نويت أشارك مير ربي ما أرادي ولا أحد يسوّي غير ما الله يريدي نرم الهدف بالمارتين ونصيبه واللي يحوش الطيّبة من نصيبه ومن مات حطّوا فوق راسه نصيبه والمسعد اللي مات موتة شهيدي حمود تسمع كلمته عند عمّه والخير خصّ أشخاص والشر عمّه البس لحل إشكال الاقراب عمّة ولا فرق بين شنيف وابن حميدي إن كآن مآ للرجل يمنى ويسرى يعيش في عسرى ولا فيه يسرى ويسري بليلٍ دك ماهوب يسرى وترى الضعيف أصله ضعيف العضيدي قانوننا يا حمود للشرع حكمه وللعقل ميزانٍ وللشعر حكمة والمحكم المنحلّ لابدّ حكمه ومن لا رضي بالشرع يحسب بليدي وسلامتكم |
ضيف الله بن سويلم,,الشاعر الكبير
صح لسانك مدد ماهو بعدد قصيده رائعه ومقدره شعريه فالشقر وليست بغريبه عليك يابن سويلم هذه المقدره ولـك الود والتقدير |
صح اللسانك ياشاعرنا العلم
ضيف الله بن سويلم ولاهنت على القصيد الطيب دائم ،،، :) |
ضيف الله سويلم
صح لساااااااااانك وبيض الله وجهك اخوووووووووك |
سلمت سلمت يا ضيف الله
وبيض الله وجهك صح السانك صح السانك اخووك |
ضيف الله بن سويلم
صح لسانك مليوووون لك فائق احترامي وتقديري ,, |
شاعرنا الكبير ضيف الله بن سويلم
صح لسانك صح لسانك صح لسانك صح لسانك ... حتى ترضى مقدره شعريه كبيره تقبل مروري .... |
0
الشاعر الكبير / ضيف الله صح الله لسانك مدد مدد مدد وعساك سالم 0 |
اقتباس:
الله الله الله الله اشهد بالله انك جامعة شعر ماشاء الله تبارك الله فن فن في كل شي طرق ومعنى وقافيه وشقر |
\
استاذ شعر \ |
صح لساااااااانك على هالبدع الوافي
حقيقة امتنعتني يا ضيف الله بها القدرة الرااائعة لله دردك ودرك ولاهنت ولك التحية |
بيض الله وجهك
شعرك انت غير ووسمك بيّن ورسمك واضح صح لسانك وطال عمرك تحياتىىىىىى لك |
صح الله لسانك ياضيف الله
قصيدة طيبه ومن شاعر طيب سلامي عليك |
الأخ
عبد الله بن سعيد لك كل الشكر على مرورك وردك |
.
. الله الله الله الله الله :) صح الله السانك .. ! صح الله السانك .. ! صح الله السانك .. ! صح الله السانك .. ! مبدع .. يا ضيف الله جدد اعجابي .. طال عمرك .. ! . |
الأخ محمد مشوط
صح بدنك ومشكور على المرور والرد |
الـفـاضـل..................ضـيـف اللـه بـن سـويــلـم...
صــح لـسـانـك وتـعــلا شـانـك دمـت عـلى الطــيب.. |
قانوننا يا حمود للشرع حكمه
وللعقل ميزانٍ وللشعر حكمة والمحكم المنحلّ لابدّ حكمه ومن لا رضي بالشرع يحسب بليدي الله الله يا بو سويلم شقر على مستوى الله لا يهينك محبتي ومتابعتي تقدير |
استاذ شعري !! وقصيد يكيف :)
صح لساااااانك !! |
أستاذي أبو عبدالرحمن
صح لسانك كل نص شعري منك يعتبر درس مجاني لنا لاأملك إلا أن أقول الله يطول عمرك |
شعر العمالقه غير .. :)
صح لسانك يابوناصر .. لله درك .. وتحيتي وتقديري ، |
الأخوان
فائز أبو رجيلة خالد الحصين راكان الروقي لكم كل الشكر على مروركم وردودكم |
| جميع الأوقات بتوقيت GMT +3. الساعة الآن 10:30 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية